الحب هو الحل 21 - اجمل ما في الوجود

**محمد المصري** · 06-01-2011, 12:47 PM

كلنا بنقول في الحب كلام كله حب واهات .. واعجاب وغرام.. فيهم شوق ولهفه .. بتوصف في القمر وتقول عليه كلام حب جميل .. ومشاعر فياضه .. واحاسيس خارجه من جوه القلب جوه .. وساهم طايره .. وكيوبيد نازل .. وهيام بالحب طالع .. بس يا تري القمر فعلا احلي ما في الوجود .. هو مجازا صح .. بس ليه القمر احلي حاجه في الحب .. طبعا عشان حجات كتير كلنا عارفينها .. وكفايه علينا القمر يوم 14 .. بس دا يوم واحد في الشهر .. لكن القمر الحقيقي هو اللي كل يوم تلاقيه 14 مفيش يوم مبيطلعش .. مفيش لحظه بيختفي فيها عشان الشمس طلعت .. نوره ملوش مثيل لا تقولي شمس ولا اللي احسن منها .. ولا تقلي شعاع ليزو ولا طاقه ضوئيه ولا كهربيه ولا كهرومغناطيسيه .. دا قمرنا فيض ضوؤه .. وبهاء طلعته .. وبهجه سروره لما بيشرق علينا .. لا يستطيع شاعر او وصاف ان يصل الي واحد علي مليون من الحقيقه .. لانه منتهي الاشياء منتهي الرقه .. دا كله ذوق ورقه .. منتهي الحنان .. لان مشاعر فياضه تملي الكون بما فيه .. وتفيض علي فين مش عارف .. دا خارج حدود الكون .. ومش هنلاقي مكان نشيل فيه بقيت المشاعر اللي موجوده عندنا .. الانسان دا فعلا كائن عجيب .. وا لاعجب من الانسان الايمان .. ايمان الانسان بالله ..وده بيشمل كل حاجه جميله في الكون .. واحنا عارفين ان الله جميل يحب الجمال .. لكن ربنا مقلش علي اي صفه تانيه الحكايه دي .. لانمفيش حديث ولا ايه ولا حديث ضعيف حتي بيقول ان الله غفور يحب الغافرين .. برغم ان المعني صح .؟. ولا فيش ايه او حديث بيقول ان الله قوي يحب الاقوياء وان كان المعني دا صح وموجود .. ولا فيش اي صفه او اسم لله سبحانه وتعالي ينسب الي الله ومعه كلمة حب سوي الجمال .. ربنا بيحب الايمان بيه .. وبيحب الجمال .. لان الجمال يا جماعه هو عجيبة الايمان .. متلاقيش واحد مش مؤمن وبيحب كويس .. وبيتذوق الجمال كويس .. وكمان متلاقيش واحد بيحب كويس ومبيفهمش في الجمال او مبيحبش الجمال .. ورسول الله حبيبنا كلنا.. كان احلي حاجه عنده في الدنيا هي عائشه .. حتي كمان كان اللي من ريحتها حبيبه .. فلما سئل عن احب من له في الرجال .. لم يقل ابو بكر .. ولكن قال ابوها .. الله علي رسول الله .. اقصد الجمال كله رسول الله .. ايات القران كلها ان الله يحب كذا .. وان الله لا يحب كذا .. ورسول الله بيحب كذلك .. ومفيش احلي من كلمة بحب سمعتها من فم رسول الله لي الله عليه وسلم .. واحنا اتفقنا ان الحب مش حب القمر بس من بنات او ولاد .. دا القمر .. وبيت القمر .. والمكان اللي بتمشي فيه القمر .. والمرايه اللي استعملها القمر .. وشعر القمر .. وطريقه مشية القمر .. وطيف القمر .. وخيال القمر .. والحجر اللي نظر القمر وقع عليه .. والميه اللي بيغتسل بيها القمر .. حتي اللي شربها القمر كمان .. وهدوم القمر .. واكسسوار القمر .. والكرسي الفوتيه اللي قعد عليه القمر .. ( فاكرين عادل امام لما كان محضر محكمه كده او شغال مساعد محامي .. لحسن هوا زعل من النمساوي لما قاله : انت المحامي قام قاله :لا اقل شويه قاله: يبقي الفراش .. قام انتفض وقاله لا يا فندم اعلي شويه ) .. اهو عادل بقي بعد ما مشيت البنت من المكتب فضل يبوس في الكرسي اللي قعدت عليه ..) .. يعني شعارنا في الحب :
امر علي الديار ديار ليلي ..
اقبل ذا الجدار وذا الجدار ..
وما حب الديار شغلن قلبي ..
ولكن حب من سكن الديار ..
المهم باختصار كل شيء موجود في الكون بنحبه .. هو ده الحب .. وسمعنا كتير ان الرسول قال احد جبل يحبنا ونحبه .. وحبب الي من دنياكم النساء .. وسليمان قال اني احببت حب الخير عن ذكر ربي .. وربنا قال قوم يحبهم ويحبونه .. اذله علي المؤمنين .. والملايكه بتحب ربنا وربنا بيحب الملايكه .. وربنا بيحب الطاعه وربنا بتحب ما يحب حبيبهم وهو الله .. وربنا اجمل ما في الوجود لكن انا بتكلم عن ما سوي الله .. لان جمال الله ليس له حدود ولن نستطيع ان نحكم عليه لاننا لو اردنا ان نحكم علي جمال الله لهلكنا بمجرد رؤيه الله .. علشان كده اجمل شيء الايمان .. لكن الايمان بقي لو تغلغل داخل الماديات يبقي مفيش احلي من حبيبي وروح قلبي ومهجتي لانه مؤمن وبيصلي .. وموحد بالله ومفيش اروع منه في الوجود .. بكم تشتري لحظه تقعد فيها مع الحبيب صاحب القلب الملهوف .. ولا كنوز الدنيا كلها تساوي لحظه معاه .. امال بقي لو ادينالك حبيبك ده طول العمر هتعمل ايه يا عسل .. بصراحه من قال لا ادري فقد افتي .. كيف اصف نفسي في حال لسه محصلش ومع من مع اجمل ما في الوجود .. دا شيء فوق الوصف
نفسنا ندور بجد علي اللي بنحبهم وهما كمان بيحبونا
نفسنا نؤمن بالله .. ونعشق الجمال ..
ونعيش الحب لان الحب هو عجيبة الايمان

.......................................

عاوز اقول حاجه في ودنكم .. انا اول مره مهزرش معاكوا .. ماهو الموضوع اكبر بكتير من الهزار

متيجوا نعيش مع اجمل شيء في الوجود لحظه واحده في العمر
مش كده ولا ايه

**ابو اسامه** · 11-03-2011, 04:08 PM

أستاذ محمد : موضوعك قيم وشيق من منا لا يتغنى بالقمر وبالليالى التى يشرق فيها ضوئه .. وأنا أتجول بين الصفحات وجدت موضوعك .. والله انك عبقرى .. تنتقى مواضيعك بعناية . شكرا لك .. تقبل مرورى .

**الرومنسى** · 11-03-2011, 06:10 PM

اقولك ايه يا ابو زيد
ادعيلك واللى ادعى عليك
تخلينى أقعد سعتين اتنهد جنب الموضوع بتاعك
والله حرام
ابوزيد الحب شئ وجد وخلق بهذا الكون لا مثيل له ولا معنى له لان حتى كلمة الحب مع تذوقنا لها لا تعطى معنى كامل لما يجيش داخل صدورنا ففى تلك اللحظة يقف الزمان وتكف الارض عن الدوران وتقتل كل لحظات اليأس والحزن وتولد لحظات الامل والالهام والنرجسية والشوق والحنين تتسارع دقات القلوب تلهب الشفاه تلمع العيون تتسارع الكلمات على الذهن دون أن ننطق بها فالوصف الوحيد له طيف من خيال يبقينا فوق السحاب