انا مستعدة اسااااااااامحك يا مبارك ومش هيبقى في قلبي ذرة زعل من ناحيتك بس على شرط)
واللي اوله شرط يا جماعة اخره نور

طبعا انا عارفة ان كتير دلوقتي مش طايقيني ونفسهم يضربوني باللي في ايدهم
بس خلينا حقانيين
مش لما بيبقى حد واخد مننا حاجة بنبقى متضايقين منه ولما بيرجعها لنا بنسامحه صح؟؟؟؟؟؟؟؟

طيب .....

انا مستعدة اسامح مبارك بس زي ما قولتلكو على شرط

عارفين ايه هو الشرط دة؟؟

انه يرجع الشباب الي ماتو - ورد الجناين- خيرة شباب مصر الشباب الي مكنش لهم اي مطلب غير انهم يعيشوا زي البني ادمين العاديين

ويرجع الناس الي ماتت على مدار ال30 سنة العجاف الي الناس ماتت فيهم عشان مش لاقيه مية ومش لاقيه فلوس ولا لاقية دواء ولا لاقية مسكن الناس الي كانو بتتسرق اعضاءهم الناس الي عندهم كانسر الناس الي عندهم فيروس كبدي ولا ايدز الناس الي في عز البرد مكنش عندهم حتى الغطا وفي عز الجوع معندهمش حتى العيش الحاف الناس الي لما تقول الحق كانت تختفي ومنشوفهمش الا في القبور الناس الي عايشة في بلد المفروض انها تكون اغنى بلد بثرواتها الي مش عند حد مش لاقين العشة حتى عشان يقعدوا فيها يعني 30 سنة من الظلم والاستبداد لدرجة ان مقومات الحياة للفرد الفقير حتى مش موجودة حتى العيش الحاف والمية النضيفة مش موجودين في بلد بتجيلها مية من 3 جهات في بلد عندها موارد تعيش كل الي فيها ملوك معقولة البلد دي تبقى مديونة؟؟؟؟؟؟؟؟
عشان تعرفوا اننا بنتسرق عيني عينك دة احنا عندنا مجموعة موارد كتيرة الي في بلاد تانية عندها مورد واحد بس من مواردنا وعايشة احسن مننا بليون مرة

وطبعا هو مش هيقدر يرجع الناس الي ماتت في الثورة وعلى مدار 30 سنة لان دة بإيد ربنا بس ---
- عشان كدة عمري عمري عمري ما هسامحه------

بحق دم كل شهيد مصري سقط على ارضها الطاهرة
عمري ما هسامحه بحق الفقر والجهل والذل والقهر والظلم والاستبداد والدكتاتورية

وفي شرط كمان يا بنانيت لسة ما قولتوش

الشرط التاني
انه يرجع كل مليم اخده من خير مصر من ثروات مصر هو وكل اعوانه على مدار 30 سنة من الدكتاتورية مش بس الي اساميهم جاية في التلفزيون دة في ناس تانية مدارين في الظل كبشوا ونهبوا وجريوا 30سنةسرقة يااااااااااااااااه فين ضميرهم (شكله في اجازة) اجازة ايه دة لو كان في اجازة كان فاق لاء دة مات ايوة ضميرهم مات الي بينامو وماليين كروشهم وغيرهم جلد على عظم
غيرهم بيموت وهما لو عطسوا يجيلهم كونسولتو دكاترة
فين فلوسنا
انا بسمع ارقام مهولة
دة لو فلوسهم رجعت هنسدد ديون مصر ( الي اتوجدت بسبب سرقتهم) وهتفيض كمان وهنحل الازمة الاقتصادية وهتبقى الاشية معدن واخر السطة
بس الفلوس ترجع
رجعولنا فلوسنا
حقنا الي نهبتوه
حق الشهداء
حق المساكين
حق الغلابة
حق كل مصري
حق كل مسلم ومسيحي
حق كل واحد قلبه بينبض باسم البلد دي

مصر
مصر
مصر

يارب مش تكونوا هريتوني شتايم في سركوا
عارفة ان ناس كتير من عنوان التوبيك كانت داخلة تخبط

بس توبيك ده رد مني شخصي علشان محدش يقول بفرض رأيي
ده ردي علي كل واحد يقول عفا الله عما سلف

مهم فلوسنا ترجع بقوله لألألألألألألألألألألألألألألألألألألألألألألألألأ لأ
اهم من الفلوس حاجات عمرها ماهترجع

وربنا يقومك بالسلامة يا مصر ويرحم جميع الشهداء