لا متخافوش محدش مات ولا حاجة ولا ده مقلب برضو
دي ظاهرة تكاد تكون متأصلة في مجتمعنا:49:


ياتري ايه هي الظاهرة دي؟ "اصبر ياسيدي علي رزقك اديني جيالك في الكلام اهو"


طبعا بنشوف في مجالس العزاء "ربنا يبعد عننا كل مكروه" للستات والرجالة والستات بوجه خاص بنلاقي منظر حتما ولازمن ولابد نشوف كل اتنين ماسكين ودان بعض ولوك لوك وهاتك يارغي ونم في سيرة المرحوم ومراته وعياله وبنت عمه خال ابو جدة عمته وكان عيان بكذا وسايب لمراته وولاده كذا وكان بيعمل مع اخوه واخته كذا ومراته دي ست كذا برضو واللي تتصعب وتمصمص شفايفها عليها واللي تقول مات من فرسته منها وهاتك يانميمة والنفاق يشتغل


متضحكش اوووي انت وهو ماهو برضو الرجالة نفس الوضع بس مش بنفس درجة الستات طبعا:005:


طب عاوزة اعرف يعني


الشيخ اللي جاي يقرا واهل المتوفي دافعينلوا فلوس عشان ييجي مين هيسمعه لما كل اتنين حطين بقهم في ودان بعض؟؟:ag:


الناس اللي رايحة تعزي دي وشغالين نم علي المرحوم واهله مين هيدعي للمتوفي ده بالرحمة ؟؟؟:ag:


طب السبب في ده برضو زي مابنقول المجتمع اللي احنا فيه ولا السبب فينا احنا والمجتمع شماعة بنعلق عليها غلطنا؟؟؟


اتمني اشوف ارائكم في الموضوع:bye::bye::bye: