لو غبت عنى يا قمر مش هاشتكى للناس
لو غبت عنى يا قمر مليون سنة مش هاشتكى للناس
وازاى اشتكى منك واشكى لمين عن لوعة الاحساس
يكفينى اعيش بحسرتى ف بُعدَك ، وانا بُعدَك بيكوينى
ونار القلب تقتلنى ياطول ليلى وأيامى وحرارة الأنفاس
انا اشتكيتك ليك وروحى تهيم حواليك حتى وانت بعيد
والحزن فى لياليك بيكوينى ،يخلينى ،انسى يوم العيد
والتمس لمحة انت تبعتها ولو كلمة ولو نسمة بلا بسمة
بأحزنى انا وحدى .. يسلينى ان انت فى بعادى سعيد
واشوف ضحكتك ويا النجوم فرحان ، وأنا ولهان ، وانا ندمان
اقول فرح الحبيب فرحى وانا اتحمل نيران جرحى والاحزان
واعيش اجتر لحظة فرح عشتها فى هواك وانا وياك لوحدينا
وكل ذكرى ستارة نار ترجعنى لاحزانها قبل الزمان بزمان
مش طالب الرضى منك ولا هاحلم انا بلحظة اعيشها تانى معاك
انا عارف ان احزانى ملازمانى ولا يمكن هتنسانى .. وافوز بهواك
دا انا كل املى فى قربك اكون جنبك ..ياعشق عمر قلبى الحزين
ومش طالب تنور لى انا وحدى ولا تحس بلهفتى ولا اتمنى لقاك
بأحزانى انا هاحيا .. وانت بس طمننى .. ولو طلة من بعيد ع الكون
جفانى النوم وقلبى عليل لفقد خليل لكن باتمنى لك انك انت تكون
تعيش افراحى وافراحك وانا ابادلها بأحزانى واشيل همى مع همك
فاضل لى ساعات ف دنيايا اعيشها بلا قلبى وهبته لك ..وانا ممنون
ويكفينى اشوف انا نورك بيملا الكون فرح وسكون
وانا جوايا بركانى يفجرنى ويملانى بالهموم وجنون
مش طالبك تكون لى انا وحدى يا قمر وانا انسان
لكن لما تختفى عنى بتحرمنى من حتى انى أكون
وموافق انك انت تكون .. ولو تحرمنى ... من حتى انى اكون
رد مع اقتباس
رد: لو غبت عنى يا قمر مش هاشتكى للناس
المفضلات