فى زياره خاطفه للقاهره لفت نظرى مجموعه من التماثيل فى بعض الميادين
سألت نفسى سؤال

هو احنا هانلاقى بعد كده تمثال لــحسنى مبارك ؟؟؟؟

يعنى بعد ما بإذن الله يموت و يريحنا .. قصدى يوحشنا
هانلاقيله تماثيل فى الميادين ؟
طبعاً احنا هانبقى فرحانين جداً انه مات ... لأنه هايبقى استريح من وجع دماغنا

بس هل تفتكروا الحكومه هاتسيبنا كده فرحانين انه مات ؟

و لا هاينكدوا علينا فى الميادين العامه بتمثال ضخم لسياده الريس الله يرحمه ؟

على فكره انا سؤالى جد جداً

هل تفتكروا ان الحكومه هاتقرر انها تعمل بعد كده تمثال للريس ؟؟؟

و هل كمان هايغيروا اسماء المدارس و الشوارع و الميادين و بعض الحاجات زى مدينه مبارك للأبحاث العلميه
هاتبقى حاجه غير مبارك ؟؟؟ و لا اسم الريس هايفضل فى ذاكره مصر لـــ30 سنه بعد وفاته ؟

بصراحه سياده الريس شخصيه محبوبه و على رأى أنيس منصور
فى بعض الناس كفايه عليهم
و انه فى بعض الناس لما بيصروا على الاستمرار بيسيئوا لتاريخهم المضئ D:


انا متوقع اننا نلاقى تماثيل كتير
و قرار غريب ان لازم يكون فى كل مدينه ميدان بأسم الزعيم الكبير -الله يرحمه-