أهلا اهلا يا سنة جديدة
تعالى وهلى علينا سعيدة

تعالى واملى حياتنا بنور .. هاتى الفرح وعطر زهور
ياللا تعالى .. بكل حنان ..احنا اشتقنا نعيش ف سرور

هاتى امانى معاكى وحب
هاتى سعادة ونور للقلب

قلبى انا مشتاق يفرح تانى * نفسى احقق فيكى أمانى
وافرح واتهنى مع حبيبتى * واضمها ف قلبى واحضانى

ياسنة جديدة تعالى قوام
نفسى احقق فيكى أحلام

حلمى جميل راح احققه فيكى * انا وحبيبتى نسعد فيكى
راح اقرب ليها واقرب منها * نسعد سوا بنجوم لياليكى

أهلا اهلا يا سنة جديدة
تعالى وهلى علينا سعيدة

كل عام وانتم جميعا بخير وسعادة