...........






ان مبارك يخاطب سذاجيتنا السابقه....

"اصله راجل كبير".."اصله عشره تلاتين سنه".."يا راجل ..ده حارب وكان من ابطال اكتوبر"

فكنا ساذجين..ونعديله..ونسكت...ك

انت الام يتخطف ابنها..ويعذب عشان كان مربي دقنه...وفي الاخر..نقول..معلش اصله راجل كبير ..


كنا منلاقيش لقمه عيش وراجل ينام في الشارع مستغطي بكرتونه....وكانت اموال بالمليارات تتسحب..

ونقول "معلش..اصله عيان وبيتعالج.."


كان ممسك ابنه امانه سياسه الحزب الوطني..عشان يعرف يسرق في الشعب..وعشان يجهز عشان يمسك مصر..

وكان الاب المصري..بيبيع عفش بيتهم عشان يصرف علي ابنه في الدروس الخصوصيه في الثانويه المتخلفه..

ويقولك ..معلش .."اصل الي نعرفه احسن من الي منعرفوش"...



كانت الست سوزي بتاخد فلوس مكتبه اسكندريه..ومليارات من مشاريع القراءه للجميع....

وكان الاب والام المصريين بيجيبوا الكتب الخارجيه لولادهم بالعافيه...

ويقولك " اهي الست نهضت بالقراءه...دي ماما سوزي"...




بلاش التلاتين سنه الي شوفنا فيهم كل الذل والهوان والمجاعه والتخلف..وكانت مصر علي شفي سنه او سنتين ..في حروب عشان الميه ..وعشان نعيش...وكانت سياستنا مدمره..وثرواتنا نهبت..بلاش كل ده..

هقولك جملتين في الاختصار..

لا يختلف شخص مع نفسه..علي ان مبارك ونظامه كان فاسدا......


ثلاثين عام من الفساد

وحينما نأتي بعد الثلاثون عام...ولا نحاسب من فسد علينا..ونشر في الارض الفساد...

ونعفوا عنه....لن يعتبر اولي الالباب...

صحيح سنكون مثل رائع في العفو....ولكن سيطغي من يطغي..ويفسد من يفسد

ويستمتع بالحرام سنينا عددا...علي حساب الشعب..وفي الاخر يعفى عنه...لا اعلم كيف سيحاسبنا الله ..


مقوله اخيره..

المصري سواء ذكر او انثي...الذي نزل الي التحرير...لم يبحث عن اموال...فهو ليس عبدا يشتري بالاموال....ولن يبحث عن استرداد اراضى...فارض الله تكفيه....

ولكن حينما حارب ...وقتل منهم من قتل...كانت بحثا للكرامه التي هدرت منذ سنين عددا..

وبحثا عن العداله..التي لم نعرفها من نفس هذه السنوات..


لذالك..لن نقبل الا بالقصاص....فيمن قتل..وفيما سرق..وفيما سلب..


ولن نتخلي عن العداله بعد اذ حاربنا من اجلها...

ولن تعمى عينانا باموال واراضي..

فوالله عزتنا التي حاربنا من اجلها..لا تضاهيها كنوز الدنيا..

"سأثور ان صدر العفو عن الظالمين وسأحارب مره اخرى مطالبا بعزتي وكرامتي"

نقلا ً عن ..

هشام عفيفي

17 – مايو - 2011


...........


مفيش ولا نص كلمه تتقال بعد الكلام ده ..