السلام عليكم ورحمة الله وبركاتة
اولا اقدم الشكر ل prince of dark
معلش سرقت عنواان موضوعك استحملنى بقا
هههههههههههههههههههههههههههههههه

علىى فكرة هوة مش هيفرك كتير عن موضوعك لدرجة انى خايف الأدارة تعتبرو مكرر
وتمسحة

اول حاجة بداية الثورة يوم 1/25
ويوم 1/26
قولت دول شوية عيال سيس وهيمشوا زى كل مرة
جاة يوم 1/27
ويوم 1/28
لاقيت الحكومة نزلت تقتل وحظر تجول
وناس بتموت
والمستقبل قدامى بقا اسود فى اسود
وبلطجية مالين الشوارع
المهم اليومين دول كونت ببات فى الشارع

وبعد كدة لاقيت محدش بيجى علشان اضربة وبصراحة القعدة فى الشارع مقرفة اوى
والنت رجع
المهم طلعت اعدت فى بيتنا وقولت لو جة حد ابقا انزل
اعدت تفرج على قنوات الأخبار ودمى يتحرق
اتفرج ودمى يتحرق
لغاية لما الريس قال الخطاب الأخير بتاعة اللى شلنى
قولت انا لازم اعمل حاجة قولت لماما
انا بكرة نازل مظاهرات قالتلى اعد يلا بلاش عبط
قلتلها خلاص ماشى
قومت تانى يوم كانو كلهم نايمين
اخدت ورقة من فقة ال 20 جنية ونزلت
انا مش عارف
هروح فين
ولا هركب اية
وماكونت روحت القائد ابراهيم قبل كدة
المهم ركبت الترام مع واحد اتعرفت علية على محطة الترام
وروحنا مع بعض
ادعت هناك بتاع 5 ساعات
وروحت راجع امى بتسالنى كونت فين
قلتلها كونت فى مظاهرات واتهزئت
وبدات بقا كل يوم انزل المظاهرات
من وراها
وهى ما تعرفش بقولها نازل اتفسح مع صحابى
المهم شهادتى من هناك روحت ناس كبيرة كدة
عريضة لابسة بدل ماركات ونظارات شمس
وبيشربوا سجاير
واقفين بيتكلموا فى السسياسة
فبقف معاهم افهم وبتاع
لغاية لما بقيت استااذ
ههههههههههههههه
المهم فى هناك ستات واقسم بعزة جلالة الله
مفيش بنت هناك استكت من اى حاجة
البنات ماشين جمب الولاد فى طريقة انسيابية
ومنظر عمرى ما شوفتة فى مصر
واى حد معاة زجاجة مياة ما بيبخلش بيها على حد
وستات كبار جايين معاهم زجاجات مياة وطعام وعيشة زى الفل
وكل يوم نقف نصلى الظهر والعصر ونمشى فى مسيرة
كل يوم فى مسار مختلف فى منظر حضارى يتشرف بية كل مصرى
وانصح كل شاب وكل فتاة
من لم ينزل حتى الأن ان ينزل يوم الجمعة عند القائد ابراهيم وميدان التحرير


الأن
موضوع لكل الى معارضين ومش عايزين ينزلو المظاهرات ويدعون الى حماية مصر
عزيزي النااااايم...!!!!!!! هتصحى ولا.....ايه نظاامك


وفى النهاية احب اقول
يا مبارك مصر بلدنا هتفضل حرة

وهنعدى الأزمة دة بدونك بازن الله
وهتتحاكم محاكمة حرب علشان جم شهدائنا دة مش ببلاااش