فين 450 وحدة شركة سهمود - نموذج 30 وحدة - المنطقة التانية

[mostafa_raafat]

السلام عليكم

لو حد يعرف العنوان ده

450 وحدة شركة سهمود - المنطقة التانية بالمنطقة المحصورة - نموذج 30 وحدة - مدينة 6 اكتوبر - محافظة 6 اكتوبر

يا ريت يدلنا على اسهل طريقة للذهاب إليه من القاهرة أو الجيزة

علشان فى ناس قالولى انزل امام الفردوس و هتلاقيه هناك , و مشيت لحد ما رجلى ورمت , و للأسف ما حدش هناك عرف المكان - و ان كانوا اكدوا انها المنطقة التانية - و طبعا عرفت انها كبيرة بعد ما مشيتها
انا نزلت امام الفردوس و نادى دريم و شفت طريق المؤدى للفيوم و مدرسة كوزموس للمتفوقين علميا و دخلت على مدن لسة بتتبنى زى حى الاشجار على يمينى و مدينة تانية مش فاكر اسمها

نبقى متشكرين جدا لو حد عارف فين عمارات سهمود دى و دلنا على مكانها فى 6 اكتوبر -

[محمود التهامي]

على الرابط ده هتلاقي المنطقة التانية في ابني بيتك وجواها المنطقة المحصورة وال 450 وحدة (عمارات أطلس)
http://wikimapia.org/#lat=29.9321762...14&l=0&m=b&v=8

وفوقها حي الاشجار و شماله بشوية هتلاقي الفردوس
يعني وانت داخل من طريق الفيوم الواحات هتبقا الفردوس على يميكن والاشجار على شمالك
بعد ما تعدي الفردوس هتوصل لمشروع اسمه بنت السلطان بعده على طول ابني بيتك 1 وامامه مباشرة ابني بيتك 2 والمنطقة اللي حضرتك بتسأل عليها

اما عمارات باسم سمهود فمعرفش حاجه عنها
بس اكيد هتكون بالقرب منهم

[mostafa_raafat]

شكرا جزيلا