هاااااااااااااى ع احلى اعضاء ف الدنيا
اولا باه رمضان كريم عليكو وكل سنة وانتوا فى خير وسعاده
ثانيا انا هنزل انهارده اول قصة ليا ف المنتدى اتمنى انها تعجبكو وتقولولى رايكو اول باول عشان رايكم يهمنى اووووى

القصة

يبدأ يوم جديد والشمس طاااالعة والشباك مفتوح .. الهوا بيطير الستارة والعصافير بتزقزق ع الشباك
بنت جميلة اوى نايمة ع السرير لابسة بيجاامة روز وشعرها مفرود ع المخده وتبتدى تفتح عنيها وبابتسامة رقيقة تفتح عيونها ونبص ع الشباك وتقوم البنت من ع السرير وايدها مفرودة بتتمطع يعنى وماشية لحد الشباك وانخد نفس عميييق وتبص للسما وتبتسم

البنت انا مغفرة .. بنت شقية ومجنونة بس رومانسية اوى .. حياتى كلها بتدور حوالين روحى وقلبى وحب عمرى عمار .. ما بتخيلش حياتى من غيره بس للاسف هو دايما فوق ف السما فوق السحاب وانا دايما على الارض .. ايه دا مستغربين ؟ ازاى يا مغفرة ع السحاب يعنى ؟ ايون وايه يعنى ع السحاب عادى اوى . بس لو بعد اكتر من كدا برضو هفضل احبه مانا ماليش غيره

الام : مغفرة .. يلا حبيبتى قومى يلا
دى باه مامتى بمووووت فيها .. اطيب واحن ام ف الدنيا كلها
كل حياتها عاشتها لينا عمرى ما شفتها مرة بتفكر ف نفسها كل حياتى لينا ولبابا بس
مغفرة : ايوه يا مامتى انا صحيت
الام : يلا يا روحى اان حضرتلك الفطار
مغفرة : اوكى هروح اخد شاور سريع كدا وارجعلك

خرجت ام مغفرة من عندها وقبل مغفرة ما تدخل التواليت تسمع صوت طيارة تروح تجرى بسرعة ع الشباااااك وتبص بابتسامة رقيقة وتنهيده كدا لحد ما تختفى الطيارة من ادام عيونها

نسيب مغفرة باه ع ما تاخد الشاور بتاعها وتسرح باه وتظبط نفسها ونروح للنص التانى
شريف : يا عمار يلا يا عم اجهز باه
عمار : انا جاهز يا شريف اهو من بدرى بلبس الكاب بس ثوانى
انا باه عمار دايما طاير ف الهوا فوق السحاب . ما تستغربوش كدا مانا طيار اصلا بس حياتى وروحى كلها ع الارض بس مهما ببعد واطير روحى بتكون ع الارض عشان حبيبتى وروحى وحب عمرى ع الارض ومش ممكن اتخيل انى اعيش من غيرها . صحيح بسافر كتير وبسيبها بس هى معايا جوا قلبى وانا كمان معاها جوا قلبها برضو
شريف : يلا باه عشان المفروض اننا نطلع الطيارة دلوقتى
اما انا باه شريف صاحب عمار تدقروا تقولى انى وحيد ومقطوع من شجرة ماليش قرايب بس ليا عمار صاحبى واخويا ومالى عليا حياتى
بشتغل طيار برضو اتعرفت ع عمار من واحنا بنقدم ع كلية الطيران ومن ساعتها مافترقناش ومش مرتبط
يلا لو اى بنت عاوزة ترتبط تتفضل الواد قمر بصراحة ولذيذ اوى و متهيالى مستوى مافيش احسن من كدا
عمار : ياه وحشتنى اوى يا شريف
شريف : مانت هتشوفها اهو يا روميو
عمار : لسا 5 ساعات على ما تشوفها عينى
شريف : الله يخرب بيت الحب اللى مخلى الناس بيجرالها كدا
عمار : ناس ؟ انت عبيط ياض باه هتساوى قصة حب عمار ومغفرة اللى تشهد عليها كل نسمة هوا وكل دقة قلب باى قصة حب عادبة كدا ؟
ويروح عمار وشريف ع شغلهم ويطلعوا الطيارة والاستف كله كمل وتتبدى المضيفة تتكلم : اهلا ومرحبا بكم فى شركة .... للطيران و ونتمنى لكم رحلة سعيده مع الكابتن الطيار عمار فريد و شريف سليم
ورجاء من الجميع ربط الاحزمة واغلاق الهواتف المحمولة وجهاز الكمبيوتر النقال حتى لا يؤثر على اجهزة الملاحة الجوية ....

مغفرة قاعده بتتفرج على التلفزيون وتانية رجلها وساندهراسها على ركبها وتيجى اختها
رحمة : مالك يا مغفرة ؟ ايه الهدوء دا
مغفرة : لا مافيش بس لسا 5 ساعات يا رحمة
رحمة : هههههههههههه هانت يا مغفرة يا حبيبتى

دى باه اختى رحمة . انا اكبر عنها بسنتين بس هى قريبة منى اوى و احنا اصحاب اوى وبتحب عمار كانه اخوها بالظبط . بنت طموحة اوى واحلامها اكبر مننها ب 5000 مرة بس لسا مالاقتش اللى يحلم معاها

وتعدى ال 5 ساعات على رحمة كانهم 5 سنين ويوصل عمار والطيارة الحمد لله نزلت بسلام وهو كان نازل مع شريف صاحبه وخارجين بشنطهم لقاعة الوصول وفجأه يلاقى مغفرة واقفة بعيييييييد و قاعده بتبص يمين وشمال بلهفة وهو المرة دى بصراحة كانت رحلته طويلة اوى
شريف : اهى يا عمار اهى
ويبص عمار ادام بعينه وهى برضو مش واخده بالها انه وصل وقاعده مستنية وهو مشى بخطوات بطيئة كدا عليها و لابس البدلة واالكاب والنظارة الشمس وشعره طويل شوية باين من الكاب يعنى قمر من الاخر وهو كان طويل
لحد ما يشوفها وهى تشوفه وبينهم وبين بعض بتاع كام خطوة كدا وهى كانت قصيرة بس هو طووويل طبعا وهى سفروتة خالص وامورة كدا وكيوت
ويمسك ايديها وتقوله : وحشتنى .وحشتنى اوى
عمار : وانتى كمان وحشتينى اوى
شريف كان واقف من بعيد ومبتسم ومستنيهم يخلصوا حلقة الرومانسية دى
عمار : انتى جيتى لوحدك ؟
مغفرة : اه مش قلت لحد انى جايالك هنا بس رحمة تعرف
عمار : ثوانى يا مغفرة شريف يا شريف تعالى يابنى
ويقدم شريف عليهم ويبتسم لمغفرة بشياكة كدا . طيار باه لازم يكون شيك واستايل وكدا
عمار : سورى وقفتك كتير
شريف : لا ولا يهمك . ازيك يا مغفرة ؟
مغفرة : الحمد لله كويسة حمد الله على سلامتكم
شريف : الله يسلمك . يلا اسيبكو انا باه مع بعض
عمار : لانوصلك الاول طبعا
شريف : لالا انا هركب مع سلامة هو اقرب للبيت
عمار : يا بنى تعالى بس هنوصلك
شريف : يا عم سلامة اقربلى هو ساكن جمبى هكلمك بالليل
ويمشى شريف ويسيبهم مع بعض
يبص عمار لمغفرة وهى تبصله ويمد ايده وهى تمسكها ويمشوا ادام وباصين لبعض بابتسامة حب
نكمل باه الباقى الحلقة الجاية ونشوف هيعملوا ايه مع بعض وكدا
بس عاوزة اعرف رايكو ف اول حلقة عاوزاكو تقولوا بصراحة عشان لو مش عجبتكو بلاش اكملها