السلام عليكم

من غير مقدمات ولا حاجه

انا بس عندى فكره زى ما مكتوب .. واتمنى انكوا تعملوها


دلوقتى طبعا كل واحد بيتمنى انو الرسول عليه افضل الصلاه والسلام

يشفع ليه يوم يوم القيامه .. وكمان مع الرسول فيه القران اللى هيشفع لينا

انا فكرت ف الفكره دى من زمان بس كل اما اعملها اكسل او يحصل حاجه

فقولت اتشجع بيكم واعملها وانتوا كمان تعملوهاا

وهى ان كل واحد فينا هيخصص ساعه من يومه ع الاقل يقرا فيها القرآن

ونبدا مع بعض وكل واحد لما يقرا يجى هنا ويقولنا انا وصلت للجزء كذا

انا قريت مثلا سوره البقره كلها كدا يشجعنا يعنى اننا نقرا القران

اكيد احنا بنحب نقراه بس للاسف بيجى ظروف وحاجات بتلهينا عن كدا

وهى دى فكرتى بقى


وبصراحه انا مش مهم عندى انكوا تقولوا الفكره حلوة ومش عارفه ايه

وانتو متعملوش بيها.. اللى شايف نفسو قادر هو اللى يرد ويقول انا هبداأ من النهارده مثلا


واكيد فى ناس كتير هنا بتقرا قران ماشاء الله طبعا وواصله للجزء الكام
فياريت يقولوا وصلوا لغايه فين عشان يشجعونا معاهم



اساس الفكره يعنى اننا نشجع بعض اننا نقرأ قران
وربنا يرضى علينا باذن الله


بس كداا

فــ رعايه الله ..