في البدايه انا حابه اشكر
الفكره الهايله واشكر اللي فكر في الفكره دي:005:
وكمان بشكر ادارة القهوه وادارة الركن
بجد انا سعيده جدا بالفكره
حقيقي تسلم الايادي
بس حزينه لاني دي اول مره اخد بالي من وجود المكان الجميل دا:sad:


احب ان اقدم في البدايه اسم مملكتي وهي :005:







)__--------*♥من الواقــــــــع ♥*--------__(




دائما كما تعودت في حياتي ان ارى من حولي
واتعلم منهم ومن تجاربهم من ما يحدث حولي
فلا استطيع ان تمر امامي تجربه بدون ان ادونها
بقلمي كي لا انساها واتعلم منها
ولغيري ان يتعلم منها
فلهذا كان اسم مملكتي من الواقع
الذي يعيشه اي انسان سوء من من حوله
او من تجاربه التي يعيش بها


احب ان اقدم اول ما سوف اقوم بكتابته في مملكتي
وكانت هذه احد التجارب التي مرت بها انسانه مقربه


من حقه هو





بصيت على السما في لحظة صفى وسرحت
وجيت في بالي من غير مناسبه وافتكرتك
اصلك واحشني ... حقيقي واحشني جدا
وافتكرت كل حاجه منك وفيك
وروحت لايام زمان بخيالي بعييييد اوي
وعشت كل لحظه تاني زمان عشتها معاك
كأنها اول مره وافتكرت كل احساس




وجيه في بالي اول مره تقولي فيها بحبك
اصلها اول ذكرى حلوه فحياتي عشت فيها
ولقتني فجأه افتكرت كل اول حاجه حصلت ما بينا
ياااه
اول مره تقولي بحبك كناااا
اقولك ولا فاكر
لا هقولك عشان افتكر معاك اسعد لحظه فحياتي
لما روحتني لحد بيتنا بعد خروجة الكورنيش
وفضلت واقف تحت بيتنا مش راضي تمشي
اقولك امشي تقولي لا لحد ما جات مره
قولتلي بحبك قولتلك ايه قولتلي بحبك
ودخلت جوا واتكسفت ولقيت ماما فوشي واخدت علقه


وافتكرت لما كنا قعدين على البحر
وعيني جت في عينك واتكسفت
ومن كسوفي وشي جاب مية لون
اخدتني في حضنك وابتسمت
ومن جواي دقات قلبي بدق بسرعه واتخدت





وافتكرت كمان حبيبي لما كنا بنتمشى في عز الشتا
الجو برد جدا وسما كان فيها غيوووم كتير
وفجأه قعدت تمطر واحنى بسرعه نجري
حسيت ساعتها قد ايه كنت خايفه عليا من المطر
حسيت انك بتغير عليا لحسن قطرة مطر تلمسني غيرك
وابتسمت وسألتني ساعتها ليه ابتسمتي يا حبيبتي
رغم ان بسمتك نورت الطريق اهو شايفه الضي دا
بس قولي ليه ابتسمتي عشان اعرف ايه بيخليكي تتبسمي
عشان لو مره غلطت وزعلتك اخليكي تبتسمي تاني
رديت عليك ساعتها قولتلك بطل بكش انا مش قد دا


افتكرت اول مره ايدي لمست اديك
فاكر امتى ولا افكرك كان في ايه ؟
لو ناسي بص على ايدك هتقولك امتى حصل دا يا حبيبي
لما كنت خارجه معاك لما جبتلي الخاتم اللي لابساه دلوقتي
واحنى بنعدي الطريق انا وانت وساعتها خوفت روحت مسكت
اديدي ومن صدمتي عديت الطريق وكأن مافيش حاجه حصلت
واتكسفت وايدي ارتعشت بصيت عليا وقولتلي بصوت واطي
مالك يا روحي بترتعشي ليه فضلت ساكته ومش عارفه ليه
مسكت ايدي تاني وبصيت فعيني وقولتلي اصلي بحبك
ماهو غصب عني اي حاجه بعملها ولو زعلتي انا اسف ياعمر قلبي
فرحت جدا وقتها دا بصراحه اكدب عليك ؟


وافتكرت لما زعلت منك اول مره نمت فيها
من غير ما تقولي بحبك يا حبيبتي
وقعدت اقولك ماتصالحنيش انا زعلانه منك اوي
قولتلي انت يرضيكي يعني اموت
ماهو اللي يزعلك يستاهل يموت
دموعي نزلت غصب عني لقيت اديك بتمسح دموعي
بتقولي يا عيوني مش عيونك اللي تبكي بسبب حبيبك
انا ما ستهلش كل الحب دا انا اسف يا روح حياتي
ماتشتغربيش ايوه روح حياتي
ما انا قولتلك يرضيكي اموت لو زعلتي مني اوعى تاني
عنيكي تنزل دمعه واحده عشاني او عشان اي حاجه تاني
اصل اللي عنده زي العيون دول ماينفعش يعذبهم بالبكى ياقلبي
قولتلك خلاص انا مش زعلانه يا حبيبي بعد الشر عليك


وفاجئه واحده لقيت وانا باصه على السما وسارحه
صوت بينادي بأسمي أفتكرت ان كل دي ذكريات
وان الواقع حاجه تاني حقيقه مره جدا
بقيت مع غيرك خلاص بس لسه يا حبيبي
قلبي وعقلي عايشيين بيك ومعاك
حبيبي ايه دي بس اللي بقولها
نسيت نفسي خلاص الكلمه دي
مش من حقي اقولها ليك
بقيت لحد تاني غيرك خلاص


ياترى انت دلوقتي عامل ايه
فاكرني ولا نستني ونسيت كل دا
وفوقت اكتر لما لقيت ايد لمستني وحد بيقولي


بنادي عليكي يا حبيبتي ما سمعتنيش ولا ايه ؟
شكلك كنتي سارحه سرحانه فيا ولا ايه بقى ؟
قولي الحقيقه فيا صح صح وكان بيضحك


رديت عليه اه سرحت فيك يا حبيبي
اصل للاسف بقيت من حقه هو مش من حقك انت
يا حبيبي
قصدي ياللي كنت زمان حبيبي واكتر شوية







3-1-2011
الساعه : 1:52

مسجله