كرسى الطفوله

[فريد]

ده هروب من الاعتراف و لا ايه
حد يفهمنا

[lionking]

ده هروب من الاعتراف و لا ايه
حد يفهمنا

هههههههههههههههههههههه

لا يا فريد


بس الظاهر ان ستايلو غاوية ملااااااااااااااااااااحق


معلش يا فريد

ادعيلها وقول

يارب تنجحى يا ستايلو

[stylooo]

يا أساتذة أنا لا أتهرب
بدليل الرابط
الصفحات بالمنتدى بتهنج
أنا أعمل أيه

و ليون هو هنا كمان فيه ملاحق
أيه الناس التى اتعامل معها
ههههههههههههههه
شوفى يا ليووووووووون
ولادك أحسن النت مليان ...........
ههههههههههههه
ماش يا سيتى خليها عليا المرادى
هحاول أجاوب تانى
عشان حبيبتى خلللللللللللللللللللللود

[stylooo]

1/ هل كنت مشآآآآكس أوكنت على


نياتك وهادئ~~>أتوقع الكل مشأكس؟؟

طبيعية و ف حالى


2/ كنت طفل مميّز عند شخص ما؟؟

ماما و بابا و جدتى لماما






3/موقف حصلّك وأنت صغير ولغايه دلوقتى


مأثر فيك؟؟
بنت الجيران كان عندها كساح أو شلل أطفال و كانت بتجلس تتفرج علينا و أحنا بنلعب




4/ أكبر عيديّة آخذتها ..كم كآنت ..

5 جنيهات


ومنْ من ؟؟؟ وايه كان شعورك وقتها؟؟
من جدتى ******* منتهى الفرحة



5/ من أقرب طفلـ/ـة من الجماعة


كانت أقربلك؟؟ يعني مكنتش يضربك آو تضربك


ولا تضايقك ولا يضايقك؟؟

كنا 3 **** 2 أولاد و بنت واحدة

لم يكن بيننا مضايقات



6/ مين كان اقرب لك بابا ولا ماما ؟؟؟
الاتنين

7/ زميل لك كان خانقك قولنا مين هو ؟؟؟؟
لا يوجد


8/ ايه اكثرحاجه حلوها كنت تحبهاا في


طفوولتك الرائعه ؟؟

شكيولاته كورونا و قصص المغامرون ال 5 و ال 13 و برامج التليفزيون ماما سلوى حجازى و أرنوب و بقلظ و أحمد نبيل فن البانتوميم





9/ ماهوطولك "

170 سم

مرتفع / متوسط / سموول " ؟

مش فاهمة المهم كنت طويلة أطول واحدة بالفصل


10/ ايه ترتيبك بين اخوانك ؟

الأولى

وهل هذآ الشئ اثر في مسيرتك الطفوليه ؟؟

لم يكن له أى تأثير حيث كان الجميع يتعاملون معنا بمنتهى الحب و الود


11/ ايه اكثر مكان كنت تحب تروح له ؟"


ملاهي . حديقه ... الخ

النــــــــــادى


12/ ايه اكثر لعبه كنت تحب تلعب فيهاا؟؟


ألعاب كتيرة كانت تأتينا من أصحاب بابا كانوا بيسافروا فلسطين كتير و كانت اللعب و الملابس الشتوى هى الأهم عندنا ههههههههههه
صناعة اسرائيلية





13/ هل كنت تضرب والا تنضرب


والا>> لاتهش ولاتنش ؟؟

لا اضرب و لا انضرب



14/ هل كنت تبكي كثير ؟؟

كنت بحب الافلام القديمة و خاصة السينما و الحرب و بعده نادى السينما و كنت ابكى ع الجنود و هم بيموتوا ف الفليم معتقدة إنهم ماتوا و اتشوهوا و لم أكن اعرف انه تمثيل إلا لما كبرت شوية
ههههههههههههههه




15/ ايه اكثر فيلم كرتوون كنت تحب


تشووفه ؟؟

كنا يوم الجمعة من كل أسبوع ننتظر ماما عفاف الهلاوى و برنامج سينما الاطفال و كانت اكتر الافلام عن الكلبة لاسى و فرديناند البلياتشو



16/ من اكثر واحد من اخواانك كان قريب


منك ؟؟ يعني اللي تحب تلعب معاه ؟؟

احنا 3 و كنا نحب نلعب مع بعض



17/ موقف حصل لك ولحد دلوقتى اذا ذكرته


يضحكك ؟؟

1 - زميلتى ف المدرسة الابتدائى أختها عملت لها ساندوتش بسلة فقط ههههههههه

2 - الرحلات المدرسية كنا نذهب مرتين ف السنة و كان بابا يقولنا أدى كراسة فاضية كل واحد يكتب اللى شافه و كنا بنرجع الكراسة و ليس بها شئ سوى اسم الرحلة فقط ههههههههههههه

3 - مدرس التربية الزراعية كان يترك الطلاب و يجلس يشرب شاى و يأمر الطلاب الاولاد برش الجنينة و كان الولاد يرشوا البنات بالماءإلا أنا لانى كنت أجلس اذاكر
وحاجات كتتتتتتتتتتتتير من هذا القبيل



18/ كنت تحب الحليب والا تشربه


بالغصب؟

ههههههههههههه
أحلى مشروب بموت فيه و على أيامنا كان الكيلو ب 3 قروش هههههههه و كنت أروح أجيبه من الزريبة و فى الطريق كنت اشرب منه ههههههههه و لم امرض زى ماما ما كانت تقول
هههههههه و حتى الآن مش تعرف انا و اخى كنا بنعمل ايه لانه ايضا كان بيشربه زى بالظبط



19/كنت شاطر بالمدرسة ولا ؟؟

كنت شاطرة جدا تحبوا احكي لكم موقف
هههههههه
هاحكى
كنت ف بداية الصف الاول الاعدادى و عملت مدرسة العلوم مسابقة بين الفصول و كان فصلى 1/ 4 مكتسح الفصول / و انتهت المسابقة أمام فصل 1 / 1 و غلبناهم فما كان منهم إلا إنهم انتظرونى وقت الفسحة و ضربونى حتة عقلة لم أخذها فى حياتى لدرجة إن المدرسين و الناظرة نقلونى لحجرة المديرة و انا فى حالة إغماء شديدة و أخذنى مدرس الانجليزى و مر بى على الفصول للتعرف على الطالبات اللى ضربونى و قدرت اطلعهم كلهم و تم عمل طابور للمدرسة كلها الحصة السادسة و تم ضرب البنات كلهم امام الجميع حتى يكونوا عبرة لغيرهم
و تم تهدئتى و وصلنى مدرس الرياضيات للبيت و شرح لبابا الموقف و الحمد لله بابا منعنى من الدخول فى مسابقات



20/ كيف كانت طفولتك بأيامـ رمضان ؟


كنت >>


تصوم قدام اهلك ومن وراهم تفطر؟؟

كنت ضعيفة فى صحتى و كان عم جعفر التمرجى يجى عندنا الساعة 5 قبل المغرب يوميا عشان يدينى حقن هيبانيل و هيبابيكو و كانت شديدة جدا و بعد ما اخدها كان يقول اجرى و بلاش عياط


المهم ف رمضان ماما كانت تقول قولى صايمة قدام بنات الجيران حيث كانت هناك جارة لها بنت فى نفس سنى و كانت تصوم و كانت تعرف إنى فاطرة و تمسك بيدى و الاصبع الصغير(البنصر)
و تقرصه فى الجلد فإذا وقف الجلد فأنا صائمة و إذا رجع بسرعة مكانه فأنا فاطرة هههههههه
و بعد كده لما وصلت ل 6 ابتدائى بدأت الصوم

و شهر رمضان مرتبط معى ب 2 حاجة هههههههه
1 - فوازير سمير و جورج و ضيف (ثلاثى أضواء المسرح )
2 - قصص ألف ليلة و ليلة بالراديو كانت جميلة و كنت من أشد المعجبين بها و متابعتها



21/استايلك وانت صغير..كيف كآن؟

ماما كانت بتختار ملابسنا و كانت تنتهز فرصة الاوكازيونات وتنزل تحضر ملابس الاعياد و كانت تحبنى جدا و تقص لى شعرى و تعملى قصة شادية هههههههههههههه و تعمل شعرى كاريه



22/كلمه دائما على لسآنكـ!!

لا أتذكر


23/هل هناك شخص كنت دايم تتبلى عليه


يعني تعمل المصيبة وهو ينضرب ؟
لا يوجد مثل ذلك



24/جريمة او مصيبة لـ هذا اليوم تذكرها و


مستحيل تنساهاا ؟؟
ماما كانت فى السوق و كان الوقت صباح و كان يوم ف سنة 69 19 و حدث هزات زلزالية و كنت واقفة ف البلكونة و معى أخوتى و رأينا الشارع مليان ناس كتير و كلهم بيشوروا لينا ننزل و احنا مش فاهمين و جارتنا كانت متزوجة من فلسطينى و كانت عروسة جديدة نزلت الشارع بقميص النوم و فوطة الحمام على رأسها هههههههههههه
و لما ماما رجعت عرفتنا السبب ايه



25/ما هو اقوى عقاب في حياتك ؟؟

لم يكن هناك عقاب حيث كنا صغيرين و لا نفعل اى شقاوة و لهذا أنا باستغرب جدا على شقاوة ولاد أخوتى كلهم منتهى العفرتة



26/نشيد كنت تحبه أيام الطفوله ؟؟

الله أكبر فوق كيدى المعتدى




27/ماهي الموآقف اللي عرضت فيه


اهلك للاحراج؟؟
لا يوجد



* بحكم طفوله ان الواحد يكون برئ
وحبيت اسال عن



28/اكثر موقف صدمك يوم انت صغير


واثر عليك يوم كبرت ؟!..

كانت ماما تخرج مع صديقتها و جارتنا و تحضرلنا الايس كريم و الجيلاتو و احنا كنا بنحب نبسطها فنعد المنزل و نسيقه و تنزل الميه من تحت الباب لشقة الجارة اللى تحتنا و كنت تنتظر ماما لتشتكى لها فعلنا و تكدب و تقول إننا نزلنا و خبطنا عليها مع العلم ماما كانت بتقفل علينا هههههههههه كدابة كدابة




29/كيف كان اول يوم مدرسه لك بكيت

ولا لا ..؟

كنت حابة المدرسة لأنها كانت امام العمارة التى نسكن فيها و كنت متلهفة ع الذهاب إليها



30/ ضعت في مكان؟ .. سوق او


حديقه او كورنيش.. اذا كان حصل قولنا كل اللى حصل كله ..؟


الحمد لله لم يحدث حيث كنا نخرج مع بابا و ماما



31/وايه اجمل هديهـ خذتها في


طفولتك...ومانسيتها ابد...؟!

كنت عربة و عروسة تفتح و تغمض عينيها
و كان هناك كمان حبل شبه السلسلة و فى نهايته قمع بلاستيك توضع فى الرجل كالخلخلال و نط لفوق مع رفع الرجل الآخرى لتلتف السلسلة حول القدم حتى نهاية القمع


32/بصراحهـ من كنت تحب بطفولتك


اكثر امك ولا ابوكـ....؟!
الاتنين



33/في انسان معين تحس انك كرهتهـ


في طفولتك ...؟!
لم أكره أحد



34/متى هي المرة من المرات اللي


حقدت فيها على اهلك وانت صغير
\يعني...


قالوا على صفه فيك بتكرهها قدام احد وانقهرت بقوة ؟؟

لالالالالالالالالالالالالالالالالالالالالالالالا كانوا بيراعوا طفولتنا و عمرهم ما ذكروا أى شئ عنا غير أدبنا و حبنا لبعض و الحمد لله حتى الآن كانا نحب بعض فنحن الآن 8 أخوة و أخوات من أب واحد و أم واحدة بس مرحلة الطفولة حتى 6 ابتدئى كنا 3 و بعدها انهمر سيل الاخوة و ربنا يخلينا لبعض و يبعد عنا شر الحسد


/لحقت تتابع/ين سبيستون ؟؟ ولا


بالصبح والعصريه ؟؟
كنت اتابع سبيستون مع ابنتى و عندما جاءت أختى من أمريكا وزوجها قالوا أن ده نوع من البله للأطفال و نصحونى بترك هذا البرنامج لأنها برامج مغرضة لها هدف صهيونى و بالفعل اقتنعت ابنتى و غيرنا للعب الاتارى و و ألعاب الفيديو و الكمبيوتر



36/هـل كنت تغلط في نطق الحروف..؟

لالالالالالالا


37/موقف عملته ..ولغايه دلوقتى محدش عرفه بس هتقوله هنا ويانا ؟؟؟؟

مش عندى اى موقف هههههههه حكيت لكم كل حاجة و انا صغيرة





38/مين اعز صديق طفولة و الى الان


متواصل معه>><؟
لالالالالالالا يوجد

39/ اذا عندكـ صوره لكـ وانت طفل



عندك جرأه تحطها لنا هنا ؟؟؟؟؟


؟
~~~>الصوره مهمه ..هههههههههههههااااااي

عندى الجرأة بس ليس عندى سكنر و كمان الصور دى حاجة شخصية جدااااااا و غير مسموح لأى شخص بها
حد من اصحابك قال عليك دمك تقيل وزعلت منه اوووى ؟؟؟؟؟

إذا كان دمى تقيل معاكم يبقى هو كده من صغرى
و لكن لا افتكر مثل ذلك قيل لى ههههههههههههههههههههه

مقلب اتعمل فيك اتضايقت بسببه من زميلك
لا يوجد

يا رب أكون ضيفة خفيفة على قلوبكم
و كل ما قلت حقيقى
و أتمنى لو كان هناك أحد من زملاء الطفولة سيتذكر ذلك و يعرفنى

خالص الود و الاحترام

[اميرة حبى انا]

فين الباقى
اجاباتك لذيذة جدا ودمك خفيف موووووت