عارفين المثل
الكدب ملوش رجلين ؟
فعلا مثل حقيقي
مهما حاولتي تخفي الكذب لازم يجي يوم ويتكشف الكدب
وساعتها منظرك هيكون صعب قوي
أبسط حاجة انتي ممكن تغلطي وتقعي بلسانك
في يوم من الأيام وتتكشفي

وتبقي فرحانه إن كدبتك مشيت عليها وعديتي من الموقف



بس نسيتي حاجة مهمة جدا إنك كده بقيتي خاينة
أيوه كدابة وخاينة كمان
عن سفيان بن أسيد - أو ابن أسد - رضي الله عنه قال‏:
‏ قال رسول الله صلى الله عليه وسلم‏:‏
‏"‏كبرت خيانة أن تحدث أخاك حديثًا هو لك به مصدق
وأنت له به كاذب‏" ‏ [‏رواه أبو داود في ‏"‏سننه‏"



اوعي تفتكري إن المسأله هينه
لأه أبدا
ده النكت شوفي حاجة بسيطة ازاي؟
ومع ذلك شوفي الوعيد
(ويل للذي يحدّث فيكذب ليضحك به القوم ويل له ثم ويل له)
أخرجه أبو داود والترمذي والنسائي بإسناد جيد



مش معنى كده
انك ما تهزريش ولا تضحكي مع الناس
لأه اضحكي وفرفشي وقولي اللي نفسك فيه بس بالصدق

كان الرسول صلى الله عليه وسلم يمزح ولا يقول إلا صدقا
وعن أبي هريرة رضي الله عنه قال :
يا رسول الله ! إنك تداعبنا :
قال (إنـي لا أقول إلا حقاً). (صدقاً ).
حسن رواه الترمذي



وخدي عندك شوية أمثلة علشان تعرفي إن الصادق
بيعرف برضه يمزح
عن أنس أن رجلاً استحمل رسول الله ،
صلى الله عليه وسلم ، فقال :
( إني حاملك على ولد الناقة )
فقال : وما أصنع بولد ناقه ؟
فقال رسول الله ، صلى الله عليه وسلم :
(وهل تلد الإبل إلا النوق).
رواه أبو داود والترمذي بإسناد صحيح .
(استحمل : أي طلب منه أن يحمله على دابه ).

وعن أنس أن النبي صلى الله وسلم ، قال لـه :
(يا ذا الأذنين) رواه الترمذي وحسنه الألبانـي



المؤمن شعاره الصدق
اوعي تفتكري إن الكذب شيء هين حتى لو في حاجة هايفة
ممكن ما تخديش بالك منها
عَنْ عَبْدِ اللَّهِ بْنِ عَامِرٍ رَضِيَ الله عَنْهُ أَنَّهُ قَالَ دَعَتْنِي أُمِّي
يَوْمًا وَرَسُولُ اللَّهِ صَلَّى اللَّهُ عَلَيْهِ وَسَلَّمَ قَاعِدٌ فِي بَيْتِنَا
فَقَالَتْ هَا تَعَالَ أُعْطِيكَ فَقَالَ لَهَا رَسُولُ اللَّهِ صَلَّى اللَّهُ عَلَيْهِ وَسَلَّمَ:
"وَمَا أَرَدْتِ أَنْ تُعْطِيهِ؟" قَالَتْ:
أُعْطِيهِ تَمْرًا فَقَالَ لَهَا رَسُولُ اللَّهِ صَلَّى اللَّهُ عَلَيْهِ وَسَلَّمَ:
"أَمَا إِنَّكِ لَوْ لَمْ تُعْطِهِ شَيْئًا كُتِبَتْ عَلَيْكِ كِذْبَةٌ". أخرجه أحمد

شفتي؟
ده إحنا كده ممكن نروح في داهية ؟
شوفي بقى بتكدبي مع أولادك في اليوم كام كدبة ؟



وعايزة اسألك سؤال يا اختى ؟

ازاي يعني تيجي تقوليلي حديث أو آيه وتدعيني إلى خير
وانتي لسه كنتي بتكدبي عليه ؟
لو أنا حتى ما أخدتش بالي
انتي قدام نفسك شعورك ايه ؟





عارفين عبارة
أنا لا أكذب ولكني أتجمل ؟
بنسمعها كتير
عايزين نلغيها من القاموس
صدقيني بالكذب مش بتحسني صورتك
انتي بتشوهيها قدام نفسك
وبتخسري لقب صادقة عند الله
وكمان قدام الناس لما بيعرفوا وغالبا بيعرفوا
لو مش دلوقتي يبقى بعدين
يبقى عملتي ايه؟
كده كسبانة ولا خسرانه ؟







منقول