عايزة رأيكم كلكم

[اميرة حبى انا]

السلام عليكم ورحمة الله وبركاته
اعيش حالة لخبطة مما اسمع وأرى
مما كنت اعرف ومما اصبحت اعرف
مما كنت مقتنعة به ومما اصبحت مقتنعه به ومما اريد ان اقتنع به
معلش سامحونى كلمتين بفضفض بيهم معاكوا
المهم
عندى احساس انى عايزة اهرب من اللخبطة
ونرجع بقى زى ما كنا بمواضيع امل ومعلومات وفائدة ومسابقات
متنسوش ان فى مسابقة محتاجين نكملها
اريد رأيكم جميعا من فضلكم

[stylooo]

الموضوع جد خطير
و الحياة لابد أن تسير فلا توقف
لها بموت أو ولادة
أيان كان
و على هذا فمن وجهة نظرى
لابد أن ننظر لما بين السطور
فهو الأعمق و لنبتعد عن القشور و هو ما تبغاه الدولة
أن نعيشه
و أدعوكم جميعا
النزول للشارع لمشاركة تلك الثورة المباركة
و الاحتكاك بالشباب
لكى تحكموا بأنفسكم و ابتعدوا عن الاعلام المصرى الفاسد المروج للشائعات
لا أطلب منكم التظاهر

و لكن لتعلموا أولادكم الإرادة و الحرية و العزة و الكرامة

[ابو اسامه]

سيدتى : أميرة المنتدى .. أسمعى سيدتى وعى كل كلمة . لا ترهقى نفسك فى أمور الحقيقة واضحة فيها أنتى تعلمين سيدتى أننا نعيش حالة تخبط فى المعلومات . ولكننا متعلمين وندرك ما يضرنا وما ينفعنا . يكفى على هذا النظام الفاسد اننا من أوائل الدول التى تتمتع بالفشل الكلوى وأمراض الكبد عافاكم الله . التلوث البيئى . وكل أنشغالنا بتنظيم الأسرة .
أنا موظف من حوالى 19 سنه ومعى 5 أولاد ومرتبى 430 جنيه . معى طالب أكبرهم ( اسامه ) فى كلية آثار يأخذ فى الشهر 500 جنيه سكن ومصاريف غير اللى بياخدوا من خاله بيبعتلوا من قطر كماله للمصاريف .
ماذا أفعل .. فتحت مكتبه لتصوير المستندات كل شويه تاجى الضرايب والتراخيص ورسوم محلية والتأمينات . يعنى عاوز أقفل المكتبه .. وناس عندها مليارات .. يعنى هم بيفهموا عننا ومفتحين .. لأ الوضع غير كده .. أحنا ناس بناكل بالحلال .. هم مش فارقه معاهم .. طيب نعمل أيه .
الرئيس بتاعنا كويس جدا وراجل مخضرم بس سايب ناس بينهشوا فى قوت الناس . يبقى مسؤل زيهم . أقسم بالله عندنا فى الريف فى الفيوم تلاقى ست أرمله مسنه هى وجوزها عدوا ال 70 سنه وملهمشى أى دخل نهائى غير معاش السادات 90 جنيه يعنى 3 جنيه فى اليوم . يرضى ربنا . فيه بنت جات عندى المكتبه عندها 20 سنه وعاوزة تكتب شكوى علشان الشئون الاجتماعيه شالت ال 50 جنيه الاعانه اللى كانت بتاخدها والبنت دى واخده جلطتين عملوا ليها شلل بالزراع الايمن والرجل اليمنى والعين اليمنى عافاكم الله . ومفيش ليها اى دخل والدها متوفى وامها مسنه بتبيع بعض الحلوى أمام المعهد الدينى فى الشارع .
وأكل الناس البهوات بياجى طازه بالطياره . اللى بيفيض على موائدهم ثمنه يكفى للمصاريف على 1000 أسرة من عينه البنت دى .. حرام والله حرام .. أقسم بالله أمثال البنت دى سوف يعلقوا برقبة النظام يوم القيامه .. وحاجات كتير بس بلاش كفايه علشان ميحصلشى لينا أكتئاب . سيدتى أحنا عاملين حصر سكانى دقيق . وأقسم بالله آلآف الأسر من شاكلة البنت دى . عايشين ب 50 جنيه فى الشهر . وأتوقفت ومش معاهم يجروا وراء الورق ويرجعوها تانى .
حسبنا الله ونعم الوكيل ... شكرا سيدتى ... ابو اسامه ...

[خلود]

قلبى معاهم جميعا ياابو اسامه

البلد شافت قهر واستبداد وفساد ورشاوى كتير

واهى الحمد لله بفضل شبابنا هتكون احسن ان شاء الله

والغلط يتصلح ونرجع نعمرها تانى

ولكن اظن ما تطلبه منا الاخت الغاليه اميره اننا نرجع بمنتدانا الى ما كنا له قبل احداث 25 يناير لكى نخرج من هذه الحاله التى مرت بنا والظروف القاسيه التى عانينا منها جميعا من خوف وقلق وسلب ونهب
ما تطلبه منا اميره ان نعود الى مواضيعنا ومناقشاتنا فى مختلف المواضيع
وان تستعيد مسابقه المنتدى نشاطها مره اخرى وانا اؤيدك يااميره فى ان نحاول ان نواصل نشاطنا فى كل الاقسام وانا اعلم تمام العلم ان الكل زهقان وملوش نفس يعمل اى حاجه فى اى حته بس احنا رجعنا اشغالنا والحياه مستمره وهتستمر

[اسامة22]

وانا اؤيد راي خلود
لابد ان الحياة تسير وان نستمر في جميع مجالاتنا كي نحقق مانريد ولانقف
عند شئ معين ان ماحدث من ثورة فخر لك مصري وثورة جاءت بعد ياس من كل شئ
دعونا نرجع زي الاول نواكب الاحداث الحلوة والاشياء المضيئة ونفخر باننا مصريون
ونعمل في جميع اقسام المنتدي
والله ولي التوفيق