حبيتها يوم
حبيتها يوم واحد ف عمرى * من حوالى الف عام
كانت نجومى وهى قمرى * عشقتها بفرح الايام
فى كل ليلة باسرح وقلبى يتوه ويا النجوم
مع قسوة الحاسدين ، ونظرة العزال واللوم
روحى وعينيا حيرانة سهرانة مجافيها النوم
ولو حتى ثانية المحك بيزيد غرامى الف يوم
ولو عمرى قلت كفاية * ولا نسيتك يوم ف الاحلام
دا حبك نجومى وقمرى * وعشقى يا فرحة الايام
ولا شفت منك غير رموش العين
و كل رمش اتأمله سنين وسنين
اكتب له موال الغرام وديوان غزل
ورمش عينك الهام يكفى دواوين
وقلبى يتمنى رضاكى * وسحر هواكى بالابتسام
ياللى ابتسامك افراحى * ودوا لجراحى ومر الايام
يا للى نظرة من رمش عينك ساحرة
يا وردة فوق غصن الليالى الساهرة
يا سيمفونية لحن نغمه الف مغامرة
وعصفور كناريا بنظرات بريئة وطاهرة
ياوصف لسه ما حد عارف يوصفه ولا فى الأوهام
ياأسطورة النبع الصافى وقلبك دافى بحضن الايام
اليكى باكتب ع النسمة
وكل نسمة ميت بسمة
وادعى اعيشك بخيالى
لكن لقانا .. مش قسمة
قسمتى منك أشعار .. وحبى رمز لحروف الكلام
حلم وخيال ، ومش لقيا .. لكنه أحلى من الأنغام
ياقصيدة طاهرة م الغزل
وقلبى فى حبك لم يزل
غزلى وغرامى كلمتين
وعايشين معايا من الأزل
متاخدش على خطرك منى .. يا قمر فوق الغيام
املى أشوفك متهنى .. وهنا فرحتك ..يملا الأيام
يا ابتسامة طايرة على جناح الخيال
انا روحى حايرة يا رمز لمعانى الدلال
بتهيم فى حبك يا فينوس رمز الجمال
مع حب وتحية للقمر.. والتوقيع جمال
رد مع اقتباس
المفضلات