امممممممممم

[هاوي]

ملناش غير بعض




تدينا الدنيا ساعات

وتروح

وتسيب جوانا

فرح وجروح

ونروح نتغرب

فين ما نروح

ملناش غير بعض

تنفض

ويغيب الضى

وأقول ده خلاص

رايح مش جاى

أتاريك مش زى الناس

ولا زى

ملناش غير بعض..

عايشين الدنيا على عيبها

تجرحنا

ونعرف ألاعيبها

وبنمسك فيها

ونسيبها

وبنحضن بعض

ملناش غير بعض

حبيبى

ملناش غير بعض ـــــــــــــــــــــــــــــــــــــــــ اللي يحب مصر يقول هيه


كارثة..

استغاثة..

إنقاذ..

أزمة أمل..

وفشل بدرجة امتياز..

كلام..

جرايد..

برامج..

دروس مستفادة..

صوان عزا..

وقهوة سادة..

والدوام لله يا أستاذ..

تبرعات..

أهل الخير..

ولو بجنيه..

واللي يحب مصر..

يقول هيه..

ياتري الدموع دي..

رحمة..

واللا خوف..

واللا ابتزاز..

ولسه اللي بيته من إزاز..

عايش ومزاجه عنب..

وبيحدفنا كلنا بالطوب..

وتستمر المسيرة..

بكل فخر واعتزاز ــــــــــــــــــــــــ من إمتي..

من إمتي يا واد..
قلبك رهيف..
من إمتي ناعم حرير..
واللّه وبقيت تسهر كتير..
من إمتي بتسمع أغاني..
عشق وغرام..
ورغم التعب..
رافض تنام..
من إمتي بتخاف علي الأيام..
تروح ماتجيش..
من إمتي عيونك..
بتلمع م الفرح..
من إمتي بتعرف تبوح..
ولا تخبيش..
من إمتي تعبت غربة وسفر..
من إمتي قادر..
تشوف ف الليل قمر..
وإشمعني دلوقتي بس..
عايز تعيش ــــــــــــــ

[fagrmasr01]

أزمة أمل..وفشل بدرجة امتياز..
كلام.. جرايد..برامج.. دروس مستفادة..
صوان عزا.. وقهوة سادة..
والدوام لله يا أستاذ..
تبرعات..أهل الخير.. ولو بجنيه..
واللي يحب مصر..يقول هيه..
ياتري الدموع دي..رحمة..واللا خوف..واللا ابتزاز..
ولسه اللي بيته من إزاز..
عايش ومزاجه عنب..
وبيحدفنا كلنا بالطوب..


بجد رائعة .. بسيطة لدرجة تشد الانفاس من اول كلمة لحد اخر كل السطور

[قمر]

رائعة جدا
بارك الله فيك
تسلم ايدك