صابر
صابر ياقلبى عليه لحد مايجى يجرحك؟
صابر ياقلبى عليه لحد مافى يوم يدبحك؟
لسه صابر ليه عليه؟ بعد ماخانك وبأيديه
بتقول انك حبيت؟.. حسيت؟.. ليه اتنسيت؟
لوكنت سمعت صوت الحق وحكمت عقلك فيه
مكنتش فى يوم ياقلبى تفضل صابر عليه
بتفكر فى الايام والاحلام الى عشتها فيه
بتلاقى كل ده كلام اوهام مش باينه فيه
كاس وداير على الجميع وانت شربت وبايديه
اتعلم من الزمن و الايام واحسب ياقلبى جرحك كان بكام
خليك صابر على المكتوب ده قدر والكل لازم يدوب
انسى كل الى فاتك الجرح وكل اهاتك
صدقنى انت الكسبان لو تقدر على النسيان
وخليك ياقلبى على الالم صابر