<div>
السلام عليكم ورحمه الله وبركاته ..


يارب تكونوا بخير .. ^^


بأختصـــار , هنتكلم عن " البجـــاحة "


يعنى بجد مش لاقيه مفهوم ليها ..



و يا سلام على بجــاحة الاعــلام و لا الرياضة ولا اللى في الشارع ... الخ .!!



** يعنى كتيـــــر مننا بنشوف ناس بجحــة بطريقــة فظيعة .. و أكيد كل واحد حصل معاه
أكتر من موقــف مع النـــاس دي



** و كتـــير بنشوف مذيــع أو مذيعــة " بجحـــة " تلاقيهــا بتسأل أسئلة ميصحش أنها تتسأل او هتضايق
الضيف اللى معاها .. و بيبقوا فاكرين دي شطارة أعلام



** ولا تلاقي لاعــب كورة يقع فى منطقة الجزاء و محدش جه عنده خالص
و تلاقيــه يقوم يبجح فى الحكــم و بيطالب بضربة جزاء مع ان محدش لمســه


بنشوفهــا كتير دي صح ؟ ^^



و تلاقي برضه نفس اللاعب تقــريبـــا ممكن يرجع الكورة للجون بطريقة غلط و لما تدخل الكورة الجون
تلاقي أخينــا اللاعب ده بيبجــح فى الحارس اللى واقف ..




** و يا سلااااااام ع البجــاحة اللى شوفناها من النظـــام القديــم الله لا يعيده و ان شاء الله كل اللى عمل حاجة غلط هيتحاكم .. !


شوفناهم فى انتخابات مجلس الشعب .. رغم كل التزوير اللى حصل و الشعب كله عارف انها متزورة من الاول للاخر .. و طلع " عــز " قالك دي حالات نادرة فى بعض اللجان ..


و لا اللى كانوا بيساندوا الريس و كانوا بيعيطوا علشانه ايام الثورة ..
اول ما أتنحى .. تلاقيهم في نفس الليل قالك " ثورتنـــا " نجحت .. و شبابنا و اوعى و لا و حاسب
مع ان في منهم اللى كان بيطالب بأنهم يبيدوا اللى فى التحرير ..




** فى كمــان نوع جديــد من البجــاحة .. بجــاحة " الشحاتين " ..
تلاقيـــه بيتشرط عليك و بيشخــط فيك .. تحس انه بلطجي مش شحات ..


يعنى تلاقي اللى يقولك " الجنيــه ده أعمل بيه أيه ؟.. انا عايز 5 جنيه "



معلش حاسه اني طولت عليكم صح



بس انا قولت أتناقش معاكم و أشوف معاكم حكاية " البجــاحة " !!



***



** انت أيــه رأيك فى البجاحة اليومين دول ؟ و شايف ان الناس البجحة دي بتزيد و لا بتنقص ولا هيودونا فين ؟؟


** يا تري أتعرضت لموقف من حد " بجــح " قبل كده ؟؟ .. أشجينا قصدي قولنا عليه ؟؟




معلش طولت عليكم كتير .. ^_^
ويارب اكون خفيفه عليكم




يارب الموضوع يعجبكم


فى رعاية الله






منقول