-- أحلى واجمل شيش كباب وسلملى على الحاتى ( مسابقه مطعمنا )
السلام عليكم ورحمه الله وبركاته
ازيكم ياحلوين
جبتلكوا النهارده احلى شيش كباب انما ايه حكايه
أولا المكونات
نص كيلو لحم
مقطع مكعبات متوسطة
بصلتين متوسطين ولو صغير 4
فصين توم
ورق لورا وحبهان
معلقتين خل ابيض
ملح وفلفل ونص معلقة صغيرة بهار مشكل
الطريقه
هنفرم البصل والتوم مع الحبهان وورقة اللورا
هنحطهم في طبق غويط وعليهم البهارات ونعصر اللمونة ونقلب كله
هنغسل اللحم كويس ونغرزه بالسكين عشان يشرب التتبيله
نضيف اللحم عالبصل ونقلب كويس ونغطيه ونسيبه 5 او 6 ساعات
نفرش صنية مدهونة بورقة فويل ونحط فيها اللحمة بتوابلها
ونقفل الورقة كويس
نغطي الصنية وندخلها فرن 200 تقريبا ساعة
دة بعد ما استوت في ميتها
نيجي لمرحلة التشييش
:59:
يعني هنعملها شيش كباب
مش شيشة وحجرين يا معلم هههه
هننشل اللحمة ونحطها في طبق ونقطع بصل صغير وطماطم على اربعة وفلفل اخضر مربعات كبيرة
نشبك اللحم في الاسياخ الخشب بالترتيب (بصلة فلفلة طماطماية وبعدين قطعة لحم وهكذا )
هندخل الاسياخ تحت الشواية 5 ق تحمر
نيجي لمرحلة التدخين
تدخين وتشييش ناقص تقوللنا تحشيش ههههه
ندخنها بفحمة ملهلبة عليها نقطة زيت نكبس عليها بأي غطا كبير عشان الدخان مايروحش
كبسة يا معلمي هههه
ودة الشكل النهائي
انا عاوزه بئا الردود كتتتتتتتتتيييييييير اوى احسن ادعى عليكوا
وانا دعوتى بتستجاب :11ap:
:bye:
المفضلات