انا هتجنن خلاص ما بقيت فاهمة اي حاجة
وعايزه حد يفهمني لاني خلاص
حاسه بغباء سياسي فعلا ومش عارفة اصدق مين بالضبط
اصدق المتظاهرين ولا الحكومة ولا الفضائيات ولا التلفزيون المصري
خلاص مش بقيت عارفة مين عايز ايه
مش المتظاهرين قالوا عايزين جمال يستقيل
طيب خلاص جمال وصفوت الشريف استقالوا من الحزب
يعني ضمنوا ان جمال مش هيقدر يرشح نفسه
وللآن كل الـ المتظاهرين بيطلبوا بيتحقق الا مطلب واحد وهو رحيل مبارك
طيب لو مبارلاك مشي بكرا يبقي الدستور مش هيتعدل
لان هما بيطلبوا بحكومة انتقالية وغيروا
طب ازاي وهما رافضين عمر سليمان كمان
والمتظاهرين في التحرير هما في اعتصام وتظاهر ولا في رحلة لدريم بارك
امبارح عود واغاني والدنيا فل معاهم وفي الباقي الناس بتموت في بعضها
والنهاردة نا واقفة بمكبر صوت من المتظاهرين وعايزين يعملوا روابط
رابطة فانني الثورة واعلامي الثورة وكذا وكذا
هو في ايه بالضبط
الثورة الشبابية اتحولت لعبث عن طريق البعض
وكل حاجة بتيجي في بالهم بينفذوها
وبيركبوا الموجه ويطلعوا علي اكتاف ثورة الشباب
اعتقد الـ في التحرير متظاهرين عشان الرحيل مش عشان روابط وكلام فارغ
وده اكبر دليل انهم مسيارين مش مخيارين وبينفذوا كلام وخلاص بدون تفكير
ليه عايزين يضيعوا تعبهم ودم الشهداء والمصابين من اول يوم في الثورة
هتقولوا مفيش ضمان ان كلام مبارك والحكومة يتنفذ
ولو مشينا من التحرير هنعتقل واهلنا هيتشردوا وهيحصل ويحصل
ولو فضلتوا في التحرير والله الناس هتسرق بعض عشان مفيش شغل
وكل عايز يأكل ولاده واهله ويعالجهم والمصالح كملها متعطلة
وكله خايف ينزل ويروح شغله من اصحاب المحلات
طيب ايه ذنب العمالة المأجورة باليومية مش معاهم ولا قرش الأن كده خلاص فرحانين كده لما نسرق بعض عشان نأكل
ونقتل بعض عشان رغيف عيش
ياجماعة احنا قدرنا نغير 30 سنة من الفساد والظلم في 10 ايام
لو لقدر الله حصل حاجة هنقدر نتكلم ونخرج ثاني لاننا خلاص طردنا الجبن والخوف من داخلنا
زمان الشعب الـ كان بيضيع حاليا مصر هي الـ هتضيع مننا
لاننا بنسمح لقوى خاجية تلعب بشاببنا وبعقولنا
زي ايران وامريكا واسرائيل
ياجماعة فوقوا الله يكرمكم مصر اهم حاليا من اي حاجة
انا بجد مش بقيت قادرة افهم وحاسه ان كل حاجة بضيع
والـ في التحرير مفروض يعملوا استفتاء مابينهم ويطعوا منهم مجموعة تتكلم عنهم وتتفاوض مع الحكومة
انما كده هما في وادي والحكومة في وادي ثاني
خلاص الاقتصاد ادمر ومحتاج سنين يرجع ثاني واحنا الـ هندفع الثمن
والشعب ادمر بافساد والظلم
وحاليا التدمير هيوصل لمصر
يا مصريين فوقوا وبصوا لمصر مصر وبس
يارب احمي مصر