-- لو عاوز تموت من الضحك ادخل هنا جديد وقديم وحصرى
واحد شغال فى فرز اللجان الإنتخابية…فواحد صاحبه بيسأله : بقى معقول بتلحقوا تفرزوا الأصوات دى كلها وتطلعوا النتيجة بعدها بساعتين ثلاثة.
قال له : ولا بنفرز ولا حاجة…احنا عندنا تعليمات واضحة من اللجنة العليا…. بنرمى الورقة بتاعة الناخب فى الهوا…لو نزلت على وشها يبقى وطني، ولو نزلت على ضهرها يبقى وطنى…
قاله: الله. طب والمعارضة ها تكسب إزاي.
قال له: لو الورقة نزلت على سيفها.
…………
واحد بلدياتنا نجح في انتخابات المجلس ، وفي أول جلسة قاعد جنب واحد فئات، فعزم عليه بسيجارة مارلبورو فأخذها. وبعد شويه سأله إيه رأيك في الديمقراطية ياحاج؟؟..فرد عليه : والله أنا أول مرة أذوقها، بس تعرف يا بيه.. برضه ما فيش أحسن من الكيلوباترا.
…….
زار احد النواب من الوزراء العرب صديقه الوزير البريطاني فاستضافه على الغذاء عندما وصل بيته وجد أن البيت أحد القصور الفارهة في بريطانيا و له حدائق شاسعه وتشطيباته من أفخم المواد فقال له: كيف بنيت هذا القصر الفخم ؟
ضحك الوزير البريطاني وقال لصديقه و هو يتجه الى النافذه و يفتحها تعال هنا ياعزيزي أنظر ..هناااااااااك أترى ذلك الكوبري ؟
فقال وزيرنا العربي نعم قال له انه كلف 100 مليون أسترليني و نفذناه بـ 90مليون بس ضحك صاحبنا الوزير العربي و قال له دا شئ عظيم
دارت الأيام وقام الوزير البريطاني بزيارة صديقه الوزير العربي فوجده يعيش في قصر أفخم من قصره و أكبر وأشيك بكتيير فأنبهر الوزير البريطاني وسأله كيف بنيت القصر هذا ضحك الوزير العربي
وقام واتجه الى النافذه وقال له تعال شايف المتحف اللى هناك ده الوزير البريطاني : لا ما فيش متحف
فقال له الوزير العربي : أهو ده اتكلف 100 مليون دولار
………..
في اجتماع لجنة الشئون الخارجية بمجلس الشعب مع وفد أمريكي، صادف جلسة النائب بجوار نائبة أمريكية. فسألها بالعربية: اسمك إيه يا مدام؟ ردت عليه – وقد صادف أنها تجيد العربية-: فيكتوريا براون، ثم سألته: what is yours? .قال لها: مرسيدس سوداء.
………
في اجتماع الهيئة البرلمانية للحزب، سأل رئيس الجلسة أحد النواب: تفتكر لو المسلمين حاربوا اليهود مين ها يكسب. قال له: المسلمين طبعاً. فسأل نائباً آخر:تفتكر ماتش الأهلي والزمالك مين اللي ها يكسب؟ قال له: الزمالك طبعاً. فقال لنائب ثالث: وأنت إيه رأيك يا سيادة النائب. قال له: المسألة واضحة يا ريس… المسلمين والزمالك ها يلعبوا في النهائي.
………….
دخل المرشح المسجد ليقدم دعايته الانتخابية، قدموه للصلاة، فصلى بهم لأول مرة في حياته… بعد انتهاء الصلاة… قالوا له من باب النفاق: الله يفتح عليك.. صلاة كلها تقوى وخشوع… قال لهم وقد صدق نفسه: هو انتو لسه شوفتوا حاجة… كل ده وأنا مش متوضي.
…………….
سأل مواطن شيخاً من إياهم بعد إعلان نتيجة الانتخابات وفوز مرشح الحزب: هل يجوز شرعًا تزوير الانتخابات؟ فأجاب: نعم يجوز بشرط إطعام ستين ناخباً شهرين متعاقبين.
…………..
واحد وطني قاعد قدام باب بيته، مر عليه أحد المرشحين من الإخوان في جولة انتخابية، وسأله: حضرتك من أهل البيت يا حاج؟ قاله: لأ يا سيدي…. أنا من كفار قريش!
صعيدى رشح نفسه فى الانتخابات كتب تحت صورته
و عسى ان تكرهوا شئ و هو خير لكم
****************************************** ************************ ****
صعيدى رجع من الشغل لقى مراته مطبختش فزعل و دخل نام
فحبت تصالحه قالت له اعمل لك مساج؟؟ قال لها عليا الطلاق لو عملتيه لارميه بحلته فى الشارع
****************************************** ************************ ****
تاجر مخدرات راح يخطب واحدة
فأبوها بيسأله انت بتشتغل ايه؟
قال له فنى تكييف
****************************************** ************************ ****
واحد بيقول لصاحبه الرجاله هيعطوهم ستات قشطة فى الجنة
قال له و الستات بتوعنا هيروحوا فين؟
قال له هيعذبوا بهم الكفار
****************************************** ************************ ****
تفتكر ليه لبان كوكو واوا مبقاش موجود فى السوق؟
عشان كوكو خف
****************************************** ************************ ****
واحد مصرى اتجوز واحدة صينية باسها بوستين و باظت
****************************************** ************************ ****
صعيدى دعى ربنا 15 سنة يرزقه بولد
نزل ملك من السما قال له ابوس ايد امك اتجوز
****************************************** ************************ ****
واحد بيقول لحبيبته يمكن مكونش غنى و لا عندى فلوس ولا فيلا و لا عربية
زى محسن صاحبى بس بحبك فحضنته و دمعت و قالت له لو بتحبنى بجد عرفنى على محسن
****************************************** ************************ ****
مذيع بيسأل صعيدى: أحمد زويل اخد جايزة نوبل فى ايه؟؟
قال له فى علبة قطيفة حمرا
************************ ****
محشش يتأمل
هو ليه فى سندباد و مفيش هندباد؟
مع ان فى جوز هند بس مفيش جوز سند!
و ليه فى شهرزاد و مفيش اسبوع زاد او نقص؟؟
و ليه فى باكستانى و مفيش باكستالت ولا رابع؟؟
**********************
محشش عنده 85 سنة راح مكتب تأمين على الحياة الموظف قال له انت سنك كبير مينفعش تأمن على حياتك قال له ليه ده ابويا كان هنا امبارح و عمل تأمين تعجب الموظف و قال له تعالى بكرة نشوف لك حل
قال له بكرة مشغول عندى فرح جدى, سأله الموظف انت جدك عايش وعايز يتجوز؟؟
قال له الصراحة مكنش عايز بس ابوه و امه ضاغطين عليه
*********************
ندل انقذ شخص كان بيتحرق
كرموه و سألوه ايه سبب شجاعتك؟
قال لهم انقذته لسببين
الاول: علشان ميموتش شهيد
الثانى: علشان يعيش بقية حياته مشوه
**********************
ظابط قبض على طفل بيشم
قال له الشمام الصغير اسمه ايه؟؟
قال له كنتالوب يا باشا
**********************
صعيدى شغال سواق تاكسى فى الصين
كل ما حد يشاورله يقول له : ابو شكلك انا لسة موصلك
**********************
واحد بيقول لصاحبه بتحب ابوك ولا اللحمة؟؟
قال له انت عبيط دى الشوربة بس برقبته
**********************
عصفور صدمته عربية و اغمى عليه
صاحب العربية وقف و اخده البيت و حطه فى قفص
صحى العصفور لقى نفسه فى القفص مسجون قال معقوله يكون الراجل مات !!
**********************
واد فرفور ابوه جاب له شريط اسلامى يمكن ينصلح حاله رجع البيت لقاه محجب
**********************
صعيدى طلب يتعين فى مجلس الشعب
قالوا له انت اهبل !
قال لهم يعنى لازم الشرط ده؟؟
**********************
بخيل جاله ضيوف قال لمراته بفكر ادبح البغبغان و نعمل شوربة و فته و نشوى الضلوع ع الفحم و الجناح نعمله هواية و نعمل لحمة راس من المخ و نقلى الكبد و القوانص
رد البغبغان : ما تحلبنى بالمرة عشان تعمل رز بلبن يا روح امك
**********************
صينى عايز يشترى 10 علب كوكاكولا
دخل محل بقالة صعيدى قال له : ين شين شانج كوكاكولا
الصعيدى قال له بتقول 10 علب ايه؟
**********************
صعيدى بيقول للتانى: بيجولوا البابا شنوده وجع فى البانيو رجله اتكسرت
التانى قال له : ايه البانيو ده؟؟
قال له : و انا ايش عرفنى هوا انا مسيحى؟
**********************
سألوا صعيدى ايه اخبار الصيام؟
رد و قال و الله لولا الوضوء كنا متنا من العطش
**********************
صعيدى عايز يشنق نفسه من رجليه سألوه ليه؟
قال جربت من رقبتى كنت هموت
**********************
تلاتة مساطيل وقفوا تاكسى السواق عرف انهم مساطيل راح مشغل العربية و بطلها و قال لهم وصلنا
الاول دفع الاجرة, و التانى قال له شكرا , و التالت ضربه على قفاه و قاله متبقاش تجرى بسرعة مرة تانية
**********************
واحد واقف ادام الكعبة بيدعى يارب سامحنى على كل كلمة قلتها على الصعايدة
فواحد صعيدى وراه قال له هى القبلة ازاى؟
قال له شفت يارب هما اللى بينكشونى
**********************
سألوا الرئيس مبارك عن رأيه فى التغيير
قال: التغيير ده سنة الحياة
قالوا: طب و سيادتك مش هتتغير؟؟
قال: انا فرض مش سنة
**********************
محشش قالوا له التدخين يؤدى الى الموت البطئ
قال لهم انا اساسا مش مستعجل
**********************
ديك بيقول لفرخة انتى كل يوم تبيضى و عمرك ما كلتى بيض, قالت له ما انت كل يوم بتدن و عمرك ما ركعتها
**********************
محشش بيقول لصيدلى عندك شريط للبرد؟
قاله اه
قاله شغله خلينا نسمع
**********************
مجانين شغل لهم الدكتور اغنية
قاموا كلهم يرقصوا الا واحد
الدكتور فرح و سأله انت ليه مش بترقص معاهم؟
قال له اصل انا العروسة
**********************
محشش فى امتحان تعبير و مطلوب 10 صفحات
فكتب فى اول صفحة " ركب الراجل الحصان" و فى اخر صفحة "نزل الراجل من على الحصان"
و بينهم " درجن درجن درجن"
**********************
بخيل عمل شوربة لحمة سألوه فين اللحمة؟
قال لهم : يعنى هوا شاى العروسة فيه عروسة؟
**********************
واحد محشش اتصل بالبوليس و قاله: هوا الواحد ان مكنش يسأل عليكوا متسألوش انتو؟
**********************
واحد صعيدى مثقف اوى بعت رساله لاخوه بيقول له:
Open happy wrote his book on in in Friday
يقصد:
فتحى سعيد كتب كتابه على فيفى جمعه
**********************
حرامى بيقول لامه الدنيا معدش فيها اخلاص
بسرق محفظة ابويا لقيت محفظتى معاه
**********************
محشش وقفوه فى كمين سألوه مش رابط الحزام ليه؟
رد انا اصلا مش لابس البنطلون
**********************
افريقى و ابنه من اكلة لحوم البشر خرجوا يشوفوا شغلهم فاصطادوا هيفاء وهبى
الولد قال لابوه نوديها البيت و ناكلها
قال له لا نوديها البيت و ناكل امك
**********************
واحد بينسى جدا راح للدكتور قال له لو عايز تخف روح الحج يمكن ربنا يشفيك
راح الراجل حج, و هوا راجع قعد يفكر نفسه بالمناسك
طواف و طوفنا, سعى و سعينا, و على عرفه وقفنا
ناسى ايه يا بطرس
ناسى ايه يا بطرس !!
**********************
مسطول ضرب ظابط و موته و اتصل ب 122 و قال لهم احب ابلغكم انكم بقيتو 121
**********************
واحد سأل شيخ لو شفت اسد و انا بصلى اكمل الصلاة؟
قال له لو لسة على وضوءك كمل
**********************
راجل قام من النوم على صوت زعيق سأل الجيران فى ايه؟ قالوا له تصدق المياه مسممة
مراته صحيت سألته فى ايه؟
قال لها : المياه هتقطع اشربى و نامى
**********************
صعيدى قاعد على الشط شاف واحد بيغرق
كل ما يرفع ايده
يقول له و عليكم السلام و رحمة الله
**********************
سألوا مصرى ليه المصريين بيحلفوا كتير؟
قال: طب و الله العظيم دى اشاعة
قسما بالله ده افترى
و المصحف ما صحيح
و عهد الله ده ظلم
و ربنا احنا مش كدة
**********************
صعيدى مش عايز يرد على صاحبه بعتله رساله
انا ناسى الموبيل فى البيت
**********************
صعيدى المضيفة بتسأله: اجيب لك عشا كامل؟
قال لها: ليه هوا كامل مش هيتعشى؟؟
**********************
صرصار بيجرى ورا عربية المجارى سألوه ليه؟
قال لهم ابن الكلب شفط المدام
**********************
واحدة بتقول لشيخ انا بصلى و محجبة و بقرأ قرءان
قال لها ده مفتاح الجنة
واحدة تانية بتقوله انا بحب البس شورتات و مايوهات
قال لها و ده مفتاح الشقة
**********************
واحد فاز بمليون جنيه راح يقول لمراته فماتت من الفرحة قال سبحان الله الخير لما بييجى بييجى كله مرة واحدة
**********************
صعيدى سرق مليون جنيه خدهم و شالهم فى حفرة و كتب "مفيش فلوس هنا"
راح حمدان ابن عمه خدهم و كتب " حمدان مخدش حاجة"
**********************
صعيدى مسكوه مع شبكة ارهابية قالوا له ايه اخر عملية عملتها؟ قال البواسير
**********************
غبي بيشنقوه شاورلهم بايده
نزلوه و سألوه فى ايه؟
قال لهم كنت هموت يا جزم
**********************
واحدة وحشة اوى داخلة الحمام فبتقول " اعوذ بالله من الخبث و الخبائث"
فالشيطان قال لها من غير ما تقولى انا كدة كدة طالع
**********************
واحد مصرى قاعد يصلى سمع اتنين بيشكروا اوى فى صلاته و ايمانه
قطع صلاته و قال لهم لا و صايم كمان
**********************
بلادينا بيقول لبلادينا" انا تعبان من الروماتيزم"
رد عليه و قال له " وانا جرجاوى من فرشوط "
المفضلات