اسامة 22 الضيف الجديد

[fagrmasr01]

ايه يا جماعة ؟؟ فيه ايييييه .؟؟؟
دا حتى أسامة طول عمره محبوب وحبوب ورمز للشاكة والرقة
كل دى أسئلة
المشكلة ان واضح اوى ان كل واحدة منهم داخلة طمعانة ف طبقين بيض
وعمالين يخبطوا ف أسئلة بالطن مش بالكيلو جرام كمان
عارف يا أسامة ..؟ هدفهم دلوقتى بقى واضح اوى
انك توزع لكل واحدة طبقين بيض .. خصوصا ان شم النسيم قرب
بس طبعا ست الكل قالت لك انه عهدة ..

المشكلة ان هى طبعاً هنا الأميرة اللى بجد .. وتقدر تغير صورنا كلها لكن الصورة الى هى حاطاها محدش يعرف يغير فيها ولا يشيل منها ولا بيضاية واحدة
بس طبعاً يا أسامة أفندى .. لازم تعرف ان الى بيسألوه هنا كتير .. معناها انه محبوب كتير
والحب معاك هنا واضح اوى انه كتيررر اوووى جدا خالص
بس بصراحة.. انت تستاهل كل حب وتقدير

حاول تتفاهم مع ست الكل أميرة .. وخد لك تصريح بكام طبق للتوزيع ..
حتى لو تقول لها انه بمناسبة شم النسيم .. وفرق عليهم .. ولو حتى طبق لكل زبون .. بي وزع بالبطاقة .. او بالـ #ip

أخويا وصديقى الغالى أسامة أفندى
بمنتهى الصراحة .. مش لاقى كلمة اشكرك بيها على مشاعرك الطيبة ناحيتى
أتمنى لك من الله عز وجل كل توفيق ونجاح وصحة وسرور وسعادة
ربنا عز وجل يحفظك ويحافظ عليك ويعيدك لينا سالم غانم باذن الله
اللهم آمين

[اسامة22]

اشكرك ياذو القلب الطيب
وامري الي الله نوزع كام بيضة
يمكن يكون الحل في البيض
ههههههههههه
ههههههههه
وشاكر علي البيض
اقصد علي النصيحة

[اسامة22]

بسم الله الرحمن الرحيم
نبدأ الرد علي اسئلة الطيبة اوي اوي
لــــــــــــــــــــــــــــــــــــــــيون

[اسامة22]

السلام عليكم

ازيك يا مغترب ؟؟

مش عارفة حاسة ان فيه طبق بيض هيقع خلاص

وحياتك الحقنى بالعشا بسرعة وآدى الطاسة اهى

يالا بسرعة عشان الولاد جاعوا جدااا

المهم بقى وانت بتعملنا البيض رد بقى على شوية الاسئلة الصغننه دى بس منغير مجاملات ولا دبلوماسية

يعنى اخبط الرد وملكش دعوة

اتفقنا

1:: هل انت رياضى؟؟ بتلعب ايه تحديدااا؟؟
نعم*كرة قدم ولاعب قديم

2:: انت منتمى لاى حزب او فكر عندنا فى مصر المحروقة؟؟
لست منتمي(سلملي علي الاحزاب)

3:: بقالك كتير مغترب؟؟
كتيييييييييييييييييييير اوي

4:: ايه محاسن ومساوىء الغربة؟؟
محاسن مين بتشتغل اية

5:: تفضل تكمل عمرك المديد مغترب ولا ترجع لحضن الوطن؟؟
هو فين الحضن ياريت من امبارح
طبعا بمووووووووووت في ترابها

6:: معاك تذكرتين سفر لمدة اسبوع لهاواى ولازم تاخد واحد بس مش من العيلة الكريمة !!! هتاخد مين؟؟
حبيبي(جمال افندي)

7:: لو معاك سيف ووردة ومسدس وحصان هتعمل بيهم ايه؟؟
سيف واحد مش كفاية
الوردة لكل حبيب محروم
والمسدس علشان السيف لو اصبح بارد
الحصان علشان اركب انا وحبيبتي

8:: وانت ماشى لقيت حتة سبيكة ذهب ومحدش شافك هتتصرف ازاى؟؟؟
ههههههههههه
هههههه
انا اشتغلت سنتين في مصنع دهب
ربنا يسمع منك وبعدين ابقي اقولك

9:: انت عندك بطاقة انتخابية؟؟ ليه؟؟
نعم *ولا
وجودها زي عدمها

10:: لو بايدك انك تقفل وزارة وتلغيها خالص هتكون انهى واحدة فى المليون وزارة اللى عندنا؟؟
اقفل مكاتب الوزارة وخاصة مكتب واحد فيهم
طبعا الكل ماعدا وزارةالشؤن الاجتماعية

11:: مصر بتوحشك وانت فى الغربة مش كده؟؟ طب ولمابتيجى اجازة برده بتوحشك ولا بتبقى عايز تهرب منها؟
اكيد بتوحشني
ولما بسافر سمعتي عن خروج الروح من الجسد ومدي الآلم
بعيد عنك وعن السامعين والقاعدين والطمعنيين في البيض
انا بكون كدا

12:: ايه اللى نفسك لما تنزل الاجازة الجاية تلاقيه اتحقق فى مصر؟؟
يعني السنيين دي كلها ولسة متغيرش حاجة
هيحصل كمان شهرين يارب

13:: تفضل سفر الجو ولا البحر؟؟
جو*بحر*جمل(ممكن توكتك)
كلة هم وكرب وغربة

14::لو عرضت عليك الجنسية الالمانية هتوافق ولا هتعمل بطل؟؟
ومالة بس مبعرفش الماني لو وافقو بواحد مترجم افكر
حتي اروح اسال انصار هتلر لية سيبتم ولادال؟؟؟؟؟؟
كان خلص عليهم كلك وريحنا

15:: تقول لمين الجمل الاتية

بعيد عنك حياتى عذاب
حبيبي وحبيب ايامي

طمنى عليك
كمال الجنزوري

خلص الدمع من عيونى
ايمن نور

وحشنى اوى
البيت والاولاد والنيل

خاين وغدار
ممدوح اسماعيل

انا عند وعدى
يابلدي ياغالية علي

مكانش العشم
ياعصام ياحضري

مش ندمان انى بعدت عنك
ياحبيب الشعب يارافع رسنا في الغربة

زرونى كل سنة مرة
القنصلية المصرية

الله على حبك انت
يااهلي يالي رافع رأسي (ابو تريكة)

آسف
علي الخاين والغدار

يا محاسن الصدف
الشيخ عمرو خالد

حل عنى بقى
شعبان عبدالرحيم

16:: لو خيروك بين جيمى وعز يطبق على نفسنا تختار ميييييييييين؟؟
هما ورانا ورانا هو كل ضرب ضرب
اية الفرق يعني دا طيب ودا طيب

17: قول كلمة للشعب المصرى؟؟
يااطيب شعب في العالم

18: هل حبيت قبل الزواج؟؟
هو بعد ولاقبل مش هو حب

19:: ايه اكتر موقف محرج مر عليك؟؟
واحد كان شغال معانا وكان جايب مراتة وكنا بنادي عليها ب ام كذا ولما نزلت مصر ذهبت لزيارتة ومكنش موجود والمدام طلعت لي طبعا في مصر بدون نقاب مش زي هنا وبقول لها ازيك ياام كذا
انتي مش فاكراني اتضح في النهاية انها مكنتش هي الي معاه كانت مراتة التانية
تخيلي بقي شكلي والي حصلي

20:: ايه اصعب موقف ومقدرتش تحوش دموعك؟؟
يوم ماشوفت الطفل محمد الدرة بيغتال امام العالم

21:: امتى ضحكت من قلبك لدرجة ان عنيك دمعت؟؟
يوم ماشوفت المصريين في استاد القاهرة كاس الامم الاخيرة

22:: ايه اكتر شىء ياثر فيك دمعة طفل ولا دمعة رجل؟؟
دمعه طفل

23:: ايه ومين اللى مش عايز تشوفه الاجازة الجاية؟؟
حاجات كتيرة(منها موظف الجمارك)

24:: ايه قيمة الانسان المصرى من وجهة نظرك؟؟
قيمتة في معدنة الاصيل وطيبتة والشهامة والكرم

25:: الضمير العربى راح فين؟؟
الضمير*ولاالفاعل*ولاالمفعول بة
الله يرحمة في الانعاش

26:: مين اكتر واحد تصفق له؟؟
حسن نصرالله

وجه نقد صريح لكل مما ياتى

ليـــــــــــــون
طيبة زيادة عن50%

خلــــــــــــود
سندرلا(قليلة المواضيع)

اســــــــــامة 22
مين قلك تلعب في حارتنا
اقصدي تلعب في البيض دا عهدة

محمد خليفة
شوية شوية مواضيعك حلوة كلها

فجر مصر
شيخ المبدعييييييييييييييييييين

ام الاء
الناظرة الي بحس بكل فخر وانا امامها
(مواضيعك جميلة اديني انا وللجميع فرصة نستمتع بها)

اميرة
اكثر من رائعة تخيلو معاي المنتدي من غيرها
ياااااااااااااااااااااااااااة

الباشا تلميذ
فنان ورسام تشكيلي في مواضيعة

الفارس
قليل جدا جدا
مش الفارس دائم الظهورانت فين

27:: المواصلات عندنا طبعا آدمية بس لو هتلغى حاجة هتكون ايه؟؟
هههههههههههههههههههه
الحنطور
80مليون مصرهنلغي اية بس

28:: لما بنتك انشاء الله توصل سن ال15 ولقيتها جاية تقولك يايا انا بحب فلان!!!!! هتعمل ايه بالامانة؟؟
هقولها خلصي دراسة الاول وسيبك منة علشان يطلع دكتور ويجي يخطبك
ههههههههه

29:: ايه رايك فى الجنيه المصرى؟؟
مسكين وغلبان اوي ومكسور الجناح
زي الست الي اتجوزت وعندها6ولاد وزوجها مات

تقول ايه للاسماء الجاية دى

احمد زويل
خير سفير لمصر وللمصرين وفخرها

جيمى
امتي بقي

نظيف
اسم علي مسمي

منى الشاذلى
الي الامام يافارسة الزمن الجميل

عادل امام
فين ايامك وزمانك

عمرو اديب
القاهرة رايحة علي فيييييييييييييييييين

ايناس الدغيدى
فاضل اية تاني تعملية اظن كفاية كدا

يسرا
لكل بداية نهاية تذكري النهاية


محمد صبحى
بجد وحشتني وحشتني وحشتني
ايها المبدع

30:: ايه البرنامج المفضل؟؟
العاشرة مساءا
90دقيقة
البيت بيتك

31:: من هو مطربك \مطربتك المفضل؟؟
فريد الاطرش*
ام كلثوم*نجاة الصغيرة

32:: هل انت مع فكرة ان المقاطعة دى جزء من حل ؟؟
يعني اضعف الايمان وما اكثر ضعفنا

33:: بتروح ماكدونالد ولا .. مقاطع؟؟
بشوفة وانا ماشي واحسن حاجة ابص علي دقنة البيضة
واقولة ربنا يخليك للعرب

34:: شرحت الفكرة دى لاولادك؟؟
مش بلحق الاجازة صغيرة
هههههههههه

35:: لو هتقول حرام كفاية تقولها لمين؟؟
ليوووووووووووووون

36::هل انت رومانسى؟؟
بعد اسألتك ولا قبلها
اكيييييييييييييييييييييد

37:: ايه اكتر شىء بيسيطر عليك العاطفة ام العقل؟؟
خليط مابين الاثنين والثلاثاء كمان
من ليس لة عاطفة ليس لدية عقل

38:: اختيارك لزوجتك مبنى على ؟؟
مبني علي حديد تسليح عز(عزالدخيلة)

39:: ايه رايك فى جواز الصالونات ؟؟
ومالة الانترية كويس احسن من الصالونات
الانترية بتاع الناس الغلابة الي بيعيشو

40:: هل عمرك حبيت عن طريق النت؟؟
طبعا حبيت بالتاكيد وفي النهاية هقولك في الاخر

41:: ايه ازمة منتصف العمر من وجهة نظرك؟؟
هي من وجهة نظرك ازمة ولانزوة
(ااااااااااااه انا ناسي ان الستات بيحسبوها ازمة)

42:: ايه رايك فى الراجل اللى بيصبغ شعره؟؟
هو حر ياليون شعرة

43:: ايه اجمل توقيع فى المنتدى؟؟
خلووووووووووود
ايمانا منها بالمقاطعة
والي اجمل واجمل توقيع اسامة22

44:: ايه الموضوع اللى كنت تتمنى انك تكون كاتبه؟؟
حوار بين ذكر وانثي من اروع ماقرات من روائع المنتدي

45:: ايه الموضوع اللى نفسك تناقشه هنا فى المنتدى؟؟
الزواج من خلال النت

46::ايه الحلم اللى حلمته واتحقق؟؟
الاستقرار والذرية الصالحة

47:: ايه اكتر كابوس بيزعجك؟؟
الغربة
48:ايه رايك فى ماما سوزان؟؟
لالالا اسكتي بقي دي ست طيبة وحنينة

49:: العشا خلص ولا لسة؟؟
عشا اية ياليون الطيبة لازم اقول علي الملأ
مش انتي اخدتي فرختين علشان تسوي العشا
وربنا يجعلة عامر
ونردهالك في الافراح

انا شخصيا تعبت من كتر الاسئلة
مسكينة والله تعبانة ياجماعة

[fagrmasr01]

شكراً يا صديقى العزيز
انا فعلا سافرت بلاد كتير
لكن كلها مع الشغل
اول مرة موضوع فسحة دى .. وكمان هاواى
الفين شكر يا صديقى

ونظراً لان المنتدى نايم من يومين
فاسمح لى اسئلك سؤالين

ما هى مواقع النت الى بتحب تدخلها غير منتدانا
بتتابع اخبار مصر على اى قناة تلفزيونية
هل لك ارتباط او اتصال مع السفارة المصرية او الجالية المصرية فى البلد الى انت فيها
ايه اكتر مكان بتحب تزوره فى اجازتك والسبب ايه
ايه اجمل مكان زرته خارج مصر والسبب
اكتر اكلة بتحبها فى مصر ( غير البيض طبعاً )
ايه اكتر أكلة عجبتك مش مصرية

ايه أكثر حديث شريف بتفتكره فى الغربة باستمرار