بحبك ياتوكتوك لأنك بسيط


وبحس أنك انت عيل لقيط


لانمره مركب وصاحبك ما يسكت


ودايما محشش ولسانه سليط


عنده الجراءه **وله ف الحداءه


وف فن الشتيمه ** عامل شريط


ولا حد همك **ولا شىء يلمك


وسايأ دلالك ** وعامل عبيط


لا يهمك اشاره**ولا حتا جاره


تخش ف محل **او تلبس ف حيط


تسأط حوامل **وتعمل عمايل


لا نفعك مطب**ولا تعرف غويط


زبونك بيركب **أتفضل ياباشا


ولما بينزل**وداعه الشخيط


حاسب يافندى**خشى ياست


خد يابنى عنى **شوال ارنبيط


تشغل اغانى **لمطرب شوارع


ماتسمع ودانك ** غير السويط


مبقتش عارف **انت ياتوكتوك


نفعنا والا **هم وصديد