بسم الله الرحمن الرحيم
السلام عليكـُم ورحمة الله وبركاتُه


كـُل يوم بنسمع عن ظاهرَه جديده ، في مره نسمع عن ظهُور أطباق طائره وكائنات فضائيه ! ، ويوم تاني نسمع إن في واحد شيخ بيعالج المرضي وبمجرَد يحُط طَرف إصبعه علي المريض .. المريض يخف فوراً
في الغرب عندهم بردُه ظواهر غريبه ، بنسمع ديماً إن في أطبّاء رُوحيين ، بيعالجوا المرضي روحياً ، والمريض ينام .. يصحي الصُبح يلاقي نفسه سليم بدُون أي مرض
احياناً بنسمع عن ظهـُور كائنات غريبه ! ، بنسمع أن حُورية البحر ظهرت علي أحد الشواطئ ، بنسمع عن وحش البُحيره ، بنسمع أن السلعوه ظهرت وأكلت 4 عيال وأمهم

يعني الخلاصه ، الظواهر كتير أوي في العالم ، وانا شايف إن النقاش فيها هيكـُون حلو ومشوّق في نفس الوقت

إن شاء الله انا هختار ظاهره غريبه نبدأ بيها النقاش ، وبعدين لما نخلص نقاش هذه الظاهره ننتقل لظاهره أخري نناقشها .. وهكذا ..


الأطباق الطائره .. وهم أم حقيقه ..

أول مُوضوع في النقاش ، هيكـُون عن الأطباق الطائره والكائنات الفضائيه والحاجات اللذيذه دي


والسؤال الآن ، هل تظـُن أن الأطباق الطائره مُوجوده ؟ ، وياريت لو تجيب دليل علي وجودها أو عدم وجودها ..


عالبركـَه