السلام عليييييكم


ازييييييييكم يا حلويييين

انا اول مره اكتب وعشان كدا عايزه اعرف رأيكم واعرف ان كنت اكمل ولا لا

ولو فيه اي حاجه مش عاجباكو فيها قولولي عشان اخد بالي منها بعدين






الحلقة الاولى

فتحت عينيها وهيا بتبص حوليها في الاوضه النهارده

الجمعة يعني مفيش مدرسه ومفيش شغل

ايوه متستغربوش مفيش شغل

حنين بنوته عندها 17 سنه في ثالثه ثانوي رقيقه

وزي القمر مامها وابوها انفصلو عن بعض لما كان عندها سنه

ومامتها عرفت تاخدها من باباها وبعدتها عنه بكل

الطرق الممكنة عشان ميشوفهاش تاني

وعاشت حنين من غير بابااها كانت والدتها بتحاول

تعوضها عنه بس طبعا مفيش حد يقدر ياخد مكان التاني

بس هيا خلاص تعودت على كدا

لحد ما في يوم من الايام وصلها خبر هز كيانها كله وشيلها الهم


وصلها خبر ان مامتها عملت حادثة بعربيتها

ومقدروش يلحقوها واتوفت

الحادثة دي حصلت من سنتين يعني لما كانت حنين عندها 15 سنه

مكنش فيه حد ممكن يكون المسؤول عنها غير

جدتها ربنا يطولها في عمرها

بس طبعا جدتها كبيره ومش هتقدر تصرف عليها

عشان كدا حنين اضطرت تشتغل عشان تعرف

تصرف على نفسها وعلى الدروس الي بتحضرها

________________________________


نرجع بقى لاوضه حنين

حنين:ياااااااااااااااااااه انا نمت كتييير اووي مفيش احلى من يوم الجمعه اما اروح اشوف تيتة صاحيه

ولا لسه نايمه

وطلعت من اوضتها لقت البيت هااادي اووي دخلت

اوضه جدتتهاا على اطرافها من غير ما تعمل صوت

لقيتها نايمة في سابع نومه قربت منها وباستها

على خدها وراحت تحضر فطار

وهيا في المطبخ اتصلت عليها صاحبتها ندى

ندى:ازيييييك يا جميييل واحشاااني

حنين:الحمد لله انتي واحشاني اكتر

ندى:بقولك انا وياسمين رايحين النادي وكنا حابين
انك تييجي معاانا

حنين:تصدقي كان نفسي اخرج ماشي يا حبيبتي
هقول لتيتة واخرج معاكو

______________________-

ندى بقى صحبت حنين من زمان اوووي في نفس

سنها روشه كدا وزي العسل

ياسمين برضه في نفس سنهم طيبه اوي وعاقله

وندى وياسمين وحنين صحااب اووي ومش بيفترقو
عن بعض


_____________________________


وبعد ساعة البنات كانو في النادي قاعدين مع بعض

بيضحكو

حنين:انا مبسوطة اوووي اني خرجت معاكو ميرسي
اووي يا بنات

ندى:انتي عبيطه يا بت هوا انا اخدتك معايا باريس

ياسمين:ايه دا شفتو مين هناك دي سامية

ندى: يا شيخة يا ريتك افتكرتي حاجه عدلة دي بنت خنيقة اووي

حنين:ومين الي معاها هناك

ندى:تلاقيهم اصحابها واكيد عاملين زيها

حنين:الحقي دول جايين ناحيتنا

ووقفت سامية قصادهم وقالتهم بنبرة كلها استهزاء

سامية:هاااااااااااااااااااااي بناااااات ازيييكو ايه دا انتو هنا في النادي
اووووه وحنيين كمااان انا كنت فاكراكي متعرفيش يعني ايه نادي اصلا

ياسمين:ملكيش دعوه بيها يا سامية وانتي فاكره نفسك مين اصلا عشان تتكلمي كدا

حنين اتضايقت اووي وجت عايزه تمشي ندى

مسكتها من ايدها ورجعتها مكانها بصت حنين

حوليها لمحت واحد من صحاب سامية بيبصلها وباين

عليه متضايق من سامية ومن كلامها

سامية:انا هشتكي لاداره النادي عشان بتدخل اشكال زي دي هنا

وفي اللحظة دي اتحرك االشاب الي كان بيبص لحنين ووقف قصاد سامية وقالها

:زودتيها اووي يا سامية مينفعش تكلمي كدا مع الناس

سامية:بقى انت بتكلمني كدا يا رامي عشان الاشكال دي

رامي:بطلي تصرفاتك دي انا مااااشي سلااااام

وسابهم رااامي ومشي ناحيه بوابه النادي

ساميه:عاجبكم كداا اهو زعل مني بسببكم حسابكم معايا بعدين

ندى:اسلوبك هوا الي بيزعل الناس منك مش ترمي مصايبك عليينا

ساميه :مش هعديهالكم ابدااا

وطلعت تجري عشان تلحق رامي وهيا بتنادي على
رامي

وباقي شلتها وراها




بصو البنات ناحية حنين

ياسمين:متزعليش يا حنين دي بنت متستاهلش اصلا انك تزعلي بسببها

ندى:تلاقيها غيرانه منك عشان شاطره وهيا ملهاش في الدراسه وفاكره كل الدنيا فلوس وبس

حنين:انا تعبت من رخامتها دي

ياسمين :ولا يهمك حاجه سيبيها تموت بغيظها

ندى:بس اشطه عليييكي شكل رامي معجب بيكي وبيدافعلك الله يسهلك يا عم

حنين ضحكت ووشها احمر

ياسمين: وزي القمر كمااان ولايق عليكي

راحت حنين ضرباها وقالت:بس بقى يا بنات

ندى:الحلوه ببتكسف

ياسمين:بس تفتكرو ميين رامي دا دا باين عليه اكبر مننا يعني مش في ثانوي خالص

ندى:تفتكرو يكونو بيحبو بعض

حنين:لا مفتكرش لو كان بيحبها مكنش كلمها كدا


وقعدو يضحكو طول اليوم لحد ما روحو


____________________



تاني يووم

صحيت حنين وبصت في الساعة لقت الوقت اتأخر اووووووي

قامت من سريرها جرري

وفي ثواني كانت جهزت ولبست هدومها وبتلف طرحتها

دخلت عليها جدتها الاوضه
تيتة نادية :مالك يا بنتي قايمه على ملا وشك كدا

حنين:اتاخرت عالدرس يا تيته وراحت عليا نومة

ويرن موبايل حنين

بصت حنين في الموبايل وقالت:واهو ياسمين بتتصل عليا

حنين:الوووو ايوا يا ياسمين

ياسمين:فينك يا بنتي كدا هنتأخر عالدرس انا مستنياكي على اول الشارع مع ندى

حنين:طب خلاص دقيقة واكون عندكم

بعد ما قفلت مع ياسمين بصت لجدتها

حنين:عايزه حاجه يا تيته قبل ما انزل

تيتة نادية:عاوزة سلامتك بس يا حبيبتي خدي بالك من نفسك ومتتاخريش

حنين :حاضر يا احلى نادية في الدنيا

ضحكت تيتة نادية وباستها على خدها

______________________


بعد دقايق كانو البنات ماشيين في الطريق بأسرع ما يمكن

حنين:يعني كان لزمته ايه ان المستر يغير البيت الي بناخد فيه الدرس

ياسمين :مش دا المهم دلوقتي المهم منتأخرش

ندى:اهو البيت الي هناخد فيه الدرس

حنين:الله دي فيلا شكلها حلو اووووي

ياسمين:تفتكري دا بيت مين

ندى:هنعرف دلوقتي

دخلو البنات من مدخل الفيلا وشافو جنينة شكلها يجنن

وبعد شويه كانو قدام الباب

وضغطت حنين عالجرس

وشويه والباب اتفتح

وشاافت قداامها.......................نكمل الحلقة الجاية



ومستنيه ردودكم عشان اعرف رأيكم






منقول