ما هيا احلامك فى العام الجديد 2011

**شذا** · 26-12-2010, 12:14 AM

احبائى اعضاء المنتدى الكرام

كلنا هنا اعضاء ومشرفين بنتجمع على شى مشترك هو محبتنا لبعض ولمتنا معا بصفحات المنتدى

اليوم خلينا نفكر مع بعض بنتمنى ايه فى العام الجديد
يلا بينا كلنا ندخل ونكتب احلامنا وامنياتنا جميعا للعام القادم ويارب نتجمع مع نهايته كلنا سوا ونقراء الا كتبناه ونشوف حققنا منه ايه
ويبقى سطور الا كتبناها هنا ذكرى جميله اتجمعنا عليها

وابتدى معاكم بنفسى

اولا امنياتى العام القادم اناعضاءنا يوصلوا 1000000 يعنى مليون
ويكون المجموعه الجميله الا معنانا موجوده ولا شى يفرقنا ابدا

واتمنى باقى الاعضاء يحصلنى بكتاباته

**اسامة22** · 26-12-2010, 01:22 AM

احلامي ان ربنا يوفقني الي مايحبة ويرضاه
وان يوفق اولادي بصحة وبركة من عند الله
وان اجد جميع المسلمين في بقاع الارض بخير
وان يرجع الاسلام قويا وان يعم الخير علي جميع اهل مصر

**nouran_111** · 26-12-2010, 03:33 AM

عارفين انا والله نفسي اسافر كتير ولف الدنيا بحالها
نفسي ازور الكعبة والمدينة والمسجد الاقصي
نفسي اصلي فيهم وادعوا ربي بدعاء انا بحبه جدا
اللهم لاتمتنا الا ونحن مسلمين ومسالمين اليك

**وردة الايمان** · 26-12-2010, 02:54 PM

احلامنا كتيره اوى يا شذا

اولهم بالنسبه ليا ان اليهود يخرجوا من المسجد الاقصى ومن كل شبر من ارضنا المسلمه

وتنتهى محنة العراق وافغانستان وان المسلمين يرجعوا اقوياء زى ما كانوا فى زمن الصحابه ( رضى الله عنهم )

وان العرب يتحدوا وتبقى كلمتهم واحده .....

وبلدنا ينتهى فيها عصر الفساد والرشاوى وانتهاك حقوق الانسان
( وده طبعا موجود )

انا عارفه ان دى احلام مستحيله

بس يكفى اننا نحلمها

شكرا شذا على موضوعك الجميل