-- احنا اسفين ياريس وكلنا مسامحينك انت ابونا كلنا

**اسامة22** · 21-05-2011, 02:00 PM

السلام عليكم ورحمة الله وبركاته

انا اسف ياريس وكلنا اسفين
وهنسامحك

محدش يشتم انا شايفك ياللى شتمت

ايوه انا بقول كلنا هنسامح الريس وغصب عننا كمان

لازم نسامحه عارفين ليه؟؟؟؟
قولتولى ليه

نسامحه عشان الاكل المسرطن والكبد الوبائى وغيره من امراض كتير

نسامحه عشان الشعب كان بيشحت وهو معاه ملايين ومش عارف يعمل بيها ايه

نسامحه عشان اخواتنا اللى ماتوا سواء فى الثورة او ماتوا من الجوع او ماتوا عشان قالوا كلمت حق

نسامحه عشان بلدنا اللى مكناش بنعرف نزورها عشان السياح هما اللى يزروها

نسامحه عشان الشباب اللى مش لاقى يتجوز وهو نايم فى العسل

ياجماعه حد بيقول هو مكنش يعرف حاجه اللى حواليه هما اللى عملوا فيه كده

اقولك ياسيدى انا مش قد الامانه خلاص ماأتمنش على حاجه انا ابقى رئيس وومش عارف شعبى عامل ايه؟؟

ياجماعه نسامحه بس بشررط:
يرجع لكل ام ماتت من القهرة على ابنها اللى هو قتلوا
نسامحه لو رجع لكل شاب متغرب بره عمره اللى ضاع وكرامته الى اتهانت عشان ايه عشان الفلوس اللى يكون بيها نفسه

ياترى هنسامحه على ايه ولا ايه انا كده قولت حاجات بسيطه جدا من اللى هو عملوا

ياترى انتوا معايا ولا لا ؟
نسامحه ولا لا؟

**kamy** · 21-05-2011, 08:24 PM

احنا ممكن فعلآ نسامحه بس بعد موافقته هو وعائلته على شروطنا وهى كلاتى
1 - ان يعيش هو وابنائه بمرتب 600 جنيه ( احنا اكرم منه مش الحد اللى حدده وزير ماليته )
2 - ان يعيش فى شقه اسكان شباب 63 متر على النظام الجديد ( مقدم 10000+ 25000 استلام والقسط 1150 أو تمويل ويصبح القسط 600 جنيه فى الشهر
ان يأكل العيش المدعم بالطوب
3 - ان يشرب مياه الحنفيه
4 - ان يعيش فى العشوئيات لمده سنه هو وابنائه
5 - ان يركب المواصلات العامه
6 - ان يقدم بنفسه (الكفن مثل الصعيد لكل اسره شهيد )
وبعد ده كله يخرجوا بره مصر لانى للأسف لو بيحبه مصر كانوا عملوا من اجلها وليس من اجل مصالحهم الخاصه
اه اسفه نسيت ده طبعآ بعد ميرجع فلوسنا اللى سرقوها مش يتنازل عنها هى مش ملكهم علشان يتنازل عنها

ويمكن بعد كده نفكر هنسمحه والا لاء واكيد مش هننسى اللى عمله بس يمكن نتناسه
[/B][/SIZE][/B][/SIZE]