لسه راجع هلكان دلوقتى من قعده الصلح قعده خير وحياتكم بين ابوعلاءوالشعب وكانت فى قهوه الفيشاوى فى السيده زينب وطبعا هحكلكوا اللى حصل بالضبط
ابوعلاء وصل الساعه سته بالظبط وكان معاه الهانم حرمه طبعا كان لابس جلبيه كتان بسديرى وشال ابيض والهانم لابسه جلبيه سودا بلدى وطرحه سمرا وجايين فى اتوبيس 203بولاق -الحسين ونزل كان قاعد مستنيهم طبعا اعضاء ائتلاف الثوره من الشعب وطبعا رمى السلام ورد الجميع
وائعد قمت طبعاً انا طالب مشروبه المفضل وكان كركديه والحاجه ام علاء طلبت خروب وشيشه تفاح واول ما اتكلمت قلت نئرا الفاتحه ياجماعه على ارواح العيال الميتين فى التحرير وبعد ما ارينا الفاتحه قام ابو علاء وقال يرديك كده يامعلم تيفه اللى عملوه الرجاله دول قلتلله اقعد ياحج احنا جايين عشان نتصالح ملوش لازمه الكلام دلوقتى رد وقال وحياه عيالى اللى مااحلف بيهم باطل ابدا كل اللى معايا من الاصه دى كلها 750جنيه هم اللى فاضلين بعد اتعاب المحامى والاكل والشرب ومصاريف المستشفى متنساش ياحج تيفه ان العيال بئالهم اسبوعين فى السجن ومفيش حتى لئمه فى البيت ودول ارزاقيه وشغلانه يوم بيوم يعنى ميبئاش موت وخراب ديار ياعالم بلاش كفر بئا قلتله اهدى بس يابو علاء الزعيئ والسوت العالى ممنوش فايده قاللى ماهو ميصحش كده ياحج مش عشان خاطر ربنا كرمنى انا والوليه بئرشين تبصولنا فيهم دا ميرديش ربنا والا ايه يارجاله وانا ياعم بالنسبه لموضوع العيال اللى ماتوا هدفع مساريف جنازتهم واى شىء اهلهم عيزينوا بيت ابو علاء مفتوح للكل بس بئا بلاش كل شويه والنبى اغنيه يابلادى يابلادى لحسن بتحسسنى انى قتلتهم بحء وحئيئى ماهو برضوا كانوا هيموتوا م الجوع لو عاشوا او هيموتوا فى المعتئل لو ابضت عليهم يعنى فى كل الاحوال ميتين ومكنوش 30سنه عمى هنتكلم عن الذل اشمعنى انا ماانتوا طول عمركم مذلوليين والا هى جت على ذلى وحبكت بصراحه انا قلت الكلام دا عين العقل يارجاله والراجل ما غلطش فى ولا كلمه رحت حاكم حكمى وقلت اوم يابوعلاء حب على راس الشعب وقام ابوعلاء وقال متزعلش منى ياشعب مكنش اصدى وسماح المره دى وقامت الست ام علاء باست ام خالد سعيد وقالتلها والنبى ياختى ماتزعلى منى ولا من سى الحاج ابوعلاء دا كان بيحب المرحوم اوى وكان كل ما كان يشوفوا يقراله الفاتحه
وراح مطلع الحاج ابوعلاء من جيب السياله 750جنيه وقال وعزه جلاله الله دول منى اول عن اخر لمصر وماتزعلش ياشعب والنبى ماتزعل
ودئى يامزيكا
تيرت تيرا تيرا رارا تيرت تيرا تيررار تيرت تيرا تيرا رارا
وايه يعنى يموت خالد و100خالد
فداكى ياطوارىء1000شهيد
ماهما اسيادنا واحنا عبيد
يروح الشب يجى غيره ولايهمك
مدام جدو مضا عقد جديد
ماهما اسيادنا واحنا عبيد
يروح الشب يجى غيره ولايهمك
مدام جدو مضا عقد جديد
واه يامرارة الصبار وطعم العلقم
جوه الحلق يوم عن يوم بتزيد
ورقصنى على جثة شعب بليد
يوميات مشتاق كداب العصر(الصلح)6
رد مع اقتباس
المشاركة الأصلية كتبت بواسطة اميرة حبى انا
المفضلات