لاول مره فى حياتى بنتخب

[خلود]

انا اول مرة اروح انتخابات بينى وبينكم كنت رايحة خايفة من الكلام اللى بيقولوة عن البلطجة والناس اللى بتقف برة اللجان تقنعك تغير رايك والحاجات اللى سمعتها قبل ما انزل ولكن قررت انى انزل لانى لازم اقول صوتى اللى كنت متاكده انه لاول مره هيتخد بيه ومش مجردورقه تتكتب وخلاص ومكنتش مصدقة بصراحة اولا منتهى الامن والامان ناس من الجيش برة وناس من اللجان الشعبية جوة كلهم اخر احترام للناس وشباب ما شاء الله عليهم حاجه تفرح بنات واولاد واقفين ينظموا طوابير السيدات والرجال

بجد كنت انا واميره واولادها واولادى فى منظر زى ما يكون عيد حاجه تفرح كل الناس فرحانه ومبسوطه وعايشين جو الحريه بجد

اللى قال نعم مقتنع برأيه واللى قال لا برضو له رأى مافيش تأثير على حد انه يغير رأيه وده اللى شفته فى اللجنه الى رحتها

اخيرا يامصر عشنا عصر نقول راينا بحريه

[اميرة حبى انا]

عندك حق والله
انا اصلا عمرى مافكرت خالص ولا جه فى بالى اى انتخابات من اى نوع
وحقيقى احساس مالوش وصف والله

[الرومنسى]

اناقلت نعم
نعم
نعم

[اسامة22]

وانا قولت انها بهية في عصر كلة حرية
يابختكم والله انا فرحان من الوصف اللي بتوصفوة
عمااااااااااااااار يامصر بولادك
اين كان نعم ام لا
اليوم كان ميلاد الحرية والديمقراطية
اليوم حسيت وفرحت بالوصف ودا اليوم اللي كنت بحلم بية
ان البني ادم المصري يبقي لة كرامة وعزة نفس ولة تاثير وصوتة قيمة كبيرة حسيتها من كلامك
ياخلود ويااميرة
الي الامام يابلدي
الي التقدم بولادك الطيبيين

[اميرة حبى انا]

مش مهم نعم او لأ
المهم جه يوم وفكرنا وقررنا نشارك بجد
مبروك علينا مصر الجديدة