:doh:
مبدئيا
رسالة من احد عشاق هـذا الكيان
وهتعرفوه فى الاخر ..
بيكتب موضوع ودموع مليه
عينيه من الفرحه



مبروك لكل شباب وصبايا مصـر
على صناعة تاريخ مصرى جديد

مبروك على تنحى الظلم عننا
تنحى نظام الفساد والاستعباد

الرئيس المخلوع تنحى
بحق كلمة لا اله الا الله
خارجه من كل مصرى شريف

الرئيس تنحى
بحق صرخة ام شهيد بتنادى
فين حق ابنى ..؟!

الرئيس تنحى
بحق صرخة اب على
ابنه المعتقل ظلم وبهتان

الرئيس تنحى
بحق الضمير اللى صحى فى
شباب اجمل بلد فى العالم

الرئيس تنحى
لاننا شربنا من كأس الذل كتير اوى
واحنا لا نستحق ابدا لاننا شعب بطبعه طيب

.
.

ذكرت مسبقا اننى لا اريد ان اكون قيصرا على احد
لا اريد ان افرض رأيى على احد .. فأنا سعيد بحبى لكم والعكس

ذكرت مسبقا اننا نعيش فى ظلم بين واضح
اننا نعيش فى واقع مرير مرارة العلقم

ذكرت وبينت الفساد انا وكل اصحابى اللى هنا
الغيورين على بلادهم ووضحنا مفاسد هـذا النظام
صاحب العصا الامنيه اللى اطاحت بالامل من حياتنا

كنت دائما " المغضوب عليهم من قبل الاداره "
ولكنى كنت اصـر على توضيح مقاصدى العفويه البرئيه
لكل واحد هنـا مغيب للاسف من اعلام ضال ومضـل



كنت دائما اصرخ واقول
احنا منهوبين والله منهوبين
وكانت الناس مش كلها طبعا
تقولى انت
صاحب اجندات
او
انتماءات
زى ما حصل مع شباب الثوره اليومين دول
اللى طالتهم ايادى الناعقين بالظلم والبهتان


اتهمت مره انى علمانى
و
مره اخرى انى اخوانى
" ولى الشرف "
طبعا لكنى مش منهم
و
مره اخرى انى شيوعى
والله بجد

ومره اتهمونى انى موالى لحزب الله
وحماس و و و و .. الخ


اتهمونى اتهامات غريبه وعجيبه ومريبه
مش حد بعينه فى القهوه
لا كانت اعضاء بالقهوه
منهم المختفى والمنفى والموجود

اتهمونى بكل شئ
وانى بسعى لتحقيق
فكر فئه معينه
وانى منتمى الى فكر معين
بل وانى منساق وراء افكار مغلوطه

اتهمونى انى مش بحب بلادى مره
وانى مش غيور عليها

لكن عمر ما حد قال مره
انى مصرى وعايز اعيش فى

عيش .. حريه .. عدالة .. اجتماعيه

.
.

كل كلامى كان كلام عفوى برئ
انى نفسى اشوف بلادى احلى بلاد فى الدنيا
لانى فعلا بموت فى تراب البلد دى
لانى لما وعيت على الدنيا
ملقتش غيرها


واللى محدش يعرفه
انى عانيت شخصيـا من بطش النظام السابق
ليس باعتقال والحمد لله ولكن بوادر اعتقال
لانى فى يوم من الايام جالى

استدعاء امنى
والامور عدت بسلام .. لما بينت للضابط
انى سطحى وسازج
ومليش غير فى ابو تريكه وجدو


انا فى ناس مقربين ليا
كانوا معتقلين لمجرد انهم طالبوا بحقوقهم
مش لكونهم اصحاب انتماءات هتطيح بنظام الحكم ولا حاجه
لا .. كانو مسالمين راضيين بما قسمه الله لهم
زيهم زى بقيت الشعب اللى ابسط طموحاته
كان الستر بســ

.
.

ممكن اكون غلط فى تعبيرى عن ماهو بداخلى
ممكن اكون فعلا اساءت فى توضيح و انى ابين اى من
المساوئ اللى كانت على مرى ومسمع من الجميع

لكن كانت هناك اجراءات تعسفيه
سواء قولا وفعلا من الاعضاء او الاداره
وكنت ومازلت اتقبل كل شئ بحب

لانهم بيعملوا كده
بدافع من حبهم لبلادهم برده
لكن كل له وجهة نظره

ولكن كنت بشعر فعلا ان
ثورة الجياع قربت
وان الشعب المصرى العظيم
شعب عظيم اوى اوى
شعب ملئ بالفكره المبتكره ..
وكنت على علم من كدا
صحيح اليأس تملك منى
بس الامر كان بيرجعلى تانى


الثوره اللى حصلت دى
هى نتاج ومجهود لشباب
شباب اتكلم وعبر ومش خاف
اتكلم وقال اما عن طريق

جهاد النفس
او
جهاد الكلمه


ضحى من اجل بلاده
فيهم اللى مات شهيد
واللى اعتقل .. واللى انطرد بره بلاده
واللى اتغرب بره بلاده برده

كلنا خالد سعيد ..
محدش ينسى شرارة الثوره
واللى معظم الناس صدقت الاعلام الحكومى
انه فعلا شريحة مخدرات قتلته
بس هو مات علشان احنا نعيش

......

كلنا سمية اشرف ..
اللى تم الاعتداء عليها بالضرب
من قبل شخص عقيم الفكر
بليد المشاعر من اذناب النظام السابق

.....

كلنا خيرت الشاطر واعوانه ..
الرجل المهندس المدنى
واللى اتحكم عليه بمحاكمه عسكريه
من قبل الرئيس المخلوع " السابق "

....

كلنا كل شهيد ...
مات علشان احنا نعيش
مات علشان بلده تعيش
مات علشان يشترى بدماءه الحريه لينا
مات علشان اولاد وطنه يعيشوه معنى الكرامه
....
البقاء لله ..
وانا فخور بكل شهيد مصرى
ابتداء من زميلى فى دفعتى اللى استشهد
فى المنصوره .. علشان المنصوره تشوف النور
علشان مصر تشوف النور


....
مبروك على النصر العظيم
الحمد لله الحمد لله الحمد لله
على نجاح ثورة شعبيه شرعيه
سيذكرها التاريخ بحروف من ذهب
وسيسحق التاريخ قسوة على كل منتقديها
" المنتفعين "
وفعــــــــــلا
".. الساكت عن الحق شيطان اخرسـ .."

..
فضلا وليس امرا من
الاداره ترك الموضوع
تواصلا مع الناس بمناسبة نصر
عظيم كنت متهم فيه انى صاحب اجنده
علشان نفسى يتحقق وعملت من اجله كتير
قولا وفعلا .. ورب الكعبه

دمتم فى رعاية الله
اخيكم : كودى
" المنفى"