السلام عليكم ورحمة الله وبركاتة


بعد ثورتنا المجيدة
كنت اتوقع اول حاجة هاتتماشى مع الثورة هو الاعلام السينمائى
من افلام ومسلسلات

لكن لاسف حاسة ان الافلام اللى نازلة فى العيد السنة دى اقل ما يقال عليها انها فى منتهى قلة الادب .
وان مستوى الاستفزاز مش عايزة اقول كلمة تانية
زاد عن كل سنة



لية ؟؟ ومين المسئول ؟؟
ولمصلحة مين ؟؟
ولية الثوار ساكتين لحد دلوقتى على المهزلة دى ؟؟


من الفيلم الساقط انا بضيع ياوديع لـ شارع الهرم , لـ يا انا ياهو

نفسى يعرفوا ان الاطفال والشباب الصغير بيحب يقلد من غير تفكير

وهايعيد الالفاظ الزبالة دى تانى
هانستفيد اية بالتخلف اللى فى مضمون الفيلم ؟؟

ونفسى الاهالى وهما نازين يتفسحوا وقرروا انهم رايحين يشوفوا قصة الفيلم دة
طول ما نوعية الافلام دى بتكسب وناس بتتفرج عليها

معنى كدة انها مطلوبة وعاجبة الناس

معنى كدة زود من النوع دة

معنى كدة ان الشى اللى مش عادى النهاردة بالتعود بيبقى عادى

قصدى لما بشوف حاجة وانكرها وارفضها زى مثلا اغنية هايفة
بس بقيت اشوفها كل يوم
عينى واذنى هاتتعود عليها
بقت شى طبيعى بالنسبة ليا وبشوفها من غير رفض
لحد ما تيجى اغنية اكتر تفاهة وارفضها وبعدين اتعود وهكذا



انا هابدأ بنفسى
وبعاهد ربنا قدامكم انى ان شاء الله اقاطع اى فيلم ومسلسل مش بيحترم
ولا الدين بتاعنا ولا عقلنا ولا ثورتنا

والحمد لله انا مقاطعة النوعية الزبالة دى من الافلام من زماان


مين هايعاهد ربنا قدامنا ويقاطع النوعية دى من الافلام والمسلسلات ؟؟






منقول