انا نفسيتى تعبانه

**خلود** · 30-08-2012, 02:56 AM

]انا نفسيتي تعبانه..!!! ساعدوني

كلمه نسمعها كثير في مجتمعنا ما هي الاسباب اللتي ادت الى ان نقولها..؟؟

هل بسبب اهمالنا لواجباتنا الدينيه..؟؟؟

ام الفراغ الدى سيطر على شبابنا ..؟؟

او الحب الوهمى الدى سيطر على عقولهم

او الارهاق .. ؟؟؟

او فقدان حنان الاهل على ابنائهم .....؟؟؟

ام بسبب ماذا..؟؟؟؟؟؟؟؟؟؟؟؟؟؟؟؟؟؟؟

ماهي حلها برايكم.....قضية مطروحه للنقاش الجااد...

على فكره مسموح للجميع لو بيمر باى حاله نفسيه مضايقاه يجى يقولها اهو بالمره هههههههههههههههههههه

**خلود** · 30-08-2012, 02:59 AM

انا لو قلت هقعد اكتب كتييييييييييييييييييييير اوى

وصدقونى نفسى اقول واحكى بس اقولكم خلوها مره تانيه

مش طالبه معايا كأبه دلوقتى

**قموره** · 30-08-2012, 11:11 AM

يااااااااااااااااااااااه ياخلود

الموضوع ده هيفتح كلام كتير اوى

ده انا عايزه اقول واقول واقول

كل اللى حوالى تعبانين ونفسياتهم تعبانه وزهقانين

شويه من احوال البلد وعدم الاستقرار لغايه دلوقتى والمستقبل المجهول غير محدد الملامح مع الاخوان وطمعهم الملحوظ فى كل تصرفاتهم ومحاولنا بالصبر على تصرفاتهم ونديهم فرصه ده ضاغط علينا

كمان جهل الناس وصرفاتهم الغبيه مع امور كتير زى الاعتصامات والاضرابات والدنيا هتمشى ازاى

وبالنسبه لى احساسى بعدم دفئ المشاعر مع من احب واحساسى بانه متقين من حبى له وبالتالى لابد ان اكون متاكده من مشاعره ولكنى انتظر التاكيد

كمان تصرفات الاولاد وتقلباتهم ووجع القلب اللى الاباء شايفينه منهم واحساسهم ان اباءهم متخلفين بخوفهم وقلقهم عليهم

ده غير بقى مصاريف الحياه بقت صعبه والناس تعبانه

على فكره لسه تانى وتتانى بس كفايه كده دلوقتى

**stylooo** · 31-08-2012, 10:57 AM

أنا ليس لدى مشاكل على الاطلاق ........... و لكنى أشعر بالملل اليومى
اللى نبات فيه نصبح فيه ...... و كل اللى ذكرتوه صحيح ...
المهم من كم يوم لاقيت عندى هبوط غريب.......
قلت : اروح الصيدلية و اعرف الضغط بقى كم ؟؟
ع فكرة ضغطى الطبيعى المولودة بيه هو 90 / 60
المهم
وجدت الدكتور بيقولى : ضغطك واطى شوية ممكن تأكلى حاجة حادقة
قلت له : هو ضغطى كم ؟؟

قالى : 106 / 73
قلت : يا دكتور كده مش هبوط ...... كده ارتفاع و...... كتير كمان
قال : أنتى هتغير فى الثوابت الطبية .... يبقى لازم تزورى طبيب و يظبط لك الضغط ...
و الله كل يوم اعدى ع الصيدلية و أقيس ضغطى أجده ف ارتفاع
و مش نفسيتى تعبانة........ > بس عايزة أعرف هو الضغط ارتفع مع الاسعار
و لا أنا حاجة تانية خالص
سلام بقى اروح أقيس الضغط ...

**مصطفى مامون** · 31-08-2012, 03:17 PM

موضوع رائع خلود ويستحق المناقشه والحوار انتظرونى راجع تانى

الموضوع: انا نفسيتى تعبانه

أدوات الموضوع

عرض