السلام عليكم ورحمة الله وبركاااتة..


ازيكوا يا جمااعه ..

وخصوصا ياشباااب يا جاامد انتا..:7559:

بصوا بقى طبعا العنوان وواضح وصريح

ماما ولا المزة ..؟

الموضوع باختصااار بيتلخص فى حالتيين (على اساس انى دكتوور عظام):crazy:




الحالة الاولى


دى حاجة لحظتها الفترة الى فاتت دى كلها

الاقى الباشا من دوول ماشى جنبنا كدة ومرة واحدة

سقط ورانا منعرفش ازاى ونلاقية وشة بقى شبة وردة الياسمين

وودانة احمرت و بقى عاطفى خااااااالص :08:

ويقوول الووووووه:005:

بتنهييييييدة كدة ..الوااااااد عاطفى اسم النبى حارصة وصاينة وضمة..:08::08:

نعرف علطوول انه بيكلم حبيبتة..:shocked:

وتيجى تكلمة على اى حاجة او تاخد راية والنبى لو قلتلة هااخد العربية بتاعتك طول العمر:wacko:

يشاورلك بدمااغه ويقولك حااااااااضر ..لية بقى لان المزة بتبقى مديالى بنج فـ ودانة

مخلياه سفير الحب ف وسطنا ..

ولو سيبتلة اى حاجة ع الطرابيزة قدامة ..مفاتيح مثلا تلاقية بيلعب بيها وساارح :005:

وعاااااااااايش فى مياه البطييييييخ..

ولما يخلص تيجى تسالة عن الى قلتهولة !!!

يقولك اية ..؟ اية دة مين قاال كدة؟:blink:

تقولة انتا يا عم الحبيب يقولك لا يا عم ماليش دعوة انتوا بتدبسونى..:ranting_w:

اصلة مكنش معانا ف الدنيا ..كان رااكب على سحااابة وطااير ..



الحلة التانية

نبقى ماشين مثلا اربعه جنب بعض ..ومرة واحد تليفون الكابتن يرن

طبعا حاطط نغمة ..سارينة عربية اسعااف او بوكس شرطة

ويوا ويوا ويوا

يفتح السكة ..اول لما يتك ع الزرار ..تسمع حاجة من اربعه..:ranting:

نععععععععععععععم ، ايوة ، استرها يا رب ، عايزين اية؟

نعرف علطوول انة بيكلم مامتة ..:49:

وتلاقية بقى فى وسط الكلام ..:wacko:


(مش راااااايح) ..اكيد كانت عاوزة منة مشوااااااار
(لا والله)..اكيد مانت بتطلب منة يرجع بدرى عشان فى ظروف ف البيت

وكلام غير دة كتييييييير ملياااااااان قسوة

وحياات ربنا انا لما بسمع كدة جسمى بيقشعر ..


ولما يخلص المكالمة من غير سلام عليكوا يرووح قافل السكة فى وشها..

او يقول خلااااااااااااااااااااااااااااااااص ويروح قافل..




فانا بقى جيت النهاردة عشااان اقوول حاجة ..

هل يابنى واوعى تفتكرنى بقولك كدة على اساس انى شيييييخ

ولا كبير فى السن ..انا واحد زيى زيك بس ابسط حاجة انى اتحرمت من اهلى فترة كبيرة..

فحاسس بالى بتعملة دة..



هل امك ومحدش يقولى اسمها امك ..؟

اه امك ..اكنت بتتقال امك ف القران والرسوول قال فى حديثه

"قال امك قال ثم من..."

مش مامى بقى وكدة ..

فا يا صاحبى والله العظيم امك ما تستااهل منك كدة ..

مش تستااهل ان واحدة انتا الله اعلم بتحبها ولا بتلف معاها ولا ولا ولا

انك تعاملها معاملة احسن من الى جابتك للدنيا

ومش هقعد بقى ارغى كتيييير واقولك الى حملتك فى بطنها تسعه اشهر

والكلام دة لانك هتقوليى



"فكك يا عم من الالش دة "

او

"ياااااه دا انتى قدييم اخر فيص"

او بردة

"يا عم وربنا حافظين الكلام دة"



فهقوولك كلمة واحدة بس ..الى بترووح البيت بتلاقيها مستنيااك

عشاان قلقاانة انها تناام وانتا برة تستااهل كدة..

الى فى امتحاان الثانوى والامتحانات المهمة بتااعتك بتقعد تعيط لربنا

عشان ينجحك تستااهل كدة .. ع العموم فى نهااية الكلام

انا بس حبييت ادمج ف الموضوع رووح الشبااب والدعاااابة عشاان تقرا الموضوع للاخر



فياا عبد الله الضعييف ربنا امرك انك تحاافظ على اهلك وتعااملهم احسن معامله

وانتا بتعااملهم كدة ..


و (المزة او الجماعه او الحتة او الجو او القطة او ..او ..او ..اصل ليها مصطلحاات كتير واخدها الشبااب نيك نييم للبنت الى بيكلمها)

بتعاملها المعاملة الرقيقة دى ..وانا مش بقولك عامل الناس وحش بس زى ما بتعاامل النااس



عامل اهلك الى يستحقوا منك اكتر من كدة بكتيير ..

وحط دايما فى دمااغك ان بعد عمر طوووويل ان شاء الله

هتبقى ف الدنيا لوحدك ..والملايكة هتقولك فى صووت وااحد

" ماتت التى كانت نكرمك من اجلها"

فحااول تكسب رضاها..عشان تعيش بقية حيااتك مبسووط

ويا سلام لو تروح دلوقتى تبووس ايديها ،، من غير ما تقولها ان فى حاجة ولا بتاع

قولها بس "اية يا غالية وحشاانى واضحك معاها وهزر وبوس ايديها وقولها اوعى تزعلى منى ابدا دا انا حبيبك سامحينى لو مزعلك"

هتلاقيهم هتقوولك "يااض دا انتا ابنى عمرى ما ازعل منك ابدا .."





ودلوقتى اقدر اسالك

ماما ولا المزة؟

{{وشكرا واسف انى طولت واسف انى كلمت كل الشبااب كانهم اصحاابى

بس كان لازم اعمل كدة عشاان تتابع معايا }}

ومتنسااش تقولى ردك ع السؤال!!

والسلام عليكم ورحمة الله وبركاتة..:bye:

حقوق النشر محفوظة لصااحب الموضوه mohamed sobhy
ولقهوة المصريين فقط..