ياهلا بالضيف الجديد(محمد خليفة)

[lionking]

ايه الفرحة دى
كل الناس فرحانة فيك
اصدى فرحانة ليك
اخيرا هتنورنا ونهريك اسئلة
بس متخافش توكل على الله
هيـــــــــا مـــوتة ولا اكـــتر
اكيد انت عامل عمله والا مكانش صدر حكم الاعدام كده وفى منتدى عام كمان تؤ تؤ تؤ تؤ تؤ تؤ

يالا معلش

اتشـــــــاهد عــلى روحـــك يالا واتفضــــل

[Miss Robe]

طار فى الهوا شاشى وانت متدراشى



شكلوة طفش من اولها يا اميرة




حراااااااااااام عليكي يا موفترية




هههههههههههههههههههههههههه





انا هجرى بقة عشان اميرة متبعتليش حد يضربنى

[M.Khalifa]

أنا جيت ومستعد ومش خايف
وعلى فكرة أنا باعلن قبولي مواجهة كرسي الاعتراف
بس ماكنش العشم يا أميرة

[M.Khalifa]

الاسئلة الثابتة

1-الاسم؟
محمد خليفة
2- السن؟
24 سنة
3-احساسك ايه وانت قاعد على الكرسى؟
قاعد بين أهلي وأحبائي واخوتي
4- مين اقرب انساااااااان او انسااااااانه ليك؟
زوجتي
5-ايه احلامك؟
في الدنيا ... الستر ودوام الصحة والبركة في الأولاد وعلى فكرة نفسي يكون عندي أولاد كتير ونفسي أكتر ربنا يبارك لي فيهم وأنشأهم نشأة دينية
وفي الآخرة .... عايز الجنّة
( ربنا آتنا في الدنيا حسنة وفي الآخرة حسنة وقنا عذاب النّار )
6-كام مره حسيت انك ملكش لزمه فى الحياه؟
ولا مرة
7- كااااااام مره مقدرتش تكتم دموعك؟
أنا دايماً مابقدرشي أكتم دموعي
8-حلمت حلم واتحقق؟؟
لوكان معنى الحلم هنا مايراه الانسان في منامه فلا
ولوكان معنى الحلم الأمنيه فأنا اتمنيت الزوجة وربنا أكرمني بيها والأولاد ربنا أكرمني بتوأم ولد وبنت والعمل ربنا كرمني بالعمل والأهم من ده كل والدي مات وهو عني راض

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
هي الدين فقد قال صلى الله عليه وسلم ( المرء على دين خليله فلينظر أحدكم من يخالل )
أقرب صديق لي في الحياة كان والدي وتوفى
وفي المنتدى العضوة المتألقة دائما خلود
10-كل شخص مننا جواه نسبة حزن ياترى نسبة الحزن جواك كام في المية؟
قبل وفاة والدى ما فيش حزن خالص لكن بعد ما توفى والدي 50% حزن

11- مين اقربلك وبتحس انه فاهمك اكتر والدك والا والدتك ؟؟؟
بصراحة كان والدي لكن بعد ماتوفى والدتي طبعاً

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
موضوع ( أنا الموت ) للعضوة الحنونة جداً ( ليون كينج )
13- لو حبيت شخص مش حاسس بيك ياترى تعمل ايه ؟؟؟؟
أصارحه بحبي ليه
14- هاقولك كلمات توجهها لاشخاص في منتدانا
- مواضيعك ممتازة
أميرة
- انت فين وغايب عننا ليه
نصل الهوى - قمر
- المنتدى وحش من غيرك
خلود
- رأيك بيعجبنى
فجر مصر
- انت شخصية محبوبة جدا فى المنتدى
الباشا
- انت دمك خفيف اوى
ليون
- انت شخصية قوية تتحمل الصعاب
فجر مصر
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
لم يحدث

16- هل حد ظلمك لدرجة انك قلت مش ممكن اسامح؟؟؟
نعم ظُلمت ولكني سامحت
17- لو هتسافر مكان ومطلوب منك تاخد شخصين بس معاك تختار مين؟؟؟
أمي وزوجتي

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
سهل جداً وفي رأيي أن البكاء ليس عيباً
20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟
نفسي أزور مكة وذلك للحج إلى بيت الله الحرام
لو لم أكن مصرياً لوددت أن أكون مصرياً

ايه السؤال اللي كنت تتمنى انى ماسألوش ؟؟؟
مافيش

وطبعا دى الاسئلة الثابتة يعنى مش اسئلتى
انا لسه مسألتش

[/quote]
اسألي براحتك أنا مش بخاف

[lionking]

انا بشكرك جداا يا محمد على ذكرك اسمى المتواضع مرتين

بس على فكرة ده ميمنعش انى ههريك اسئلة برده

ادينى فرصة اركز شوية

وهتشوووووووووووف