السلام عليكم

لقيت ناس كتير جهلة بتقول ان جمهور الاهلى هو اللى عمل كدة عشان الدورى يتلغي والزمالك ميكسبش البطولة وناس كتير جدا بتقول كدة

بصراحة مقدرش اقول غير ان الناس دي مبتفهمش كورة لسبب

لان العقوبة هاتكون معروفة ايقاف الزمالك بعدم اللعب فى افريقيا اقل حاجة 3 سنوات فيما فوق وغرامات مالية بالمجلة ممكن تؤدى الى استقالة رئيس الزمالك

ولكن العقوبة مش هاتقتصر عالزمالك بس . العقوبة ممكن تطول الاهلى ومنتخب مصر !!!!!

واحد يقول اية دخل الاهلى ومصر بالزمالك هاقولك حاجة

1- الاتحاد الافريقى شايف ان مفيش امن وامان بمصر والاستقرار سىء هايقوم بالتالى

نقل مباريات الاهلى لتلعب خارج مصر وذلك لعدم استقرار الامن . ودة اللى الاتحاد الافريقى عملو مع اندية اخرى زي اسيك ابيدجان والاتحاد الليبى بيلعبو خارج ملاعبهم عشان مفيش امن

2- منتخب مصر يلعب خارج مصر امام جنوب افريقيا لان مفيش امن . تمام

طيب اية تاني؟

الفيفا لو تدخل بالموضوع وهنا الكارثة

لان احنا عندنا انذار من الاتحاد الدولى لكرة القدم من سنتين انذرنا بان اي احداث شغب هاتحصل بمصر هايكون فى عقوبات تصل الى حرمان مصر والاندية المصرية من المشاركة باي بطولة دولية نهائيا سواء فى افريقيا او تصفيات كاس عام او اي بطولة قارية

او ممكن نلعب جميع مبارياتنا بتصفيات كاس العالم بدون جمهور او خارج مصر

ودة لانهم حذرونا وقت شغب مباراة الجزائر

فاذا جمهور الاهلى مش اهبل عشان يروح يضيع مصر والاهلى مقابل ان الزمالك مياخدش الدورى او ميلعبش فى افريقيا

اتمني تكون وضحت الرؤوية

واتمنى ان العقوبة تقتصر عالزمالك فقط وان الاتحاد الدولى ميتدخلش فى الموضوع لانة لو اتدخل هاتشيل مصر والكورة المصرية هاتشيل الليلة كلها لمدة 3 سنين هي كمان منلعبش فى اي بطولة سواء زمالك او منتخب او اي نادي مصري