يابنت حبك في حياتي صار مثل الأكسجين
عنصر أساسي والحياه بلا وجودك محرجه

وإن زدت لك من هيدروجين المحبه ذرتين
صرتي نهر حب وسحابة عشق للما منتجه

في كيمياء الحب أنا وأنتي نمثل عنصرين
أسمائنا في جدول العشاق صارت مدرجه

وإن كان جت للفيزياء يارب لطفك يامعين
أموت أنا فالفيزياء مادام صرتي منهجه

أنتي سواة المتجه وأنا أمثل صاد سين
يابخت صاد وسين ما دامه معك يالمتجه

أنتي أساس الجاذبيه سحر رمش وسحر عين
وموجات صوتك من موسيقى السيده مستنتجه

وأنا كشفت الجاذبيه فيك من تفاحتين
طاحت عليها خصلتين من الشعر متموجه

رزت نحرك ونحف خصرك من يسار ومن يمين
ووسطٍ متين أغرا الخصر بالنحف لين إستدرجه

ضاعت وصوف الجسم مابين النحيف والمتين
وأنتي مابين إثنينهم جيتي كذا متدرجه

بالفيزياء بالكيمياء حلوه بكلتا الحالتين
أنا أشهد إنك بالحلا والزين فعلاً مزعجه

عقلي مهو مستوعب إنك في مجاله تدخلين
بالمختصر! عقلي يباله فيك إعادة هدرجه






منقول