ايه رايك فى الحلفان بالطلاق

[خلود]

السلام عليكم ورحمة الله وبركاتة

ازيكم يا احلى اعضاء

اخبارتكم ايه

شوفوا بقى.. عايزه اتكلم معاكوا عن

(( الحلفان بالطلاق ))

اكيد الحلفان بالطلاق ده مشكله كبيرة وكلنا واخدين بالنا منها

وفيه ناس كتير وللأسف موضوع الحلفان بالطلاق ده .. لبانه فى بؤها

• عليا الطلاق بالتلاته ما انتى خارجه من باب الشقه (على اساس انها هتخرج من الجنه )
• عليا الطلاق ما هتشوفى اختك دى تانى(كفايه تصطبحى ب بعلك ياختى )
• عليا الطلاق لتعملى باميه انهارده (يكش تكولها بالسم الهارى )

• 
  

ده الحوار ده لو كان الاستاذ بيكلم مراته

بس فيه مشكله تانيه كمان ..

اننهم بيحلفوا بالطلاق وهما بيكلموا حد تانى غير مراتتهم (حلوة مراتتهم دى )

يعنى مثلا تلاقى الراجل بيكلم ابنه ويقوله

• عليا الطلاق من امك لتعد تكتب الواجب دلوقتى
• عليا الطلاق من امك لتدخل تاخد شور دلوقتى يا معفن يا منتن يا ابن التيـــــــت

طب انت دلوقتى بتكلم ابنك .. امه مالها بقا .. تطلق ليه يعنى مكنتشى دى حمايه داك حمه

وفيه حاجه تالته اخطر من اللى فاته

انو يبقى بيكلم حد مالوش علاقه خالص بالحجه الغلبانه يا عينى اللى فى البيت

زى لو بيكلم واحد صاحبوا ويقلوا

• عليا الطلاق لتيجى تتغدى معايا النهارده (ماهى لما تطلق مين هياكلكم كتكوا نيله )

• 
  
• طب عليا الطلاق انا اللى هدفع الحساب ( وهما اساسا 2 جنيه حق الشاى وربع جنيه بقشيش ) يعنى مش محتاجين حلفان
  
  

المهم بقا عشان مارغيش كتير ان موضوع الحلفان بالطلاق ده بقا

مصيبه فى المجتمع المصرى والناس كلها بقت عماله تحلف بالطلاق وفى كل حته

فى البيت تلاقى ابوك بيخلف بالطلاق

تنزل الشارع تلاقى الناس عمالين يحلفوا بالطلاق

تمشى من قدام القهوة .. تلاقى نفس الكلام

اروح الجامعه ..الاقى زميلى اللى اساسا مش عارف يمشى مع واحده

( مش هقولك لسه ماتجوزش )

برده هتلاقيه بيحلف بالطلاق

فالموضوع كبير كبير كبير يا جدعان وعايزين نشوفله حل

لدرجه انه وصل للمرحله دى

وعايزين الشباب يقولولنا ايه اللى بيخليك تحلف بالطلاق أو ايه اللى بيخلى اى حد يحلف بالطلاق

وبرده البنات .. لو ربنا رزقك ياكبد امك بواحد عنده المشكله دى وليل نهار شغال حلفان كده عليكى .. هتعملى ايه فيه الراجل ده

وخصوصاً اننا عارفين طبعا ً عواقب الموضوع ده .. لأنه مش هزار

دا طلاااااااااااااااااااااااااااااااااااااق

يلا مستنيه ردكم ورايكم بقى

[اسامة22]

الموضوع جميل ويناقش قضية غاية في الخطورة
وياما ناس للاسف عايشين في الحرام بسبب كثرة الحلفان بالطلاق
انا ارفض مجرد التفكير في الكلمة
لانها كانت سبب خراب كثيرا من البيوت ونرجع نندم بعد فوات الاوان
وفي ناس بتتحايل علي الشرع بسبب العصبية والوقوع في المحظور بسبب الحلفان بالطلاق
اللهم عافنا وارحمنا يارب العالمين