بصوا ياجماعة انا طلبت واحدة معرفة ساكنة هناك وسألتها عن اللي حصل
والله علي مااقول شهيد علي ان ده نص المكالمة

طلبت المعرفة وسألتها عن حقيقة اللي حصل وبالمناسبة هي مسيحية

قالت الاتي

ان مجموعة عن الخارجين عن القانون ومتسترين بالاسلام والاسلام منهم بريء
دخلوا اطفيح بمجموعة بلوزرات غير معروف ملتهم او دينهم ولا مين وراهم
قاموا بهدم احدي الكنائس ببلدوزر ودخول الكنيسة الاخري المقابلة في الجهة الاخري للكنيسة المهدومة

وقاموا تكسير كل شيء وسرقة جميع محتويات الكنيسة وظلوا فيها ورفعوا يافطة مكتوب عليها مسجد الرحمن

وفي نفس الوقت مجموعة اخري من البلطجية دخلوا بيوت سواء مسلمين او مسيحين
وقاموا بخطف السيدات والبنات واللي يعترض مصيره القتل ثم حرق المنزل

قاموا المسلمين خبوا المسيحين في بيوتهم ولكنهم اكتشفوا ان البلطجية لا بيفرقوا بين مسيحي او مسلم

استباحوا اعراض الطرفين وسرقوهم وحرقوا منازلهم وعليه 7الاف اسرة مشردة بلا منزل مسيحين ومسلمين
وده اللي حصل في اطفيح بشاهد عيان

يقوم الاعلام المصري وخاصة قناة النيل للأخبار تقول ان سبب الخلاف علاقة هو اغتصاب ولد لبنت
مختلفين في الاديان وعليه احد الاطراف حرق الكنيسة

ويكتب الاخبار النهاردة ان سبب علاقة بين الولد والبنت ويصور للناس كلها ان في فتنة في مصر

للأسف الاعلام بدل ماينشر الحقيقة كالعادة ساهم في انتشار الفتنة

تقريبا مفيش رقابة علي تلفزيون او علي الصحف في المواضيع الحساسة اللي تمس البلد او قطبي الامة

وكأن مصر ناقصة

ايه رأيكم ياجماعة لابد من تدخل الشرطة واخلاء الكنيسة وتسليمها للاقباط حتي لا نشعل الفتنة
كما قال رسولنا(الفتنة نائمة لعن الله من ايقظها)

بدل مانجمع علشان بلدنا بيفرقونا والغرض زيادة المبيعات للجرايد ولفت الانظار لمحطة قناة النيل للأخبار حتي لو بأخبار كاذبة
وعلي فكرة النيل للأخبار الوحيدة اللي قالت انه حصل اغتصاب