عودا حميدا للأخوه المتخلفين سياسيا .. بس المرادى .. مع تعدد الجنسيات ..

واللى هيقولى مجرد رأى .. هقوله جمله واحده .. اولع برأيك بس بعيد عن قفانا عشان مش طالبه شلل ..

طبعا المهزله اللى هتكلم فيها مشوفتهاش على القهوه هنا .. والحمد لله .. الى حد ما او ع الاقل مش كلها ..

أعتراض ع الثوره المصريه وقولنا ماشى .. حسحس بيه كان واكل عقلهم والتعليم المجانى بتاع بير السلم لحس دماغهم .. وحزب وطنى وفلول و و و .. لكن اعتراض على قتل القذافى !!! اهو دا اللى مش ممكن ابدا ..

ناس حزينه وزعلانه اووى على موت الطاغيه .. اعتراض اسكندرانى .. او Say Objection

:biggrin23::biggrin23:

ياعمو يا عمو .. دور ع الفيديوهات شوف كتايب الجيش وهى بتنضرب بالنار عشان خالفت اوامر القذافى .. شوف 20 الف شهيد و 65 الف مصاب .. شوف وشوف وشوف وشوف .. كأنه بنى أدم من غير ودان .. مش سامع .. طب مش شايف !!! مش فاهم !!!

ولع القذافى بجاز .. الله لا يرحمه ..

عمو يا عمو .. زعلان على بشار .. شوفت فيديو التوحيد ببشار !!! دى عالم كفره يا حاج ؟!!!

بلا ودان .. قربت اشك انهم بديول وبس ..


قمة الشلل بقى .. لما واحده بدون ذكر اسمها .. تقولك ايه .. حرام اللى حصل للقذافى ماهو شعبه هو اللى بدأ !!!!!!!!!!


ماشى ياستى احنا شعب ابن ستين تيت متربيناش .. ومش عايزينه .. يخلع بقى ويسيبنا مش يموت 20 الف عشان هو يترمى فى الحكم !!!!
صعب عليكى ؟! ياختى حلوه :doh: .. ميصعبش عليكى غالى

لا والاظرف بقى .. نفرج بقى عن حسنى ليموت هو كمان .. مايغور فى داهيه .. هيتخطف يعنى يا خالتى .. دا معدى ال 80 دا انا لو عديت ال 25 يبقى كرم من عند ربنا وتبقى صحتى حلوه ..

مرحلة فقع مراره جديده .. وشلل نصفى .. وكالعاده يافرحه ماتمت .. دخل فيها اوباما بمناخيره وياخوفى لياخدها ويطير ..

ويا أخوه يا مصريين .. كفايه شللكوا علي ثوار مصر .. ارحموا ثوار ليبيا وسوريا وبطلوا تشويه فى صورتنا وثورتنا .. لأن بكلامكم الغبى والمتخلف .. ممكن تفسدوا علاقة شعبين ببعض ..


ولنا الله :11y:






منقول