نورتى كرسى الاعتراف ياليون

**lionking** · 23-12-2010, 08:32 AM

مينفعش ننام طبعا يا ملكة منتدانا
وانتى هنا قاعدة ع الكرسى منورانا

ربنا يخليك يا جمال

اتفضلى جنابك كام سؤال على اعتبار انهم يعنى فواتح للشهية لحد لما اجيب السؤالات اللى بجد واجيلك باذن الله

* ايه رأيك فى الانتخابات الخيرة لمجلس شعب2010

هههههههههههههههههه
ده تزوير لا يشوبه اى انتخاب
* ايه رأيك فى البرادعى .. من ناحية .. دعوته للتغيير والسبع مطالب .. ومن ناحية عدم تواجده على الساحة هنا فى مصر اغلب الأيام

انا احترم البرادعى جداا ودعوته مشروعة جدا ولابد منها
بالنسبة لعدم تواجده على الساحة انا شخصيا مش حاباه بنسبة معينة

* ايه القناة التلفزيونية الفضائية اللى بتحب ليون تشوفها
بما انى جالى اكتئاب من الاخبار والفضايح بعد الانتخابات
بدات اتفرج على قنوات ناشيونال جيوغرافى وانيمال بلانيت
وساينس ديسكافورى
* ايه البرنامج اللى بتتابعه ليون باستمرار

الحقيقة :: العاشرة :::
* ايه اخر أغنية سمعتيها / ومين اللى بيغنيها

* ايه رأيك فى مستوى الأهلى حالياً
لكل جواد كبوة
* مين احسن لاعب ف مصر دلوقتى من وجهة نظر ليون .. فى الكورة ..

احمد حسن \\\ وائل جمعة مع مراعاة سنهم
* ومين احسن رياضى فى الرياضة عموماً فى مصر / وفى العالم
فى مصر :: احمد حسن
فى العالم ::: نادال
* من فضلك وجهى كلمة الى كل من :
- ابو تريكة:: هههه نفسى احبه
- أحمد حسن:: حبيبى
- حسام حسن مدرب الزمالك:: حققت معجزة واخيرا بدانا نسمع عن فريق الزمالك
- حسن حمدى رئيس الأهلى::شد حيلك شوية
- فريق البارسا ( بتاع الكورة مش بتاع المسابقة هنا )

اجمل فريق فى الدنيا ده فيه كل الابطال

- إدارة منتدانا
تاعبانى ومضايقانى بقالهم شوية
- المشرفين الغائبين
ياريت يرجعوا بالسلامة

- المشرفين المتواجدين
شدوا حيلكم معانا شوية
* ايه النصيحة اللى تقدميها لكل من :
- محمود عباس ( فلسطين )
ارحم الشعب بتاعك شوية
واتقى الله فيهم وفى نفسك يا جدع
- عمر البشير ( السودان )
استغفر الله العظيم
الرحمة حلوة برده
- حسن شحاتة ( مصر )
عايزين منتخبنا الله يسترك
انت وديته فين يا لئيم

وباذن الله لى عودة
ان كان فى العمر بقية

ان شاء الله ربنا يطول فى عمرك يا حاج
اصدى يا جدو

**lionking** · 23-12-2010, 08:41 AM

نورتى كرسى الاعتراف
ده نورك يسرى
وان شاء الله نفرح فيك هنا قريب

لو اصبحتى رئسا لمصر
ايه اول خمس قرارات تصدرينها وتقبلى خالص احترامى

لو ليون اصبحت رئيسة لمصر

خد عندك القرارات

اولا::
محاكمة افراد حكومة نظيف والمساهمة فى اسراع المحاكمة واصدار احكام

ثانيا::
اقامة حكومة ظل وبوليس سرى

للمراقبة على الحكومة والمراقبة على الشرطة

ثالثا::

رفع المرتبات لموظفى الدولة
حكومة او قطاع خاص
وتنفيذ قانون التامينات على اسس صحيحة

رابعا::
الغاء الضرايب اللى ملهاش اى تلاتين لازمة المفروضة عليكم يا شعب
انتيخا الحبيب

خامسا::

عمل برلمان موازى لبرلمان الشعب
ولكنه برلمان للشباب ولهم حرية الانتخاب ومكان ثابت للاجتماع والمناقشة واتخاذ قرارات وارجاعها لمجلس الشعب

**ahmedabdelziem** · 23-12-2010, 04:58 PM

اجابات جامده جدا
وممتازه من عضوه متألقه
بس انا بقى
عندى شويه اسئله على الماشى

عايز اعرف
**********

1. معنى الحب

2. معنى الحقيقه

3. ايهما اسوء الخيانه ولا الكدب

4. عضوه بتحبيها جدا

5. عضوه بتعجبك مواضعيها

6. عضوه عملت فيكى مقلب ولسه مش عارفه تنسيه

7. لمن تهدى هذه الالقاب
**********
القلم الشريف

نجم المنتدى

نجم الابداع

عضو محبوب

8. نصيحه لكل من
**********
بشار الاسد

حزب الله

الجمعيات الحقوقيه فى مصر

بطرس غالى

معلش الاستجواب طويل شويه
بس ده لان العضوه اللى معانا على الكرسى
مش اى عضوه