بسم الله الرحمن الرحيم

الموضوع المره دى بجد حاجه صعبه عليا انى اكتبه لكن متمناش ان حد يغلط نفس الغلطه دى تانى

هحكلكم حكايه صغيره فيها عبر كتير

كنت مشترك فى منتدى خاص بالجن وكل ما يخصه وكنت من اهم الاعضاء فيه

وكنت من مدونين طرق التحضير والاستعانه بالجن وطرق الاعمال والاوفاق والطلاسم والتعاويذ

كتبت كتير وكنت سعيد بتواجد اكتر من 2000 عضو كل يوم كنت بكتب الموضوع فى اليوم كنت بلاقى 500 رد على الاقل المهم ان انا طبعا مكنتش بكتب اى حاجه كامله علشان ميجيش واحد يتفوق عليا وفى يوم وانا فى المنتدى لقيت رساله خاصه من عضو بيقولى انت اى كلام ولا تعرف تقضى مصلحه معايا طبعا رديت عليه من باب انت مين علشان تقلى انا كده المهم قلتله لو جدع اسالك كام سؤال ورد عليا وانا اوريك انا اقدر اعمل ايه المهم سالته عن اسم امه وتارخ ملاده وهوه زى الحمار جاوب وفعلا فى نفس اليوم رحت عامل لعبه كده شلل فى الدراع اليمين بعتله رساله وقلتله انهرده هيحصل كذا وكذا قلى كداب وشتم شويه قلتله ماشى جه تانى يوم لقيته بعتلى رساله ابوس ايدك انا مش قادر احرك دراعى عالجنى انا اسف قلتله علشان تحرم تغلط فى اسيادك لما تبقى تعرف حاجه ابقى اتحدى وطبعا الشلل ده مؤقت علشان تتربى بس وهينتهى بعد شهر ارب بقى تحديك وطولة لسانك
المهم دى مكنتش الحاجه الوحيده الاذى لا انا اذيت ناس كتير قوى كل الى كان بقول كلمه متعجبنيش او ليا عنده تار فى حاجه كنت بعمل فيه حاجه شكل طبعا كنت سعيد ان اى حد بيعملى اى حساب قبل ميكلمنى الا انى فى يوم من الايمام بدا بقى عقاب ربنا باول حاجه حضرت ملك من الملوك الكبار ومعرفتش اصرفه وانضربت ضرب ساعتها وكنت هموت اصلا الا انى اتلحقت من واحد كده المهم بعدها بقى اخويا الصغير لقى كتاب من الكتب بتاعتى قرا فيه سطرين اتلبس لانه كان تحضير المهم ساعتها بقى عرفت خطورة الى انا فيه ولكن بعد ايه حاولت اصلح وفكيت كل الاعمال الى كنت عاملها للناس وعالجت اخويا وولعت فى كل الكتب
وحلفت ميت يمين انى مش هرجع للسكه دى تانى حتى المنتدى سبته خالص وكتبت انى مش راجع وكل العلاقات مع الناس الى كانو بيساعدونى واساعدهم قطعتها حتى التابعين ليا صرفتهم والى مرضيش يمشى ربطه بعيد خالص الا انى برده حاسس لسه انى ماشى غلط وحاسس باستهزاء الناس بيا وده الى بيخلينى سعات افكر ارجع تانى لكن بفتكر اليمين واقول ربنا يسامح الناس دى انا بطلت ومش راجع

لكن صحيح انا قطعت الصله بكل ده وحرقت كل الى عندى من كتب الاانى حافظ كل حاجه واقدر افك الى ربطه وخايف ييجى عليا اليوم الى ارجع فيه ايل من الاول معرفش ايه الى خلانى افتكر الموضوع ده دلوقتى مع انى قطعت صلتى بيه من تلات سنين بس بجد مش عارف اعمل ايه علشان انساه خايف من اليوم الى هرجع فيه تانى بصلى وادعى ربنا يبعدنى عنه لكن حاسس انى راجع راجع ومش عارف اعمل ايه
ادعولى بجد ربنا يصلح حالى

وارجو محدش يمشى فى السكه دى نسيب الجن فى حاله واحنا فى حالنا

بس ليا سؤال حد فيكم ليه تجربه مع الموضوع ده سواء اتازى او ازى






منقول