شوية مقالب جامدة جداااا
عشانكم يا بنات قهوتي يا حلوين
طبعا المقالب قريتها في منتديات تانية
بس قولت أصيغها بإسلوبي الجميل
عشان تعجبكم أكتر بصراحة لسه مجربتش منها حاجة
بس إنتوا جربوها وقولولي حصل إيه
عشان أنا بحب المفاجأت





أول مقلب

يوم عيدميلاد خطيبك لو عنده أخت قبليها بيوم إديها الهدية
وإتفقي معاها تخبيها تحت سريره أو في الدولاب أو في أي مكان
ويوم عيدميلاده إتصلي بيه وإعملي عبيطه طول اليوم ولا كأن اليوم دا ليه أهميه عندك
وياريت لو عملتي خناقه لطيفه خفيفه بس إبقى صالحيه من باب إنه خطيبك
وأول ما تيجي الساعة 12 قوليلي بص يا حبيبي تحت السرير كدة :08:


تاني مقلب

هاتيلة هدية حلوة وشيك في عيد ميلاده
طبعا كلنا عارفين إن تغليف الهديه بقا غالي اليومين دول بسبب أزمة العيش
المهم لفي الهدية بورق جرايد ويا سلام لو عندكم قشر موز على برتقال
وأكياس شيبسي فاضيه المهم حسسيه إن الزبال هيطلع جوا الهديه صدقيني هتبقى
هدية ولا أروع :08: وإتفرجي عليه وإنتي بتيدهاله وقوليلي هيعمل فيكي ايه unch:


تالت مقلب

لو كان خطيبك عنده أخت إتفقي معاها يوم عيدميلاد خطيبك تحط الهدية قدام باب الشقة
وبرضوا اعملي عبيطه طول اليوم والساعة 12 بالليل إتصلي بيه وقوليلوا إفتح يا حبيبي
باب الشقة أنا مستنياك :08: ومتنسوش تقولولي رد فعله كان إيه :clap_1:


رابع مقلب

إشتري لخطيبك علبة حمرا وعبيها ورد مجفف وحطي شوية جليتر فضي وزينيها عالأخر
وتحت كل دا حطي شوية مكعبات أطفال أو تاتينة بيبي أو بوتي بيبي أو ببرونه
وممكن تحطي ليفة وشاور جل وصابونه وعلبة شامبو وماكينة حلاقة طبعا الشاطر يفهم
وياريت تبعتيها مع حد أو تبقي ضامنة إنها متتفتحش قدامك عشان متبقيش ضحية :ag:


خامس مقلب

طبعا عريسك بيجيلك كل أسبوع وكل أسبوع بيشرب شاي عندكم وحاجه تخنق
إيه رأيك تخليه يبطل يشرب شاي :blink: روحي عند محلات الخدع السحرية وإشتري
فوار الشاي السحري وإبقي شوفي لو فكر يجي عندكم تاني :showoff:
أو إشتري لبان بالشطه أو لب بالشطه أو إشتري بودرة الجرب وفي بودرة أنا جربتها
أن وأولاد خالتي مرة وإحنا في راس البر مع تيته البودرة لما تحطيتها عالكرسي
الكرسي بيسخن ومحدش هيقدر يقعد عليه في اليوم دا تيته كانت هتولع فينا :clap_1:


سادس مقلب

إشتري علبه حمرا شيك وإشتري علبه اصغر وكامن علبه اصغير المهم اشتري 10 علب كل
واحده اصغر من التانيه وعبي أخر علبه رمل وطوب وإكتبي عبارة من هنا خلقنا وإليها نعود
أو إعملي نفس الحركة وحطي في العلبة فرشة ومعجون أسنان :clap_1:

سابع مقلب

ممكن تروحي كافية شيك وتتقفي مع مدير الكافية على تورتة عيدميلاد وتحجزي طربيزة
وتتفقي مع مدير الكافية على إنو أول ما يشوفك مع خطيبك يشغل سي دي أغاني أعياد ميلاد
وياريت لو رحتي قبليها بيوم وسيبتي الهدية عندهم أو كلمتي حد من صبحاتك تودي الهديه قبل ما تروحي بربع ساعة .. طبعا خطيبك هيتصل بيكي عشان تخرجوا سوا .. وأول ما يقولك إيه رأيك نروح ...... أي مكان يحدده تقومي توافقي على أول إقتراح لمطعم أو كافية يقولك عليه
واول ما تيجيوا هتخرجوا خلاص قوليوا أنا غيرت رأيي إيه رأيك نروح الكافية الفلاني ..
اللي إنتي عامله فيه المفاجأة .. وإبقي شوفي هيفرح إزاي من المقلب الذيذ دا :08:


كفاية بقا عشان تعبت
لو حسيت إن الجزء الأول عجبكم ممكن أكمل في جزء تاني
أشوفكم على خير
سومااااا