من القائل .....؟

[M.Khalifa]

كلما تحدثت انت يا أستاذ محمد .. أزداد لك حباً وإحتراماً وتقديراً
جزاك الله خير الجزاء وزادك رفعةً على تواضعك الطيب
آمين

ولك مثل ما دعوت لي

[lionking]

أستاذ جمال
حضرتك منور موضوعي
وشكرا على تشجيعك ليّ
وبتحرجني كتير لما بتقول عليّ اني أستاذ في وسط هذه النخبة من المثقفين اللي زي حضرتك وأميرة وخلود وأمل والباشا وأسامة .... ومش عايز أنسى حد
بس أعذرني الموضوع بتاعي ده لو استمر كل يوم هيتعارض مع موضوع أمل اللي تم تثبيته (( من أقوال العظماء )) فأنا بافضل انه يتقفل وخلينا نشارك أمل (( ليون كينج )) في موضوعها الجميل قوي (( من أقوال العظماء )) ونحط مشاركاتنا كل يوم..
ولكم مني التحية والشكر

السلام عليكم

طبعا انا معترضة ان موضوعك ده يتقفل

لان موضوعك جميل جدا وفى صيغة اسئلة ومسابقة يومية

لكن موضوعى عبارة عن رغى ورط وكتر كلام


عشان كده انا بدعوك انك تستمر فى المسابقة دى وخلينا كلنا نشترك بس المهم
**
**
*
*
*
*
*
*
*
ان انت تعمل جايزة







ايه رايك فى التدبيسة دى بقى

[M.Khalifa]

ليه كده ياليون بس
ده أنا باعزك حتى
بقى أنا أقدمك على نفسي وأقدم موضوعك على موضوعي وانت تدبسيني
ولو جيتي للكلام العملي أنا لو تممت الموضوع ده ممكن الاجابات تكون في موضوعك انتي
يستحيل استمرار الموضوعين مع بعض ياليون وأنا مصمم انك تستمري في موضوعك الجميل
وبلاش تدبسيني تاني أنا كده ممكن أغير فكرتي عنك ده خلود قالت لي انك طيبة
ههههههههههههههه

[M.Khalifa]

على فكرة الموضوع موجود للي يحب يستفيد هو وموضوع العضوة خفيفة الدم ليون
وفكرة المسابقة طبعاً اتلغت الادارة لم توافق عليها

[خلود]

وفكرة المسابقة طبعاً اتلغت الادارة لم توافق عليها

انا شفت الموضوع فى الاول وشاركت فيه مره واحده بس بالرد نظرا لكثره المواضيع طبعا

اما انه يتعمل كمسابقه وجوايز مظنش انه ينفع خالص

لان السؤال هيتكتب فى جوجل ويلاقى الحل تبقى مسابقه ازاى ياريت تفهمونى

اكيد الاداره مش هتوافق طبعا

الموضوعين حلوين وياريت يستمروا لانها معلومات حلوه جدا حتى لو معرفناش نحل بس يكفينا اننا نحاول ونبحث عن اجاباتها

ده رأيى المتواضع وانا حبيت بس اوضح ليه الاداره موافقتش وده اجتهاد منى انا شخصيا

واشكركم جميعا