استقالة "مفاجئة" لمدير أكاديمية المعلمين.. و"بدر" يقبلها

[stylooo]

علم "اليوم السابع" أن الدكتور أحمد زينهم أبو حجاج، مدير الأكاديمية المهنية للمعلمين، التابعة لوزارة التربية والتعليم والمسئولة عن كادر المعلمين، تقدم للدكتور أحمد زكى بدر، وزير التربية والتعليم، باستقالة مفاجئة من منصبه.

وقالت مصادر مطلعة بوزارة التربية والتعليم لـ"اليوم السابع"، إن "بدر" وافق على قبول استقالة "زينهم"، ووصفت المصادر استقالة مدير الأكاديمية بأنها جاءت فى توقيت حساس لأنها تسبق انتهاء إجراءات تعيين المعلمين المساعدين الذين نجحوا فى امتحان نوفمبر 2009، وعددهم 63 ألفاً من المقرر أن تعيٍّن الوزارة 43 ألفاً منهم خلال أيام بحسب تأكيدات الوزير.

وأوضحت المصادر أن "زينهم" تقدم باستقالته وانتظر موافقة "بدر" ثم حصل عليها بالفعل وتوجه إلى مقر الأكاديمية المهنية للمعلمين، بمدينة مبارك التعليمية بـ6 أكتوبر، لإخلاء مكتبه، وأضافت أن "بدر" أصر على كتابة جملة "بناءً على طلبه" على ورقة الاستقالة.

ويعد "زينهم"، الذى يعمل فى الأصل أستاذاً للمناهج وطرق التدريس بكلية التربية بجامعة كفر الشيخ، هو ثانى مسئول يستقيل من منصب مدير أكاديمية المعلمين، إذ سبقه د. محمود عابدين، أول مدير للأكاديمية، والذى استقال فى أغسطس الماضى ليصدر "بدر" فى 29/ 8/ 2010 قراراً بتسمية زينهم فى نفس المنصب قبل أن يرحل الأخير بنفس الطريقة.

[اميرة حبى انا]

انا عايزة حد يقولى
هو بيعمل كده لييييييييييييه

[lionking]

شكرا ستايلو على متابعة حبيب الشعب ( زكى بدر )

منه لله وحسبى الله ونعم الوكيل فيه

بالنسبة يا اميرة لسؤالك :: هو بيعمل كده لييييييييه ؟؟؟؟

محدش عارف يا امى والله........... بس تحسى انه جاى يخرب الدنيا والله اعلم طبعا هيمشى ولا هيقضى علينا الاول



فى اوروبا والدول المتقدمة الوزير فى حالة زى حالة زكى بدر مرفوع عليه كميه هائلة من القضايا ومحكوم فيها لصالح الاطراف الاخرى علطول بيستقيل

بناءا على رغبة الشعب

بس احنا هنا ابداااااااااااااااااااااااااااااااااا قاعد على قلوبنا لحد ما يموتناااااااا

[خلود]

انا حابه بس اوصف لكم حاجه شوفتها امبارح وانا راجعه من شغلى لان انا الوزاره بتاعتنا جمب وزاره التربيه والتعليم مباشره وهو ان حوالين الوزراه كردون امنى لا حصر له فى الصبح وانا لسه رايحه كان 3 عربيات امن مركزى وبعدها بساعتين لانى عملت اذن ومشيت بدرى يعنى 11 تقريبا لقيتهم 18 عربيه امن مركزى مليانين عساكر وجنود والشارع اللى فيه الوزاره مقفول وممنوع حد يمر فيه لا سياره ولا على القدمين

معناه ايه ده كله
ان هو خلاص بقى فى مركز خطر جدا ومستهدف من موظفينه قبل الناس والشعب

لا ياجماعه هو نهايته قربت جدا ومش ممكن هيفضل الوضع كده ابدا

من ضمن الشائعات اللى سمعتها كمان ان موظفينه فى موضوع نقل الموظفين الاسبوع الماضى اللى تنصل منه وقال ان قرار النقل تم اثناء سفره وهو ملهوش علاقه بيه ورجعهم كان بسبب ان الموظفين اقتحموا عليه مكتبه فى محاوله لضربه ولكن الامن فض المشكله

ان غدا لناظره لقريب وادينا مستنين الغد بس يارب ميكونش سى زكى قارفنا فى الغد برضو