السلام عليكم


يمكن الواحد لف كتير فى النت و مسك اشراف فى اماكن كتيرة جدا ..
و فى كل الاماكن كان دايما بيبقى فى نوعية من الاعضاء ميعجبهاش العجب حقيقي .. و يمكن الواحد بيحاول يكون حيادي جدا عشان يقدر يعرف هما ايه اللى يريحهم تلاقى انه فيه عضو فعلا مفيش حاجة بتريحه بتاتا و غالبا مبيبقاش مستقصد حد معين وانما بيبقى مش عاجبه اى سلطه فى الموقع و خلاص و لازم يطلع فيها العبر وبس !


فهتلاقى ان مهما كانت نوعية المشرف اللى قصاده برضو بيبقى مفيش اى توائم بينه وبينهم


تعالوا نشوف نماذج كده من المشرفين اللى عدوا عليه و نشوف ممكن تكون ايه مواصفات المشرف اللى يريح العضو ده




مشرف لطيف : انتى كتكوته .. انتى بطوطة

انتى يا اختىىىى عليكي سكر سكر ايه كمالو مواضيعو العسل دى

تثبيتوتا ثبيتاتا ياحلوة انتى يا بطاطا


عضو ميعجبوش العجب : انتى ارعه


مشرف عنيف : اياك اشوف حرف واحد غلط فى المواضيع تعملولى مراجعة نحوية املائية رباعيه خماسية الدفع و الجذب و الشد و قبل الموضوع ما يتنشر تقدمولى نسخة كروكى منه و عليها امضاء اربعتاشر عضو لا يقل عدد مشاركتهم عن 5000 مشاركة فاليوم

عضو ميعجبوش العجب : يحموك فى كنكه



مشرف روووهيف : من فضلك بلاش تكلم الاعضاء بالشكل ده و ياريت بليز بليز لو تلتزم بكوانين النشر فى الكهوة و بلاش المودوعات المنكوله

عضو ميعجبوش العجب : *&^%$##### و حوش اللى وقع منك

مشرف روهيف : و الله لا اقول لامى قصدى لهريدي .. يا وحش





مشرف بيشرب بايب " كلاسيكي يا ويكي " B) : فى الواقع البحر فيه قواقع و انه بناءا على ما سبق ارى انه من الواجب المشاركة بفاعلية فى الموضوعات حيث اننا فى ساحة حوار و كما هو معروف انه فى شمال اوروبا والدول المتقدمة ساحات الحوار تفعل الحوار بين الاعضاء دون الانحدار الى سفح الكلمات المهينة و الارتقاء بالروح للوصول الى حقيقة القوقع المتقوقع

عضو ميعجبوش العجب : ادى دقنى اهيه اذا كنت انت فاهم انت بتقول ايه دا ناقله من موقع اراء للبيع
قفص طماطم مفعصه و ارشقه فدماغ البيه يا جابر
قال متقوقع قال



مشرف دماغه كبيرة
طيب احب اقولكم انتو مش هتحسوا بوجودى اصلا وتقدروا تنشروا و تتناقشوا فى كل اللى انتو عاوزينه بمنتهى الحرية اللى متعرفش حد

عضو ميعجبوش العجب : قصدك ايه شايفنا كلااااب بنهوهو و محدش هيرد علينا طب خد فدمااغك طاخ طووووخ دشششششش " الرااابع"

مشرف مبيفوتش موضوع
انا بحب اكون فى كل الموضوعات اهوه يا اخوانى عشان تحسوا انى قريب منكم و عضو زيى زيكم و اتمنى انى اقدر افيدكم و استفاد منكم

عضو ميعجبوش العجب: اييييه ايه تستفددد ايييييه اللى بتقوله ده
انت هتمن علينا بالحرفين اللى بتسيبهم فى كل موضوع و الا ايه و احب اقولك ان مشاركاتك كلها ملهاش معنى و تافهه و كمان ريحة رجليك وحشه وانا ساكتلك م الصبح ابقوا استحموا مليتوا البلد



مشرف اخضر
عضو ميعجبوش العجب : يعععععع ملقيوش الا ده ما كانوا جابولنا الرجل الاخضر احسن بقى



مشرف مشجر
عضو ميعجبوش العجب : اخييييييه بس المقلم هو الموضه ناس معندهاش دم


مشرف سوبر
عضو ميعجبوش العجب : عاوزينه عادة ايه سوبر ده هما مال مناخيرهم فى السما كده ليه


مشرفين متنوعين
عضو ميعجبوش العجب : طويل شويه .. قصير اوى .. عنده فسفوسه بين حواجبه .. صوته مسرسع .. بيشخر و هو نااايم


الموقع بقى دايما حريقه و نارها فى السما فما كان من العضو المحبوب الا انه


يا ساااتر دا الموقع بقى يقرف و كله خناقات و الله منا داخله بعد كده

اما اروح اشوف موقع تانى اخربه براحتى