ازيكم ياشباب ويا بنات النهاردة خطيبي جالي وقلت ايه يابت نونا لازم افرحه واثبتله ان انا شاطرة
تعملي ايه يانونا قلت ايه اعمل بسبوسة :clap_1:
المهم استعنت علي الشقا بالله وجبت سميد البسبوسة وجبت كتاب الطبخ بتاع ماما واللي اكتشفت انه كتاب ابله نظيرة وبعد مافضلت ساعة اترجم يعني ايه وقية ويعني ايه رطل
قلت ايه بقي بلا كتاب ولاحاجة اتصلت بواحدة صحبتي وسألتها عن طريقة قالتلي كل ماتضيفي عليها اضافات هتكون احلي
مكدبتش خبر كل اللي موجود في المطبخ واللي مش موجود حطيته واعدت ابسبس للعجين مش بتتقال كده وبعد صوت انفجارات فظيع وخبط ورزع لذدرجة الجيران خبطوا علينا افتكروا عندنا خناقة او البلطجية هجموا علينا ونازلين مستعدين للدفاع وبعدها عرفوا ان موضوع كله صينية بسبوسة وطلعوا بيوتهم مع دعاء باالشفا ليا
مهم استعنت بالله علي الشقا وحطيت البسبوسة في الفرن
ولقيت بعد شوية ريحتها طالعة وجلوة اخدت شلوط في نفسي وقلت ماهي سهلة امال الناس ليه بتجبها من محلات
وطلعتها من الفرن كان لونها ذهبي وجميلة وقلت اسيبها تبرد وبعدين اقطعها
المهم سيبتها تبرد وجه خطيبي فرحته اني عملت بسبوسة بصلي بحذر غريب وطلبت منه يقطعها
شوفوا يابنات احنا حاولينا نقطعها لدرجة جبنا شاكوكوش وقادوم ودي حلفت ماهي مقطوعة ياستي ربنا يهديكي ودي ابد ابدا
قلت يمكن نشفت علشان سبتها كتير رحت قالبة الصينية وحدفتها في الحيطة الصينية اتشرخت والبسبوسة سليمة
قوم ايه اكتشفت بعد عذاب اني عملت بسبوسة اخترااااااااااااااع اول بسبوسة في مصر بطعم البسكوت وبتتسقي في الشاي
ومش بتبوش ده غير ان جوز هند لسع انا قصدي طبعا جوز الهند اللي حطيته عليها ماشاء الله عليا المهم

خطيبي لما اكل من بسبوسة معرفش ليه وشه احمر وجاب الوان وكمل باقي زيارته ليا في الحمام و اول ماخرج ورفع راسه للسما وقال يمهل ولا يهمل

مع كم دعاء عليا لو ادعي علي اسرائيل كان زمان ربنا خسف بهم الارض من زمان
بعد ماخطيبي اكل مش عارفة ليه قرر يأجل الجواز بعد ماكان هيموت ونجوز
وخطيبي اتجني عليا في تأجيل الخطوبة

بذمتكوا انا غلطانة ولا حاجة:005: