نفسى انسى احمد فؤاد نجم2010
نفسي في صنف حشيش ..ينمل الدماغ وينضف النخاشيش
علشان انسي طابور العيش واخش في الغيبوبة وانسي ازمة الانبوبة
وانسي بلدنا المنهوبة .. وانسي اللي بيجهزوة علشان يكون رئيس للمخروبة
وابقي مسطول .. وانسي اي مسؤل من اللي سابوا الناس في السيول
وانسي ان نظيف اتجوز وبقي بيعول .. وانسي مجلس الشعب وفتحي سرور
وانسي البرادعي وايمن نور .. وانسي شوبير ومرتضي منصور
وانسي تعديل الدستور ..وانسي اللي ساكنين في القبور . وانسي انفلونزا الطيور
وانسي مشاريعنا الفاشلة في توشكي وابو طرطور واخش في الاستهبال
وانسي التوريث .. والنيل اللي نازلين فية تلويث
وانسي ان منتخبنا كويس زي ما قال الريس
وانسي تصدير الغاز .. واحنا عندنا ازمة بوتجاز
وانسي قطر العياط .. وانسي قطر الصعيد .. وانسي احمد عز واحتكار الحديد
وانسي زحمة المواصلات .. وانسي الانتخابات وانسي فتاوي الفضائيات
وانسي العشوائيات .. وانسي فشل التعليم .. وانسي هشام طلعن وسوزان تميم
وانسي الاهرام وانسي الاخبار ..وانسي المعارضة وانسي الاحزاب
وانسي تامر حسني وعمرو دياب .. وانسي مشكلة النقاب
وانسي مشكلة انفلونزا الخنازير .. وانسي اوروبا وامريكا والصين .. المتقدمين عنا بسنين
وانسي البيت بيتك وتامر امين ..وانسي ان كيلو اللحمة بقي بتمانين
وانسي اننا في الزبالة بقينا غرقانين .. وانسي المادة ستة وسبعين وسبعة وسبعين
وانسي فريق الساجدين .. وانسي الزمالك والاهلي وانسي اليسا وهيفاء وهبي
وانسي الفول والطعمية .. وازهي عصور الديمقراطية وجامعة الدول العربية والجماهيرية الليبية
والكفيل في السعودية .. وانسي بطرس غالي والضريبة العقارية
وانسي الطلعة الاولي الجوية ..وفتح وحماس والمصالحة الفلسطينية
وانسي هنية ومحمود عباس وانسي العراق وباكستان وانسي ايران وافغانستان
وانسي الاخوان .. ومحمد ابراهيم سليمان وانسي ان اي واحد من 0900 يطلع كسبان
وانسي ان كل ممثلة حيزبون تاخد من المسلسل كام مليون .. وانسي ايامنا السودة
وعشان اعرف ان الصنف كويس لازم اترشح وابقي الريس
**************
يلا ياعم اترشح على كيفك
فضيت اهى
ههههههههههههههه
رد مع اقتباس
المفضلات