ناس كتير كانت شايفة ان مفيش مشكلة من وجود شفيق بحكومته الموالية للنظام بل هي النظام بعينه
وقالت اديله فرصة ؟
ازاي وهو كان بيناهض الثورة ؟
ده اصلا مكانش معترف انها ثورة
وصاحب الجملة الشهيرة خليهم قاعدين ف التحرير زي الهايد بارك وحنجبلهم بونبون
وحصلت في عهدك مذبحة التحرير ... اللي لو كان عندك ذرة احترام لشعبك كنت رميت الاستقالة ف وش مبارك
او علي الاقل ماكنتش حتهدا لحد ما تعرف مين وراها وتجيب حق الشهداء والشباب اللي طلعوا بعاهة مستديمة

وحتي بعد رحيل مبارك بدأ يطبق نفس النظام عندما منع اعادة حلقة ابراهيم عيسي مع عمرو الليثي لانه قال : شفيق لأ

ويوميا تتزايد الأصوات برحيله
حتي اتفق الجميع علي ان الجمعة القادمة هي جمعة رحيل شفيق بإذن الله بسلطاته ببغنوجاته
وشاهدنا جميعا حلقته مع الأسواني
وهو يستميت دفاعا عن نفسه وعن موقفه من الثورة
يا إلاهي !
كيف يستطيعون أن يعيشون مع هذا التناقض ؟
ازاي بيقفوا قدام نفسهم في المراية ؟
وكأن يديك بريئة من دماء أولادنا !!!

المهم .....

شاء العلي القدير أن يأتينا النصر اليوم الخميس
( مش عارفة حكايتهم ايه العالم دي نتوقع رحيل مبارك يوم الخميس يمشي الجمعة ... وشفيق الجمعة يمشي الخميس )

شفيق استقال ؟؟؟؟؟
معقولة بالسهولة دي وهو امبارح كان بيناضل عشان يقعد وبيدافع عن موقفه
ويقولك " أنا تارييييييخ " بمنتهي العنتظة
ايوا تاريخ بس بلون صبغة شعر مبارك

وجاءت القنبلة
ركز في الجملة

المجلس الأعلي قبل استقالة شفيق

يعني المجلس هو اللي خلاه استقال والحمد لله
يعني المجلس اجبره علي الاستقالة
يعني إقااااااااله وليست إستقالة
يعني وضع أجبر عليه
يعني مش وطنية من شفيق

خاصة بعد اجتماع الثوار مع المجلس يوم الثلاثاء وحددوا معهم ميعاد انه سيتم الرد علي مطالبهم في خلال يومين

بس احنا جيشنا كده دايما يجيبها بشياكة " انه قبل الاستقالة "

زي مبارك ... ما تنحاش ولا حاجة
ده تخلي عن السلطة

عمركم خدتوا بالكم من النقطة دي

عارفين ايه الفرق بين التخلي والتنحي قانونيا ودستوريا ؟؟

التنحي ... الريس مشي
وطبقا للدستور يتولي ريئس مجلس الشعب الحكم مؤقتا
وفي حالة غياب شرعيته يتولي رئيس المحكمة الدستورية الحكم برضه مؤقتا
(ملحوظة علي جنب يعني ماكانش حيبقي في فوضي ولا فراغ سياسي كما يزعم المبطلون حتي لا يرحل مبارك )

لكن الأمر لم يؤول لذلك ؟؟
ليييييييه؟؟؟

عشان مبارك أجبر علي التنحي
بس التنحي بالذوق والأدب والشياكة
اللي اسمها اتخلي

الجيش قال لمبارك سيب الحكم لينا
احنا حندير البلاد لانك بوظت الدنيا وحتدمر البلد

بس من غير انقلاب عسكري

عشان كده الدنيا مشيت كده

الناس مش عايزينك يا شفيق ... قدم استقالتك ... واحنا قبلناها

( بيفكرني بكرتون اللعبة وباز يطير وطلع مش بيطير ولا حاجة ده اسمه الوقوووووع بشياكة )

انت وقعت بشياكة يا شفيق

والحمد لله اللي نصرنا
عقبالك يا تونس
وربنا يجعلك مخرج يا ليبيا
وينصر كل دولنا العربية