الشمس غابت*والضلمه جابت

ذكرى اليمه* فضلت ما غابت

ياعيون بتسأل اخلاصنا ليه

دا ف يوم ما شفنا حب ف عنيه

ورغم دا* حبينا دا* وما سبنا دا * ونصيبنا دا
وياريت ف حب دا عشرتنا دامت
********************************
جوه عنيا* وبين رموشى* شايل اساكى

والحنه رسمت* وشم ف ايديا* صوره هواكى

حتى الزهور* فضلت تدور
تحكى هوايا * من بين سطور

ورغم دا *حبينا دا* وما سبنا دا* ونصيبنا دا
وياريت فى حب دا عشرتنا دامت
********************************
الهجر فارد * شراعات جناحه

والشمس راحت* ويا اللى راحوا

وبقالى ليل * ودمعى سيل
على الخدود * جرحك دا ويل

ورغم دا *حبينا دا *وما سبنا دا* ونصيبنا دا*
وياريت ف حب دا عشرتنا دامت